मुख्य पृष्ठ हटलाइन समाचार शिक्षा / स्वास्थ्य राजनिती खेलकुद समाज अपराध अर्थ / व्यापार अन्तराष्ट्रिय भिडियो लेख तथा रचना

अन्तराष्ट्रिय


काठमाडौं । प्रधानमन्त्री पुष्पकमल दाहाल ‘प्रचण्ड’ले पुस २६ गते बसेको प्रतिनिधिसभाको बैठकले आफूलाई अभूतपूर्व विश्वासको मत दिएको बताउनुभएको छ ।
कम्युनिस्ट आन्दोलनका पूराना नेता, नेकपा (माओवादी केन्द्र) को जेष्ठ नागरिक सल्लाहकार मञ्चका केन्द्रीय सदस्य भुवनप्रसाद श्रेष्ठद्वारा लिखित ‘कम्युनिस्ट आन्दोलनका प्रेरक भुवन दाइ’ पुस्तकको लोकर्पण गर्दै प्रधानमन्त्रीले उक्त कुरा बताउनुभएको हो ।

प्रधानमन्त्री प्रचण्डले भन्नुभयो, ‘‘सिंगो सदन नै विश्वासको मत दिने अवस्थामा आयो । यो नेपाली राजनीतिमा असाधारण परिघटना भयो । करिब राष्ट्रिय सहमति नै भयो । यो मेरा लागि गौरवको विषय हो, चुनौती पनि हो । मैले त्यही ठानेको छु । सिंगो देशलाई एकतावद्ध भएर जाने वातावरण बनेको छ, देश एकतावद्ध भएर जान्छ ।’’

पुस्तकमाथि चर्चा गर्दै प्रधानमन्त्रीले भन्नुभयो, ‘‘भुवन दाइको पुस्तक विमोचन गर्न पाउँदा गौरवको अनुभूति भएको छ । झण्डै ४६ वर्ष पहिले भीमोदय माविमा फर्किएजस्तो अनुभूति भएको छ । पूराना शिक्षक साथीहरू र विद्यार्थीहरू पनि देख्दा छुट्टै आत्मीयताको महसुस भएको छ । परिवारका सदस्यहरू पनि हुनुहुन्छ । मलाई युवा जीवनको स्मृति भइरहेको छ ।’’ 
‘‘त्यतिबेलाको समय उर्जाशील थियो । हामीले उत्साहका साथ मिलेर काम गरेका थियौँ । म जानुपूर्व एसएलसीमा कोही पनि उत्तीण भएका थिएनन् । म गएपछि ८ जना विद्यार्थी उत्तीर्ण भएँ’’ प्रधानमन्त्री प्रचण्डले भन्नुभयो, ‘‘२२/२४ वर्षको उमेर निकै महत्वपूर्ण र उर्जाशील रहेछ । मलाई नयाँ उर्जा प्राप्त भएजस्तो अनुभूति भएको छ ।’’
‘‘अहिले ४६ वर्षपछि गोरखाबाटै निर्वाचित भएर प्रधानमन्त्रीमा निर्वाचित भएको छु’’ उहाँले भन्नुभयो, ‘‘बुढीगण्डकी जलविद्युत आयोजना, आरूघाट, बेनीघाट लार्के सडक, पर्यटनको विकास मेरो प्राथमिकतामा छ । म त्यहीँको जनप्रतिनिधि हुँ, मेरो जिम्मेवारी बढेको छ ।’’
कार्यक्रममा उपप्रधान एवं भौतिक योजना तथा यातायातमन्त्री नारायणकाजी श्रेष्ठ, पूर्वमन्त्री चीनकाजी श्रेष्ठ लगायतले सम्वोधन गर्नुभएको थियो।

पुरा हेर्नुहोस्

काठमाडौं । याेङ्ग कम्युनिष्ट लिग नेपाल (वाईसीएल) काे तेस्राे पुर्ण बैठक काठमाडौंमा सुरु भएकाे छ । संगठनका अध्यक्ष सुबाेधराज सेर्पालीकाे अध्यक्षतामा गाेल्डेन लाईट पार्टी प्यालेस मित्रपार्ककाे सभा हलमा दिउसाे १ बजेबाट बैठक सुरु भएकाे छ ।

नेकपा (माओवादी केन्द्र) काे मेरुदण्डको रुपमा स्थापित क्रान्तिकारी युवाहरुकाे संगठन वाईसीएलकाे तेस्रो पुर्ण बैठककाे उद्घाटन पार्टी उपाध्यक्ष कृष्ण बहादुर महराले गर्नुभएकाे थियाे । बिहान ११ बजे बाट सुरु हुने भनिएकाे बैठक दिउँसो १ बजेबाट सुरु भएकाे थियाे ।

बागमती प्रदेश ईन्चार्ज तथा केन्द्रीय सचिव ललित श्रेष्ठ  'अभियान' का अनुसार बैठकले वडा देखि केन्द्र सम्म संगठनलाई ब्यबस्थित गर्न भेला/सम्मेलनकाे मिति तय गर्ने, जनताकाे वास्तविक समस्या समाधानका लागि संगठनले सरकार र जनता बिच पुलकाे भुमिका निर्वाह गर्ने, जनमुखी सरकार बनाउन नेतृत्वलाई आबश्यकता अनुसार सल्लाहा-सुझाव र ध्यानाकर्षण गराउने जस्ता महत्त्वपूर्ण निर्णयहरु गर्ने छ । 

संगठनका फ्याक्शन ईन्चार्ज तथा पार्टी पाेलिटब्यूरो सदस्य रामप्रसाद सापकाेट 'दिपशिखा' काे विशेष उपस्थितिमा बसेकाे बैठक दुई दिन सम्म चल्ने र बैठक काे दाेस्राे दिन सम्माननिय प्रधानमन्त्री तथा पार्टी अध्यक्ष  पुष्पकमल दाहाल 'प्रचण्ड'ले सम्बाेधन गरि युवाहरुलाई जनताकाे सेवक र समाजवाद निर्माणकाे पहरेदार बन्न दिशा निर्देश गर्ने कार्यक्रम रहेकाे सचिव श्रेष्ठले बताएका छन् ।

पुरा हेर्नुहोस्

काठमाडौं । प्रधानमन्त्री पुष्पकमल दाहाल ‘प्रचण्ड’ले आफू तेश्रो पटक प्रधानमन्त्रीमा नाम लेखाउन वा सिंहदरबारमा अर्को कार्यकालको फोटो झुन्ड्याउन मात्र नउभिएको बताएका छन् ।

प्रतिनिधिसभामा आज विश्वासको मत माग्ने क्रममा उनले भने, ‘हालसम्म प्राप्त उपलब्धिलाई संस्थागत गर्दै र सबैप्रति कृतज्ञता व्यक्त गर्दै म एउटा परीक्षा दिन चाहन्छु, म फोटो झुण्ड्याउन र नाम लेखाउन मात्रै तेस्रोपटक प्रधानमन्त्री भएको होइन ।’

उनले हरेक पटक संसदमा आफू उपलब्धिका ‘डाटा र रिपोर्ट कार्डका’ साथ उपस्थित हुने प्रतिबद्धता व्यक्त गरे ।

पुरा हेर्नुहोस्

प्रधानमन्त्री पुष्पकमल दाहालले व्यक्तिगत प्रयोजनका लागि ल्याएको मोबाइल जफत गर्नेलाई कारबाही अगाडि बढाउन निर्देशन दिएका छन्।

सोमबार अमेरिकाको टेक्सासबाट काठमाडौंस्थित त्रिभुवन अन्तर्राष्ट्रिय विमानस्थल ओर्लिएका झापाका दुधलाल नेम्वाङले साथमा ल्याएको नयाँ फोन त्रिभुवन अन्तर्राष्ट्रिय विमानस्थलस्थति रहेको भन्सार कार्यालयले जफत गरेको थिए।  उक्त घटनाप्रती प्रधानमन्त्री दाहालले अर्थ मन्त्रालयलाई तत्काल कारबाही अगाडि बढाउन निर्देशन दिएका हुन्।

त्यस्तै विदेश गएका नेपालीहरुले आफूसँग फर्किँदा दुईवटा मोबाइल ल्याउने कुरालाई सरल र सहज बनाउन आवश्यक नीतिगत तथा कानुनी जटिलता भए त्यसलाई समेत फुकाउन दाहालले निर्देशन दिएका छन्।  

भन्सार विभागले पुस १५ गतेदेखि लागू हुने गरी विदेशबाट एउटाभन्दा बढी फोन ल्याएमा १८ प्रतिशत भन्सार शुल्क लाग्ने सूचना जारी गरेको थियो। तर लगत्तै सर्वत्र विरोध भएपछि प्रधानमन्त्री पुष्पकमल दाहालले सो कुरा तत्काल कार्यान्वयन नगर्न निर्देशन दिएका थिए।  

उक्त निर्देशनको पालना नगरि त्रिभुवन अन्तर्राष्ट्रिय विमानस्थलस्थित रहेको भन्सार कार्यलयले फोन जफत गरेको थियो। 

पुरा हेर्नुहोस्

लुम्बिनी प्रदेश सभा स्वतन्त्र सांसद दीपेन्द्रकुमार पुनमगर माओवादीमा फर्किएका छन् । 

तत्कालीन पाँचदलीय गठबन्धनले टिकट बाँडफाँड गर्दा रोल्पा (२) मा कांग्रेसका अमरसिंह पुनले टिकट पाएपछि दीपेन्द्रकुमार माओवादी छाडेर स्वतन्त्र उम्मेदवार बनेका थिए ।

पार्टी छाड्नुअघि उनी माओवादीमा पोलिटब्युरो सदस्य तथा रोल्पा जिल्ला इन्चार्ज थिए । पार्टीले पटकपटक निर्देशन दिँदा पनि उम्मेदवारी निष्क्रिय नपारेपछि माओवादीले उनलाई पार्टीबाट निष्कासन गरेको थियो ।

पार्टी अध्यक्ष प्रचण्डलाई सम्बोधन गर्दै उनले आत्मालोचना पत्र बुझाएपछि आज प्रधानमन्त्रीनिवास बालुवाटारमा प्रधानमन्त्री तथा माओवादी अध्यक्ष प्रचण्डले खादा लगाई पार्टीमा स्वागत गरे ।

कारबाही फिर्ता गराई पुनः माओवादीमा फर्काउन माओवादी सचिव वर्षमान पुन अनन्तले विशेष भूमिका खेलेको माओवादी नेताहरूले बताएका छन् । 

उनले पत्रमा लेखेका छन्, ‘पार्टीको पोलिटब्युरो सदस्य र रोल्पा इन्चार्जको जिम्मेवारीबाट राजीनामा दिएर उम्मेदवार बनेकोमा पार्टीले पनि सबै जिम्मेवारीबाट निष्कासन गरेकाले म पुनः पार्टीमा फर्केर पार्टीको जिम्मेवारी पूरा गर्ने प्रतिबद्धता व्यक्त गर्न चाहन्छु ।’

पुरा हेर्नुहोस्

कास्की । पोखरा अन्तर्राष्ट्रिय विमानस्थलमा प्रधानमन्त्री प्रचण्ड ‘सरल’ देखिनु भएको छ । अन्तर्राष्ट्रिय विमानस्थल उद्घाटनपछि उनी एकाएक भीआईपी कक्ष छाडेर आन्तरिक यात्रु कक्षतिर मोडिनु भयो । खासमा उहाँ सर्वसाधारणसँग विमानस्थलबारे प्रतिक्रिया लिने मुडमा हुनुहुन्थ्यो ।

उहाँले आन्तरिक पर्यटकहरुसँग विमानस्थल कस्तो लाग्यो ? भन्ने प्रश्न गर्नुभयो । भारतको कर्नाटकबाट आएका एक पर्यटकले सुन्दर भएको संक्षित उत्तर दिए । यतिमा प्रचण्ड रोकिनु भएन । नजिकै प्रधानमन्त्री पाएपछि केहीले सेल्फी मोह देखाए । केहीले बधाई दिन भ्याए । केहीले नानीबाबुसँग फोटो खिचाए ।

‘यो त विदेशमै जस्तो भयो’, पोखराका रविन अधिकारीले भने, ‘हामीले पनि विदेशमा जस्तै सर्वसाधरणसँगै हाम्रो प्रधानमन्त्री प्रचण्ड देख्न पाइयो ।’

विदेशी र स्वदेशी यात्रुसँगको भलाकुसारीपछि उहाँ काठमाडौं फर्किनु भयो । ‘कहिल्यै प्रचण्डलाई नजिकबाट देखिएको थिइन । एकदमै सरल मान्छे हुनुहुँदो रहेछ’, काठमाडौंबाट बिदा मनाएर फर्केकी राधिका न्यौपानेले भनिन् ।

तस्बिर : प्रदीपराज वन्त

पुरा हेर्नुहोस्

काठमाडाैं । प्रधानमन्त्रीमा नियुक्त भएका नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले पदभार ग्रहण गरेका छन् ।

सोमबार साँझ सिंहदरबारस्थित प्रधानमन्त्री तथा मन्त्रिपरिषद्को कार्यालयमा उनले आज पदभार ग्रहण गरेका हुन ।

पदभार ग्रहण गर्दै प्रधानमन्त्री प्रचण्डले ‘सुशासन, सेवा प्रवाह र विकास निर्माणका काममा प्रभावकारिता अभिवृद्धि गर्न प्रधानमन्त्री तथा मन्त्रिपरिषद कार्यालयको सुदृढीकरणसम्बन्धी निर्णय’मा हस्ताक्षर गरेका छन् ।

पुरा हेर्नुहोस्

ललितपुर । यहि २०२३ जनवरी १६ देखि २८ तारिखसम्म थाईल्याण्डको राजधानी बैङककमा हुन गइरहेको अन्डर २२ पुरुष तथा महिला ४८ केजी तौल समुहको बक्सिङ्ग छनौट च्याम्पियनशिपकाे फाईनल खेलमा जेनेक्सका तेजीमाया गुरुङ्गलाई अंकको आधारमा पराजित गर्दैै छनौट भएकीछिन् ।

त्यसैगरी पुरुष ४८ केजी तौल समुहमा भएको फाईनल खेलमा बक्समाण्डुका लक्ष्मण राई र एचटुओका लाल प्रसाद उप्रेतिबीच भएको प्रतिष्पर्धात्मक खेलमा एचटुओका लाल प्रसाद उप्रेति विजयी भई छनाैट भएकाछन्  ।

त्यसै गरी महिला ५७ केजी तौल समुहमा बक्समाण्डुका हेमा राईले झापाका सुस्मिता राईलाई पराजित गर्दै छनौट चरण पार गरेका छन् ।

त्यसै गरी आज भएका पुरुष ५७ केजी तौल समुहमा केवाईबीसीका निर्मल सुबेदीले नक्सालका आयुश्मान चटौतलाई एबीडीको आधारमा पराजित गर्दै सेमि फाईनलमा प्रवेश गरेका छन ।

सदस्य सचिव टंकलाल घिसिङ्गको प्रमुख आतिथ्यतामा भएको आजको राष्ट्रव्यापी बक्सिङ्ग छनौटमा नेपाल बक्सिङ्ग संघका अध्यक्ष राम अवाले, वरिष्ठ उपाध्यक्ष अर्जुन बहादुर केसी, महासचिव सविन भट्टाचार्य, कोषाध्यक्ष गौतम सुजखु, सदस्यहरु, मान बहादुर भण्डारी, ओम नारायण श्रेष्ठ, पुष्कर राज पन्त, श्याम काजी अवाले, शोभार जंग केसी तालिम तथा प्रशिक्षण विभागका प्रमुख तथा बक्सिङ्ग मुख्य प्रशिक्षक प्रचण्ड शर्मा लगायतको उपस्थिति रहेको थियो ।
छनौट चरणका अन्य खेलहरु भोलि दिनका १ः०० बजे सञ्चालन हुनेछन् ।

पुरा हेर्नुहोस्

काठमाडौं । एमाले लगायतका दलले नयाँ सत्ता समिकरण गर्दै माओवादी संसदीय दलका नेता पुष्पकमल दाहाल 'प्रचण्ड'लाई प्रधानमन्त्री बनाउने सहमति गरेका छन् । एमाले अध्यक्ष केपी शर्मा ओलीको निवास बालकोटमा आइतबार बसेको बैठकले दाहाललाई आधा कार्यकालका लागि प्रधानमन्त्रीको रुपमा अघि सारेको हो । साढे २ वर्षपछि एमालेले प्रधानमन्त्री लिनेछ ।

बैठकमा सहभागी माओवादी नेता वर्षमान पुनका अनुसार दाहाललाई प्रधानमन्त्रीमा अघि सार्दै राष्ट्रपतिसमक्ष आइतबारै दाबी पेश गर्ने सहमति छ । प्रचण्डलाई एमालेका ७८, माओवादीका ३२, राष्ट्रिय स्वतन्त्र पार्टीका २०, राप्रपाका १४, जसपा १२ र अन्य साना दलको समेत समर्थन जुटेको बताइएको छ। सिके राउत नेतृत्वको जनमत पार्टीले पनि नयाँ गठबन्धनलाई सघाउने छ । जनमत पार्टीका महासचिव चन्दन सिंहले सरकार बनाउने प्रक्रियामा आफूहरुले समर्थन गर्ने बताए । जनमत पार्टीका ६ जना सांसद छन् ।

यस्तै, नागरिक उन्मुक्ति पार्टी पनि जोडिनेछन् ।

राष्ट्रपति विद्यादेवी भण्डारीले प्रधानमन्त्रीका लागि दाबी पेश गर्न दलहरुलाई दिएको समयसीमा आइतबार ५ बजे सम्मका लागि छ ।

पुरा हेर्नुहोस्

२२ मंसिर, काठमाडौं । पार्टी झनपछि झन कमजोर बनेको भन्दै नेकपा माओवादी केन्द्रका युवा नेताहरुले छलफल थालेका छन् ।

पछिल्लो चुनावी परिणामले आफूहरु चिन्तित भएर पार्टी रुपान्तर र पुनर्गठनका लागि जुटेको उनीहरुले बताएका छन् ।

माओवादी केन्द्रका युवा केन्द्रीय सदस्यहरु लेखनाथ न्यौपाने, हिमाल शर्मा, रामप्रसाद सापकोटा ‘दीपशिखा’, रामदीप आचार्य, डिपी ढकाल, रन्जित तामाङ लगायतको पहलमा छलफल सुरु भएको हो ।

बिहीबार भृकुटी मण्डपस्थित रत्नराज्य क्याम्पसमा औपचारिक छलफलमा जुट्नुअघि उनीहरु अनौपचारिक छलफलमा समेत बसेका थिए ।

छलफलमा सहभागी वाईसीएल इन्चार्ज समेत रहेका दीपशिखाले पार्टीको जनवर्गीय संगठनका प्रतिनिधिहरुको सुझाव लिने काम भएको बताए । ‘यो गुट रहित, कमिटीरहित छलफल हो,’ उनले भने, ‘माओवादीको रुपान्तरणबारे छलफल भयो ।’

छलफलमा जनवर्गीय संगठनकातर्फबाट जनसांस्कृति महासंघका अध्यक्ष मात्रिका पोखरेल, वाईसीएल उपाध्यक्ष सकम गुरुङ, दलित मुक्तिमोर्चाका अध्यक्ष र किसान महासंघका महासचिव सहभागी थिए ।

अर्का केन्द्रीय सदस्य हिमाल शर्माले जनवर्गीय संगठनका प्रतिनिधिहरुको सुझाव लिएको बताए । ‘पार्टी बनाउन सम्भव छ तर संगठनात्मक, सरकार संचाल र विचार निर्माणको परिपार्टी बदल्नुपर्छ भन्ने हो,’ शर्माले भने ।

माओवादी पार्टी अरु पार्टी भन्दा भिन्न किन भएन भन्ने चिन्ताले आफूहरु छलफलमा जुटेको उनले बताए ।

वाम बुद्धिजीवी, पत्रकार र राजनीति शास्त्र अध्ययन गरिरहेका विद्यार्थीबाट पनि उनीहरुले सुझाव लिने बताएका छन् । ‘छलफलबाट आएका सुुझावलाई टिपोटका रुपमा पार्टी नेतृत्वलाई हस्तान्तरण गर्छौं,’ दीपशिखाले भने ।

छलफलको पहल लिइरहेका अधिकांश युवा केन्द्रीय सदस्यहरुले माओवादी सरकारमा जान नहुने र प्रतिपक्षमा बसेर पार्टी निर्माणमा लाग्नुपर्ने धारणा राख्ने गरेका छन् ।

यसबारे केन्द्रीय सदस्य डीपी ढकालले भने, ‘संसदीय राजनीति गरेपछि सरकारमा जानै हुन्न भन्ने त होइन । तर, जाने हो भने किन जाने, त्यहाँ गएपछि के दिन्छौं भन्ने कुरामा छलफल हुनुपर्छ ।’

माओवादीले अघिल्लो वर्षको पुसमा आठौं महाधिवेशन गरेको थियो । उक्त महाधिवेशनबाटै एक वर्षपछि विशेष महाधिवेशन गर्ने घोषणा गरिएको थियो । पार्टीलाई कसरी रुपान्तरण गर्ने भन्नेबारेमा विशेष महाधिवेशन बोलाएर छलफल गनुपर्ने धाराणा समेत उनीहरुको छ ।

पुरा हेर्नुहोस्

रामेछाप । रामेछाप प्रदेश सभा ख बाट निर्वाचित प्रदेश सभा सदस्य युवराज चौलागाइले आफ्नो पहिलो महिनाको तलब विद्यार्थीहरुका लागि खाजा खर्च दिने उद्धघोष गर्नु भएको छ । 

आईतबार मन्थली नगरपालिका वडा नं. ९ पुरानागाउँमा रहेको श्री स्थानापति माध्यमिक विद्यालयको ६२ औँ स्थापना दिवस तथा अभिभावक भेलाका अवसरमा आयोजना गरिएको कार्यक्रममा बोल्दै प्रदेश सभा सदस्य चौलागाइले आफ्नो पहिलो महिनाको तलब ५०,०००।–(पचास हजार रुपैया) विद्यार्थीको खाजाको लागि खर्च गर्ने उद्धघोष गर्नु भयो । 
कार्यक्रमका प्रमुख अतिथि चौलागाईले शिक्षाको गुणस्तर वृद्धि गर्नको लागि राज्यले गर्ने सम्पूर्ण सहयोग गर्न आफू तयार रहेको र सामुदायिक विद्यालयको शिक्षालाई प्रभावकारी बनाउनको लागि आफु तयार रहेको बताउनु भयो ।

त्यसैगरी कार्यक्रममा वडा नं ९ पुरानागाउँमा रहेको धार्मिक स्थल थानापति महादेव मन्दिरको धेरै महत्व हुदाँ हुदै पनि ओझेलमा परिरहेको अवस्थामा उक्त मन्दिरलाई धार्मिक पर्यटन स्थलका रुपका विकास गर्न सकिने समेत सांसद चौलागाइले बताउनु भयो ।
कार्यक्रममा मन्थली नगरपालिकाका उपसचिव हेमन्त वुढाथोकी, सोही वडाका वडा अध्यक्ष गोकर्णराज आरण लगायतको सहभागिता रहेको थियो ।

पुरा हेर्नुहोस्

नीलकण्ठ तिवारी

२०७९ मंसिर १६ गते बिहान नेकपा (माओवादी केन्द्र)का अध्यक्ष कामरेड पुष्पकमल दाहाल ‘प्रचण्ड’लाई भेटेर २८ बुँदाको सुझावपत्र दिएपछि देश तथा विदेशमा रहनुहुने मित्र तथा कामरेडहरुले त्यसभित्रका अन्तर्वस्तुका बारेमा निकै धेरै जिज्ञासा राख्नुभएको कारण म जस्तो सामान्य कार्यकर्ताले अध्यक्षलाई बुझाएको सो सुझावपत्रलाई आवश्यक सम्पादनसहित मात्र यहाँ उल्लेख गरेको छु ।

मेरो सुझावको पहिलो च्याप्टरमा २०७९ को स्थानीय तथा प्रदेश र संघको निर्वाचनको समिक्षाका बारेमा उल्लेख छ । १८ घण्टासम्मको लोडसेडिङ्ग हटाएको राजधानीलगायत देशका धेरै सडक फराकिलो बनाएको, सरकारी सम्पत्तिको किफायती र सुरक्षामा ध्यान दिएको, सन्तुलित विकासका लागि ध्यान दिएको, गौरवका योजनाहरुको श्रृंखला तयार भएको, सुशासन बहालीलाई प्राथमिकतामा राखेको, दलित, जनजाती, महिला तथा उत्पीडित समुदायका हितमा कानुन बनाएको, समावेशी प्रवाहिकरण गराएको, राजनैतिक स्थिरताका लागि अरुको नेतृत्व सहने संस्कृति देखाएको लगायतका विशेषता र उपलब्धि हुँदा हुँदै पनि सम्पन्न निर्वाचनमा माओवादीलाई मतका हिसाबले पीडा थपिएको छ । राजनीति नै जनताप्रति समर्पित भनिँदा भनिँदै पनि जनताबाट विश्वास जित्न नसकिएको अवस्था देखापरेको, वैचारिक तथा सैद्धान्तिक प्रश्न र राष्ट्रियतासँग जोडिएका माथि उल्लेखित सवालहरुमा भएका कमजोरी पनि यसमा जिम्मेवार छन् । साथै, उम्मेदवार चयनमा पारदर्शी प्रक्रियाको अभाव पनि यस्तो परिणामको कारण रहेको छ । रुकुम, र नवलपरासीलगायतमा पार्टीको आधिकारीक उम्मेदवारका विपक्षमा पार्टीकै जिम्मेवार कमरेडहरु स्वतन्त्र उठेर र जितेका घटनाक्रमले उम्मेदवारी चयनमा भएका जवर्जस्ती केही प्रष्ट देखिएको छ । प्रतिगमनका विरुद्धमा अहिले गठबन्धनको राजनैतिक बाध्यता रहेपनि पहिला एमालेसँगको परिनर्भरता र पछि कांग्रेससँगको सहयात्रालाई वैतरणी तर्ने माध्यम ठानेर आफनो पंक्ति दुरुस्त नपार्नु पनि परिणामको अर्को कारण रहेको, निर्वाचनदेखि निर्वाचनसम्मको चिन्ता लिँदा र गठबन्धन गर्दा पनि चुनावी परिणाम यो हुनु दुःखद् नै भएको बताएको छु । निर्वाचन प्रणाली खर्चिलो हुनु, उम्मेदवार चयनमा समस्या पैदा हुनु, गठबन्धनको भरपर्नु र निर्वाचनमा हुने हरेक दलालीहरुलाई प्रतिरोध गर्न नसक्नु माओवादीका मुख्य समस्या रहेपनि आन्दोलनको बाँकी कामका लागि मतदान गर्ने करिब १२ लाख हाराहारीका मतदाताको भाव समातेर विश्वास प्रकट गर्नेहरुसँग अनुग्रहित हँुदै त्यसका बिचबाट नयाँ उभार सृजना हुनसक्ने अवसरलाई सही सदुपयोग गर्नु बान्छनीय भएको अनुरोध गरेको छु ।

अध्यक्ष कमरेड प्रचण्डलाई दिएको सो सुझावपत्रमा मैले पार्टी र आन्दोलनका सबलताहरु उल्लेख गरेको छु । विशिष्ट राजनैतिक पहिचान बोकेको माओवादी आन्दोलनले नेपाली धर्तीमा मालेमावाद र प्रचण्डपथ (मेरो प्रस्तावमा नेपालपथ)को विचार श्रृंखला विकास गरी यसको रक्षा, प्रयोग र विकासको अभ्यासका क्रममा नेपाली मौलिकताको गाउँबाट शहर घेर्ने दीर्घकालीन जनयुद्धका माध्यमबाट सामान्तवादलाई कमजोर बनाउँदै, अन्तरबिरोधहरुमा निशाना साँध्दै, जनयुद्ध र जनआन्दोलनको कलात्मक समायोजनबाट लोकतान्त्रिक गणतन्त्र स्थापनासम्मको मुख्य योगदान माओवादी आन्दोलनकै रहेको, गणतन्त्र, संघीयता र धर्मनिरपेक्षता तथा राज्यको समावेशी प्रवाहिकरण यसैको योगदान भएको, संविधानमा समाजवाद उन्मुख राज्यप्रणालीको कुरा लेखाएर वैज्ञानिक समाजवादको गन्तव्यतर्फ ढोका खुला गराउने काम पनि यही आन्दोलनले गरेको हो ।

लक्ष्यका लागि लचकताको पराकाष्ठामा बहनसक्ने र देशको राजनीतिलाई अहिलेसम्म आन्दोलनको वरीपरि नै घर्षण गराइरहने खुबि भएको प्रचण्लगायतको नेतृत्वको टिम तथा नेतृत्वको नियतप्रति शंका नगरी सघाईरहने सयौं कार्यकर्ता तथा लाखाैं मतदाता र शुभेच्छुक यो आन्दोलनको ठूलो सम्पत्ति हुन् । वर्ग निष्ठामा प्रतिबद्ध ठूलो संख्याका क्रान्तिकारी कुनै दलभित्र अझै छन् भने अहिलेसम्म पनि माओवादी केन्द्रमै बढी भएको अर्थात् छोटो भाषामा भन्दा माओवादी आन्दोलन नै अझैपनि पनि आन्दोलन र परिवर्तनको मुख्य ब्राण्ड रहेको कुरा पनि उल्लेख गरेको छु ।

माओवादी आन्दोलनका यी सबलतासँगसँगै हुर्किइसकेका दुर्बलताहरु पनि मैले समावेश गरेको छु । आन्दोलनभित्र बढेका विकृति, त्यसबाट नेताहरु बिचमा बढेका शंका र अविश्वास तथा फुट र विभाजनबाट क्रान्तिकारी जनसमुदायमा परेको ठूलो निराशा नै मुख्यरूपमा हाम्रो अहिलेको दुर्वलता रहेको, विभाजनको मनोविज्ञानसँगै स्वभाविकरूपले बढेको प्रतिक्रियावादीहरुको सल्लाहलाई सरकार निर्माणको अंकगणीतसँग मात्रै जोडिएको, लचकताका नाउँमा सैद्धान्तिक अडान छाड्दै गएका दृश्य सम्प्रेषण भएको छ ।

विचारको रक्षा, प्रयोग र विकासको विषय प्राथमिकतामा नपरेको, वर्गपक्षधरता प्रष्टयाउन नसकिएको, कुर्सीका लागि जतिबेला पनि र जोसँग पनि निर्वस्त्र भएजस्तो र लम्पसार परेजस्तो देखिएपछि जनताको कुरीकुरी बढ्दै गएको, सरकारको समिकरणका नाममा राष्ट्रियता, जनतन्त्र र जनजिवीकाका अहम् प्रश्नमा ध्यान नदिएको, एमसीसी, एसपीपी र नागरीकता बिधेयकमा सही अडान कायम नभएको र अन्तर्य सम्प्रेषण गर्न नसकिएको, देश र जनताको हितभन्दा नेताहरु आफ्नो परिवार र गुटको कल्याणमा लागेको भन्ने जनअनुभुति व्यवहारमा खण्डित गर्न नसकिएको, पार्टीभित्र रचनात्मक र मित्रवत आलोचनामा पनि शत्रुवत व्यवहार बढाइने गरेको पनि समस्या छन् ।

माओवादी आन्दोलन गर्न सक्षम देखिएपनि नेतृत्व परिवर्तन व्यवस्थापनमा कौशलता विकास नभएको देखिएको छ । पार्टी गठन र पुनर्गठन गर्न सकेपनि सुदृढ र एकताबद्ध पार्टी टिकाउन नसकेको तितो यथार्थ हामीसँग छ ।

नेताहरु नीजि स्वार्थमा केन्द्रीत भएर आफू र आफ्नालाई पद, प्रतिष्ठा र सुबिधा थोपर्दा मूल्य, मान्यता र सभ्यताको घीनलाग्दो उल्लंघन भएको, स्वयम् र आलोचनात्मक चेतबाट विपरितको एकत्वलाई स्वीकार नगरिएको पाइन्छ ।

वर्षौंसम्म पनि गुटगत धङ्धङी तोड्न नसकिएको, चाकडी, चाप्लुसी र भद्धा कर्मचारीतन्त्रीय संस्कार जब्बर पारिएको, आफूसँग विद्रोह गर्ने सयाैँलाई पनि अवसरवादी भनेर घचेट्ने, पेल्ने, ठेल्ने गरिएको तर, प्रतिक्रियावादी समूहबाट एकजना पसेर लम्पसार गर्नासाथ अस्वभाविक दज्र्यानी दिने गरिएकोे, आधारभूत वर्गको सेवा गर्छु भनेर प्रतिबद्धता जनाउने तर, शहरमा बसेर दलाल पुँजीवादी रवैया बढाउने काम भएको मात्र नभै त्यसैको पक्षपोषण गरिएको, निश्चित नेताहरु धनी बन्दै गएको तर, हजाराैँ कार्यकर्ता तथा शहिद, बेपत्ता परिवार, घाइते योद्धा र लाखौं जनताको बेहाल बढ्दै गएको, आफ्ना स्वार्थको प्याकेजलाई राजनैतिक यात्राको दस्तावेजीकरणको प्रयास हुँदै आएको, व्यवहारबाटै जनतालाई निराशामा धकेलीएको, पार्टीभित्र कोही कामै नपाई तड्पिनुपर्ने स्थिती रहेको तर, कसैलाई भ्याइ नभ्याइ बनाइएको, एउटै वंश, एउटै परिवार र एउटै व्यक्ति हालीमुहाली हुने पुरानो सामन्ती प्रवृतिलाई भत्काउन नखोजीएको, नेतृत्व सधैँ विचार र सिद्धान्तभन्दा माथि बस्न रूची गरेको तथा आफ्नो पंक्तिलाई भेडाहरुको बथान बनाउने प्रयासलगायतका नीति विपरितका परिदृश्यहरु अहिलेपनि आन्दोलनको दुर्बलताका कारण भएको कुरा मैले उल्लेख गरेको छु ।

यी र यस्ता दुर्बलताका बाबजुद पनि नेकपा (माओवादी केन्द)का सम्भावना निकै रहेको मैले उल्लेख गरेको छु ।

आफ्नो मिशन र लक्ष्यका लागि हँदै लचक हुनसक्ने र देशको राजनीतिलाई आफ्नो वरीपरि नै घुमाइरहनसक्ने अध्यक्ष कमरेड प्रचण्डलगायतको नेतृत्वको टिम देशको नेतृत्व लिन अहिलेपनि तयार रहेको स्थिति हुनु, त्यस्तैगरी लक्ष्य प्राप्तिका लागि नेतृत्वलाई अविच्छिन्न सघाइरहने हजारौं कार्यकर्ताको फर्मेशन माओवादीमै हुनु, वर्ग निष्ठामा प्रतिबद्ध ठूलो संख्याका क्रान्तिकारी अहिलेसम्म पनि माओवादी केन्द्रमै बढी भएका कारण माओवादी आन्दोलन अझैपनि आन्दोलन र परिवर्तनको मुख्य ब्राण्डका रूपबाट टसमस हुन नपर्नुजस्ता तथ्यले पनि नेकपा (माओवादी केन्द्र)अझै सम्भावना बोकेको र थप परिवर्तनको मुख्य राजनीतिक शक्ति बन्ने आधारहरु देखिएको कुरा राखेको छु ।

प्राप्त उपलब्धिको रक्षा गर्दै संविधानमा उल्लेख भएको समाजवाद निर्माणको आधार बनाउने वैधानिक बाटो यसैको नेतृत्वमा कोरिएको, कयाैं माओवादी नेता र कार्यकर्तामा विकृति र असहज दृश्य हुँदाहुँदै पनि परिवर्तनको मसिहाका रूपमा अहिलेसम्म पनि माओवादी नै स्थापित रहेको, भोलीको वैज्ञानिक समाजवादतर्फको यात्रामा प्रतिबद्ध पंक्ति पनि माओवादीभित्रै बढी रहेको कुरा पनि त्यसमा परेका छन ।

राष्ट्रियता, जनतन्त्र र जनजीवीकाका सवालमा अडीग रहने तथा देश, जनता र माटोलाई माया गर्ने सबैभन्दा ठुलो संगठित शक्ति त्यहिंभित्र रहेको, नेपालको समृद्धिको सपना साकार पार्न सक्ने विशिष्ट राजनैतिक पहिचान बोकेको यो शक्तिप्रति लाखाैं जनताको भरोसा अझै रहेको तथा यो तागतलाई ठिक ढंगले परिचालीत गर्नसके माओवादी आन्दोलन मात्र बौरिने छैन, देशले अवस्था परिवर्तनको बाँकी कार्यभारमा सकारात्मक फड्को मार्नेछ भन्ने कुरामा मैले धारणा राखेको छु । माटो र हावापानीको व्यवसायीक प्रयोगमार्फत उत्पादन, आत्मनिर्भरता, स्वाधिनता र समृद्धिको जग बसाल्ने अठोट भएका कार्यकर्ता कतै छन् भने अहिलेपनि माओवादीभित्र नै बढीको संख्यामा रहेकाले यो शक्तिको अधिक सम्भावना रहेको कुरा मैले उल्लेख गरेको छु ।

देशलाई वैज्ञानिक समाजवादको मार्गमा लैजाने र समृद्धिको जग खन्ने सबैभन्दा ठूलो फौज भएको नेकपा (माओवादी केन्द्र) का व्यापक सम्भावना हुँदाहुँदै पनि यसका सामुन्ने चुनौतीका चाङहरु भएका कुरा मैले सुझावपत्रमा राखेको छु । माओवादी आन्दोलनभित्र हुर्केका र बढेका विकृतिको नियन्त्रण, नेताहरु बिचमा बढेका दम्भ, अहंकार र स्वार्थ तथा त्यसबाट उत्पन्न शंका, अविश्वास तथा फुट र विभाजनबाट क्रान्तिकारी जनसमुदायमा बढेको डरलाग्दो निराशा अहिलेको मुख्य चुनौती एकातिर छ भने अर्कातिर संविधान र निर्वाचनको वैधानिक बाटोमा प्राप्त पछिल्ला हैसियत र विभाजनको मनोविज्ञानसँगै स्वभाविकरूपले बढेको प्रतिक्रियावादीहरुको सल्वलाहट पनि अहिले चुनौती नै बनेर ठडिएको छ ।

चुनावदेखि चुनावसम्ममात्रको व्यस्तता, सरकार निर्माणको अंकगणीतसँग मात्रै जोडिएको राजनैतिक कार्यक्रम र लचकताका नाऊँमा सैद्धान्तिक अडान समेत हराएजस्तो देखिने घटनाक्रमले पनि राजनैतिक रूपान्तरणका लागि चुनौती थपेको, सिद्धान्तप्रतिका निष्ठामा आएको ह्रास, विचारको रक्षा, प्रयोग र विकासको विषय तपसिलमा पारिएको यथार्थता र वर्गपक्षधरता प्रष्ट्याउन नसकिएको अवस्था र जटिलता पनि अबको यात्रामा चुनौती नै बनेर उभिएको, राष्ट्रियता, जनतन्त्र र जनजीवीकाका अहम् प्रश्नमा ध्यान नदिने संस्कृतिमा बढोत्तरीसँगै मनशाय सम्प्रेषण गर्न नसकिएको वर्तमान अवस्था र अन्यौलता पनि अग्रगमनको थप यात्रामा चुनौती नै बनेको, नीजि स्वार्थमा केन्द्रीत भएर आफू र आफ्नालाई पद, प्रतिष्ठा र सुबिधा थोपर्दा मूल्य, मान्यता र सभ्यताको खिल्लीले हद पार गरेपछि चुनावी प्रतिक्रियाका रूपमा मिसिन पुगेको जनमत पनि अर्को चुनौती बनेको, वर्षौंदेखि चल्दै आएको गुटगत अराजकताको नकरात्मक प्रभावसँगै चाकडी, चाप्लुसीमा आधारित लम्पसारतन्त्रको घेराबन्दी पनि अबको यात्रामा चुनौती बनेको, अरुको सहयोगमा अस्तित्व धानेर जीवीकोपार्जन गर्न चाहाने परजीवी चिन्तनको रूपान्तरणका लागि वर्ग निष्ठामा आधारित योजना र कार्यक्रमको तय गर्नु पनि अहिलेको चुनौती भनेर किटान गरेको छु ।

पार्टी, मोर्चा र जनसंगठनहरुलाई विधि, नीति र पद्धतीमा चलाउनुपर्ने, आफ्नै धरातलमा खुटटा टेकेर अघि बढनुपर्ने, भूँइमानिसका प्रतिको उत्तरदायित्वलाई प्राथमिकतामा राख्नुपर्ने, परिवार र सम्पतिप्रतिको सही बुझाई र आचारसंहिताको पालना हुनुपर्ने तथा जीवनको पारदर्शिता र सरलता सम्प्रेषण हुनुपर्ने तथा जनजीवनको सहजीकरणका लागि जनतामा सेवा सुविधा पुर्याउन दत्तचित्त हुनुपर्ने जस्ता अहिलेका आवश्यकता पुरा गर्न पनि नेतृत्वदेखि सबै सदस्यसम्मको रूपान्तरण हुन जरुरी रहेको भन्दै बिग्रीइसकेको आनीबानी रूपान्तरण अहिलेको जल्दोबल्दो चुनौती बनेको उल्लेख गरेको छु ।

रूपान्तरणको यो अनिवार्य कोर्षबाट बहाना बनाएर नभाग्ने हो भने चुनौतीहरु अवसरमा बदल्न सहजै सकिन्छ भन्ने कुरामा मेरो जोड रहेको छ ।

योसँगै मैले पार्टी सशक्तिकरणका लागि दस्तावेजमै प्रष्ट पार्नुपर्ने केही कुराहरु अन्तर्गत परिवर्तन व्यवस्थापनको विषयमा समाजशास्त्री, मानवशास्त्री र विषयगत विज्ञसमेतको कार्यशालाबाट यसलाई मुर्त पार्दै अहिलेसम्म भएका कमजोरी र अब गनुपर्ने योजना प्रष्ट हुनुपर्ने, आफैलाई बदल्ने र दुनियाँलाई बदल्ने विषय धेरै पटक भनिदै आएकोले अब व्यवहारमै लैजाने ठोस र विश्वसनीय आधार अध्यक्षसहित नेतृत्वबाट मूर्तरूपमै सार्वजनिक हुनुपर्ने, ‘समाजवाद उन्मुख संक्रमणकालीन कार्यनीति’को अवधारणालाई संक्रमणकालको वर्तमान परिभाषासहित समाजवादउन्मूख पदावलीको थप व्याख्या गर्नुपर्ने, दस्तावेजमा उल्लेखित ‘आन्दोलनमा सहयात्री बनाइएको पुँजीपतिवर्गको एक तप्का उपलब्धि नष्ट गर्ने बाटोमा’ भन्ने कुरामा राप्रपा, कांग्रेस र एमालेको भूमिका प्रष्ट उल्लेख गर्नैपर्ने खाँचो छ ।

सबै समूहभित्रका देशभक्त, इमानदार तथा समाजवादी र प्रगतिशिल सोचका नेता कार्यकर्तासँग मोर्चा नजिक पार्दै विभिन्न क्रान्तिकारी समूहसँग एकताको वातावरण बनाउने कुरामा जोड दिइनुपर्ने, सामान्य सुधारका कामसमेत गर्न नदिएको वर्तमान परिप्रेक्षमा ‘शान्तिपूर्ण प्रतिस्पर्धा र वैधानिक बाटोबाट समाजवादको आधार निर्माण गर्न सकिने परिस्थिती छ’ भन्ने दस्तावेजमा लेखिएको कुरा सैद्धान्तिक हिसाबले नै गलत रहेकोले ‘शान्तिपुर्ण प्रतिस्पर्धा र वैधानिक बाटोबाट मात्र समाजवादको आधार निर्माण गर्न सकिने परिस्थिती नरहेकोले वर्ग संघर्षका विभिन्न तरिकामा ध्यान दिइरहनु उत्तिकै जरुरी छ’ उल्लेख गरिनु आवश्यक छ ।

अध्यक्ष कामरेड प्रचण्डले चुनावको मुखमै आएर ‘चुनाव पछि सडक संघर्ष चर्काइने’ भनेको मर्म योजनामा देखिनुपर्ने, हामीले जोड दिन खोजेको ‘समाजवादउन्मूख समृद्धि’ भन्नाले स्वतन्त्र राष्ट्रिय अर्थतन्त्रको नीति र सामाजिक न्यायसहित राष्ट्रिय पुँजीकाे विकास प्रक्रियालाई दस्तावेजमा जोडिए पनि सामाजिक न्यायसहित राष्ट्रिय पुँजीको विकास हुनका लागि दलाल पुँजीको नियन्त्रणका विषयमा प्रष्ट गराउनुपर्ने, विज्ञान तथा सुचना प्रबिधिको चमत्कार, रोबोटीय युगको हुंकार र वित्तिय पुँजीको चक्रलाई राष्ट्रिय पुँजीनिर्माणमा उपयोग गर्ने अवसरलाई उत्तिकै ध्यान दिइनुपर्ने बाहेक खेतका गरा, बारीका पाटा, कान्ला र भीर (भीरमा समेत मौरी पाल्न सकिने) गरी सस्तो दाममा बाहिरिएका बलिया पाखुराको उपयोगमा पनि हाम्रो ध्यान जान जरुरी छ भन्ने भावमा विशेष व्याख्या हुनुपर्ने कुरा सुझावमा समेटेको छु ।

‘पुँजीको न्यायिक वितरणबिना समाजवादको कल्पना गर्न सकिँदैन, स्वाधिन पुँजीबिना न्यायीक वितरण सम्भव नै छैन, आत्मनिर्भरता बिना स्वाधिन पुँजी बन्नै सक्दैन, उत्पादन बिनाको आत्मनिर्भरता सोेंच्न पनि सकिँदैन, उत्पादनमैत्री वातावरण बिना उत्पादन हुनै सक्दैन, नीतिनिर्माण तहमा रहनेहरुले यसको श्रृंखला नबुझेसम्म उत्पादनमैत्री वातावरण नै बन्दैन’ भन्ने कुरा पार्टीको पंक्तिमा मनन् गराउनु पर्ने, अवस्था सुहाउँदो सांस्कृतिक क्रान्तिको प्रक्रिया’ लाई संक्षिप्तरूपमा उल्लेख गरिनुपर्ने, धर्म, संस्कार, संस्कृति र सामाजिक चेतना सम्प्रेषणमा समाजवादी मान्यता ख्याल गरिनुपर्ने र जनतासँग नजुधीकन सम्मानका साथ व्यवहारबाट रूपान्तरण गर्ने माओवादी सभ्यता व्यवहारबाटै देखाउने कुरो प्रष्ट हुनुपर्ने कुरा पनि बुँदामा समेटेको छु ।

यसैगरी, वर्तमान कठिन परिस्थितिका बावजुद पनि अन्तर्राष्ट्रिय अभियान अघि बढाउन हाम्रो पहल र प्रक्रिया जारी रहने तथा त्यस प्रकारको सम्भावनाका लागि सबै भाइचाराहरुसँग सम्पर्क चुस्त पार्ने कुरामा प्रतिबद्ध हुनै पर्ने, साम्राज्यवादको दोहोरो चरित्रको भण्डाफोर गर्ने कुरा सही भएपनि साम्राज्यवाद विरोधी लडाईंका लागि विभिन्न प्रकारका मोर्चा बनाउने कुरा उल्लेख गरिनु पर्ने, राष्ट्र संघ तथा सोअन्तर्गतका विभिन्न निकायबाटै गरिब देश र उत्पीडीत समुदायका पक्षमा आवाज बुलन्द पार्ने प्रयास गरिरहनुपर्ने, अन्य क्षेत्रीय र मौलिक संगठनहरुका बिचमा आवाज उठाउन नछाड्ने, प्रगतिशिल शक्ति र उत्पीडित समुदायका बिचका विभिन्न मोर्चाहरुमा प्रवेश गरेर साम्राज्यवादको भण्डाफोर गर्ने, विचार मिल्ने कम्युनिष्ट शक्तिहरुसँग थप सहकार्य गर्दै सबल कम्युनिष्ट अन्तराष्ट्रिय निर्माणको प्रयास गर्दै साम्राज्यवाद विरुद्ध रणनीति बनाउनमा ध्यान दिनुपर्ने कुरा पनि सुझावमा उल्लेख गरेको छु ।

उत्पादन र विकास निर्माणका कामबारे गत महाधिवेशनमा ल्याइएका आठ योजना र कार्यक्रमलाई कार्यान्वयनको तहमा लैजान ठोस र मुर्त खाका जरुरी भएकोले जल, जमिन, जंगल जडिबुटी, जलवायु जनावर, जनशक्ति र जराजुरी अर्थात ‘अष्ट ज’ को पहिचान र समन्वयमा ध्यानदिँदै माटो र हावापानीको व्यवसायीक प्रयोगमार्फत रोजगारी, उत्पादन र आत्मनिर्भरता बढाउने सोचको कार्यान्वयनमा जानुपर्ने खाँचो छ ।

हाम्रो नेतृत्वमा रहेका पालिका सरकारमार्फतको सहकारी, त्यो नसके सर्वपक्षीय सहमतिको सहकारी तथा त्यो पनि नभए हाम्रै पार्टी सदस्य र समर्थकको सहकारी निर्माणलाई क्रमशः प्राथमिकतामा राखेर प्रयास र अभ्यास अघि बढाउनुपर्ने आवश्यकता छ । सहकारीमार्फत पालिकाका वार्ड र टोलहरुमा उत्पादन सम्भावना (माटो जाँच र भौगोलिकता) अध्ययन गराउने, प्रत्येक घर धुरीमा पुगेर ‘मेरो घरबारी, आफ्नै सहकारी’बारे जनतालाई सुसुचित पार्ने, बाँझो राखेर खेर गएको जग्गा वा उत्पादन लागत पनि नदिएको अवस्थामा छलफल चलाउँदै सहकारीले जग्गा लीजमा लिने कार्यक्रम अघि बढाउने, पालिकाको प्रत्येक वडामा शुरुमा कम्तिमा पाँच जना (विदेशबाट सीप र ज्ञान सिकेर फर्केका तथा गाउँमै केही गरौं र गर्नुपर्छ भन्ने ध्येय राखेकालाई प्राथमिकता दिने) कार्य आवश्यक छ ।

त्यस्तै, युवा जनशक्ति खोजेर गाउँको सम्भावनाका बारेमा ओरियन्टेशन दिने, सर्वेको प्रश्नाबली तयार गरी छानिएकालाई केही दिन सर्वेको काममा लगाउने, जग्गा भाडाको कार्यविधि, रोजगारीको कार्यविधि, यान्त्रिकीकरण, उत्पादन, प्रशोधन, भण्डारण र बजारीकरणसम्मको व्यवस्थापन तयारी गर्ने, यो अभियानलाई मूर्त बनाउन र एकरूपता दिन तत्कालै एउटा केन्द्रीय कार्यशालाको आयोजना गर्नेलगायतका सुझाव दिएको छु ।

यसैगरी पार्टी र जनसम्बन्धबारेको सुझाबमा पार्टीको आफ्नै आधिकारिक वेबसाइट सञ्चालन गर्ने तथा अन्य सामाजिक सञ्जालहरु निर्माण गरी राख्न मिल्ने कुरा तत्कालै अपडेट गर्ने, अध्यक्ष प्रचण्डसँगको भेटघाटमा गुनासो आउन नदिन सचिवालय सञ्चालन कार्यबिधि बनाउने, अन्य नेताहरुको सचिवालय पनि चुस्त बनाउने, सचिवालय संचालनको दक्षता भएका जनशक्ति निर्माण गर्ने, भेटघाटसम्बन्धि आचार संहिता बनाउने, सचिवालयबाट गर्न सकिने कामहरु सम्पादन गरिदिने र भेटघाटको समय कम पार्न प्रयास गर्ने, वेबसाईट, संजाल, इमेल, फोन र एसएमएसमार्फत भेटघाटको अनुरोध गर्न मिल्ने बनाउने र सम्बन्धितलाई खबरको व्यवस्था गर्ने, सबै तहका समितिहरुले जनसरोकारका विषयसहित वर्षको दुई पटक ‘जनतासँग पार्टी’ वा अरु कुनै नाउँमा कार्यक्रम आयोजना गर्नुपर्ने, पार्टीका तर्फबाट निर्वाचित जनप्रतिनिधिको जनसेवी कौशलताका आधारमा जनताले मूल्यांकन गर्ने भएकाले सबै तहको राजकीय जिम्मेवारीमा रहेका जनप्रतिनिधि तथा अन्य जिम्मेवार कमरेडहरुलाई संहितामा सघाउन तथा मर्यादा बढाउनका लागि सहयोग पुर्याउन पार्टीका तर्फबाट सबै तहमा संयन्त्र बनाउन जरुरी भएको कुरा उल्लेख गरेको छु ।

यसैगरी, पार्टी संरचनाबारेको सुझावमा पार्टी संरचनाको सबै तहमा ७५ प्रतिशत निर्वाचित हुने तथा मापदण्ड, विधि र प्रक्रियाका आधारमा २५ प्रतिशत मनोनीत गराइनु पर्ने, बढीमा ९९ जनाको केन्द्रीय सदस्य, बढीमा ९९ जनाको केन्द्रीय सल्लाहकार तथा बढीमा ९९ जनाको वैकल्पिक केन्द्रीय सदस्य बनाइ त्यसको एक तिहाईमा आधारित अन्य आन्तरिक संरचनाहरु बनाउनु पर्ने हुन्छ । प्रदेशहरुमा पनि बढीमा ९९ जनाको प्रदेश समिति बनाई चुस्त पारिनु पर्ने, जबस मोर्चाका पदाधिकारी तथा समितिहरुको पार्टी हैसियत (मानार्थ) तोक्ने तथा पार्टीका सम्मेलन र महाधिवेशनमा सम्बन्धित संगठनको प्रभाव हेरेर कम्तिमा ५ देखि बढीमा १० जना प्रतिनिधि सहभागी गराएर अपनत्व दिईनुपर्ने सुझाव पनि राखेको छु ।

यसैगरी जिम्मेवारी बारे भन्ने उपशीर्षकअन्तर्गत पार्टी र जबस मोर्चामा समेत कडाइका साथ एक व्यक्ति एक कार्यकारी जिम्मेवारी लागु हुनै पर्ने, एउटा पद वा जिम्मेवारीको बढीमा दुई कार्यकाल तोकिनुपर्ने, नाता, गुट वा चाकडीका आधारमा एउटै व्यक्तिलाई धेरै जिम्मेवारी दिँदा सही कार्यसम्पादन र परिणाम नआएको दृश्टान्त छर्लङ्ग भएकाले कसैलाई केही न केही, कसैलाई भ्याई नभ्याई अवस्था रहन नदिने, कसैले महत्वपुर्ण राजकीय जिम्मेवारी पनि पाउने र पार्टीको विशिष्ट जिम्मेवारी पनि उसैलाई हुने अवस्थाको अन्त्य गरी जिम्मेवारी विभाजनमा सन्तुलन नीति अख्तियार गर्नुपर्ने सुझाब दिएको छु । महत्वपुर्ण कार्यकारी जिम्मेवारी लिएका जनप्रतिनिधिहरुको पार्टी जिम्मेवारी मानार्थ बनाउदै अरुलाई पार्टी जिम्मेवारीको अनुभूत गराउनु पर्ने, पार्टीभित्रको जिम्मेवारी र राजकीय कामको अवसरमा न्याय वहाली गर्न सफ्टवेयर प्रणाली लागु गरिनुपर्दछ । पार्टीको जिम्मेवारी तथा अन्य राजकीय जिम्मेवारी दिँदा दोहोर्याइ, तेहर्याई पनि दिने, पूर्वप्रशासक खोज्ने, चाकडी र दलाली गराउने परिपाटी तथा ‘प्रयोग गर्ने र भाग्ने’ बिगतकोे निर्मम समिक्षा गरी पार्टी भित्र न्याय बहाली हुने स्थितीका लागि सम्बन्धित समितिको सिफारिसलाई मान्यता दिइने कुरा प्रष्ट बोलिनुपर्छ ।

आठाैँ महाधिवेशनका बेलाको ८ लाख हाराहारीको पार्टी सदस्यको नविकरण र चुस्त अपडेट गर्दै पार्टी, मोर्चा र जवसहरुबाट देशैभर १ लाख संगठकको सूची तयार गरी कार्यक्षेत्रमा जाने योजना बनाउनु पर्ने, नेता, कार्यकर्ता र संगठकहरुलाई निश्चित अवधिको श्रम अभियानमा जोड्दै सो सम्बन्धि जनसेवाको प्रतिवेदन कम्तिमा वर्षको एक पटक सम्बन्धित समितिहरुमा अभिलेख हुनुपर्ने, पार्टीले जनतासँगको गठबन्धनलाई सुदृढ पार्ने कार्यक्रम तय गर्नुपर्ने, हरेक तहबाट शिक्षा, स्वास्थ, बीमा, उपचार, सुरक्षालगायतका मानवीय सेवाहरु, बाटो, खानेपानी, ढल, बिजुली, सिंचाईलगायतका भौतिक विकास, माटो जाँचदेखि बीउ, मल, सिँचाई, प्रकोप रक्षा, उत्पादन, प्रशोधन, भण्डारण र बजारसम्मका उत्पादन श्रृंखलाभित्रका समस्या हल गर्ने प्रयास गर्नुपर्ने, पार्टीका तर्फबाट जनप्रतिनिधि, विज्ञ र कर्मचारीतन्त्रको सहयोग लिई जनगुनासा हल गर्दै जनतासँगको गठबन्धन सुदृढ गराउन कार्यविधि बनाउनुपर्ने लगायतका विषयलाई २८ बुँदे सुझावका रूपमा अध्यक्षलाई बुझाएको छु । यी बुँदा बुझाउँदा अध्यक्षबाट आएको सकरात्मक प्रतिक्रियाप्रति धन्यवाद दिँदै पार्टी निर्णयबाटै व्यवहारिक कार्यान्वयनको अपेक्षा गरेको छु ।

(नेकपा (माओवादी केन्द्र) निकट बुद्धिजीवी संगठनका केन्द्रीय सह–संयोजक तिवारीले ‘जनतासँग गठबन्धन’ शीर्षकमा पार्टी अध्यक्ष पुष्पकमल दाहाल प्रचण्डलाई बुझाएको सुझाब प्रतिवेदनकाे सम्पादित अंश।)

पुरा हेर्नुहोस्

काठमाण्डाै । गण्डकी प्रदेशका युवा तथा खेलकुद मन्त्री तथा मनाङ प्रदेश सभा क्षेत्र नम्बर (ख) बाट निर्वाचित सांसद राजीव गुरुङ अर्थात् दीपक मनाङे नेकपा एकीकृत समाजवादीमा प्रवेश गरेका छन् ।

मनाङेलाई आज साेमवार एकीकृत समाजवादीका अध्यक्ष माधवकुमार नेपालले पार्टी प्रवेश गराएका हुन । मनाङ (ख) मा स्वतन्त्र उम्मेदवारी दिएका मनाङे निर्विरोध निर्वाचित भएका थिए ।

पार्टी प्रवेशपछि विज्ञप्ति निकालेर मनाङेले आफ्नो उद्देश्यसँग एकीकृत समाजवादीको नीति, सिद्धान्त तथा विचार मेल खाएकाले एकीकृत समाजवादीमा प्रवेश गरेको बताएका छन् ।

पार्टी प्रवेश कार्यक्रममा जनमत पार्टीका अध्यक्ष डा. सिके राउतकाे पनि उपस्थिति रहेकाे थियाे । अध्यक्ष डा. सिके राउत एकीकृत समाजवादी पार्टीका अध्यक्ष माधवकुमार नेपालसंग भेटघाटकाे लागि पार्टी कार्यलय पुगेका थिए ।

पुरा हेर्नुहोस्

काठमाडौं, १९ मंसिर । दोलखाबाट प्रतिनिधि सभा सदस्यमा नेकपा माओवादी केन्द्रका गंगा कार्की निर्वाचित भएका छन् ।

कार्की ५१८ मत अन्तरले निर्वाचित भएका हुन् । कार्कीले ३६ हजार ९९५ मत पाउँदा उनका निकटतम प्रतिस्पर्धी नेकपा एमालेका उम्मेदवार बालकृष्ण शिवाकोटीले ३६ हजार ४७७ मत पाएका छन् ।

अहिले समानुपातिकको गणना भइरहेको छ । समानुपातिकको मतपेटिकामा प्रत्यक्षको मतपत्र भेटिए पनि गणना गर्ने निर्णय सर्वदलीय बैठकमा भएका कारण जितको अन्तरको अंक केही तल माथि पर्न सक्ने मुख्य निर्वाचन अधिकृतको कार्यालयका एक कर्मचारीले बताए ।

यससँगै देशभरको निर्वाचन परिणाम आएको छ । कार्कीको जितसँगै माओवादी केन्द्रले प्रतिनिधि सभामा प्रत्यक्षतर्फ १८ सिट पुर्याएको छ ।

मंसिर ४ गतेको निर्वाचनमा दोलखाका १० क्षेत्रमा धाँधली भएको निष्कर्षसहित ती क्षेत्रमा मंसिर १५ गते पुनः निर्वाचन भएको थियो ।

प्रदेश सभामा काफ्ले र केसी निर्वाचित

दोलखाको प्रदेश सभा १ बाट भने नेपाली कांग्रेसका उम्मेदवार कुन्दनराज काफ्ले निर्वाचित भइसकेका छन् । कांग्रेस केन्द्रीय सदस्य काफ्ले, नेकपा एमालेका उम्मेदवार नरबहादुर श्रेष्ठलाई ७ हजार ८७५ मत अन्तरले पछि पार्दै निर्वाचित भएका हुन् । उनले २३ हजार २३१ मत पाएका छन् । नेकपा एमालेका श्रेष्ठले मत १५ हजार ३५६ मत प्राप्त गरेका छन् ।

प्रदेश सभा २ मा नेकपा एमालेका उम्मेदवार भरतबहादुर केसी निर्वाचित भएका छन् । मुख्य निर्वाचन अधिकृतको कार्यालय दोलखाका अनुसार केसी १९ हजार ४१४ मत प्राप्त गरी प्रदेश सभा सदस्य निर्वाचित भएका हुन् । उनका निकटत प्रतिद्वन्द्वी नेपाली कांग्रेसका बर्मा लामाले १७ हजार ५९५ मत पाए ।

पुरा हेर्नुहोस्

ललितपुर । नेकपा (माओवादी केन्द्र) ललितपुर जिल्ला संयोजक शिवप्रसाद कट्टेल र सचिव दिपक पुलामीले आफ्नो पदबाट राजिनामा दिएका छन् ।

मंसिर ४ गते सम्पन्न भएको प्रतिनिधि सभा र प्रदेश सभामा माओवादी केन्द्रका उम्मेदवारलाई जिताउन नसकेको भन्दै राजिनामा दिएका हुन् ।

आइतबार संयोजक कट्टेल र सचिव पुलामीले माओवादी केन्द्र बागमती प्रदेशका अध्यक्ष सरल सहयात्री पौडेललाई भेटेर राजिनामा पत्र बुझाएका हुन् ।

मंसिर ४ गते भएको ललितपुर–३ मा माओवादी केन्द्रका उपमहासचिव पम्फा भुसाल चुनावी प्रतिस्पर्धामा थिइन भने केन्द्रीय सदस्य हरि दाहाल ललितपुर–१ (क) र राजकाजी महर्जन ललितपुर–३(क) मा उम्मेदवारी दिएका थिए ।

पुरा हेर्नुहोस्

ललितपुर , उर्जा, जलस्रोत तथा सिचाइ मन्त्री मा.पम्फा भुषालद्वारा ललितपुर क्षेत्र नम्बर ३ बाट प्रतिनिधिसभा सदस्यमा निर्वाचित डा. तोसिमा कार्कीलाई बधाई तथा सफल कार्यकालको शुभकामना ज्ञापन गर्नुभएकाे छ ।
 
मन्त्री भुषालकाे बधाई तथा शुभकामना सन्देशमा संघीय लोकतान्त्रिक गणतन्त्र, राष्ट्रिय स्वाधीनता, समावेशी, समानुपातिक प्रतिनिधित्व लगायतका परिवर्तनलाई थप संस्थागत गर्दै जनताको आर्थिक उन्नति र देशको संमृद्धिको लागि गरिने हरेक सकारात्मक कार्यमा साथ र सहयोग रहनेछ समेत उल्लेख गर्नुभएकाे छ ।

मन्त्री भुषालले निर्वाचनमा अहोरात्र खट्ने सिङ्गो पार्टी पङ्क्ति,  गठबन्धनमा सहभागी दल, नेता तथा कार्यकर्ता, समर्थक, शुभचिन्तक, राष्ट्र सेवक कर्मचारी, सुरक्षाकर्मी, प्रतिनिधि, पर्यवेक्षक साथै पत्रकार लगायत सम्पूर्णमा हार्दिक धन्यवाद व्यक्त गर्दै विश्वास गरेर मत दिनुहुने जनताप्रति आभार प्रकट गर्नुभएकाे छ । यो निर्वाचनमा जनताले दिएको मतको सम्मान गर्दै ललितपुर -३ र सिङ्गो नेपालको विकास र जनताको समृद्धिको लागि सदैव जनताकाे साथमा रहने समेत बताउनुभएकाे छ ।

पुरा हेर्नुहोस्

ललितपुर ।  ललितपुर २ नम्बर निर्वाचन क्षेत्र स्तरीय संयुक्त बाम लाेकतान्त्रिक युवा भेला सम्पन्न भएकाे छ ।

संयुक्त बाम लाेकतान्त्रिक युवा भेलामा चुनावमा युवाहरुकाे भूमिका विषयमा युवा र उम्मेदवार विच अन्तरक्रिया समेत गरेकाे थियाे  । उक्त अन्तरक्रिया कार्यक्रममा युवाहरुलाई स्वदेशमै आत्मनिर्भर र स्वराेजगार बनाउने खालकाे याेजना निर्मणमा युवाहरुकाे सहभागीता, जनताकाे चाहाना र आबश्यकता अनुसार विकासकाे याेजनाहरु निर्माणमा युवाहरुकाे भुमिका, कला सँकृतिकाे संरक्षण र सम्बर्द्धनमा युवाहरुकाे उपस्थिति, खेलकुद सम्बन्धि नीति तथा याेजनाहरु निर्माणमा युवाहरुकाे सहभागीताकाे विषयमा महत्त्वपूर्ण छलफल भएकाे थियाे ।

संयुक्त बाम लाेकतान्त्रिक युवा भेलाले जातिय, क्षेत्रीय, भाषिक र सामाजिक-साँस्कृतिक रुपमा उत्पिडनमा परेका जनताले आफ्नाे हक र अधिकारका निमित्त  सात दश गरेकाे मेहनत, त्याग, तपस्या र बलिदानबाट प्राप्त संविधान, गणतन्त्र, संघियता, धर्मनिरपेक्षता, समानुपातिक, समावेशीतालाई संस्थागत गर्दै दिर्घकालिन शान्ति, दिर्घकालिन स्थायित्व र दिर्घकालिन विकासकाे लागि बाम लाेकतान्त्रिक गठबन्धनकाे जित अनिवार्य भएकाेले सबै युवाहरु एकताबद्ध भएर लाग्ने र गठबन्धनका उम्मेदवारहरुलाई अत्याधिक बहुमतद्वारा जिताउन एकमत भएर चुनावी कार्यक्रम हाेमिने प्रतिबद्धता व्यक्त गरेका थिए ।

चुनाव प्रचार प्रसार युवा समितिका सह- संयाेजक तथा वाईसीएल नेपालका ललितपुर २ नम्बर निर्वाचन क्षेत्रिय कमिटीका संयाेजक पुण्य रत्न शाक्यकाे सभाअध्यतामा आयाेजित उक्त बृहत् कार्यक्रममा प्रमुख अतिथिकाे रुपमा २ नम्बर निर्वाचन क्षेत्र प्रतिनिधि सभाकाे प्रत्यक्ष तर्फका उम्मेदवार कृष्णलाल महर्जन, विशेष अतिथिहरुमा 'ख' प्रदेश सभाका उम्मेदवार रामकृष्ण चित्रकार, 'क' प्रदेश सभाका उम्मेदवार रिशा श्रेष्ठ लगाएत समानुपातिक तर्फका उम्मेदवारहरुकाे उपस्थिति रहेकाे थियाे । 

पुरा हेर्नुहोस्

काठमाडौं । नेकपा ऐमालेका पुराना नेता रामकृष्ण लामा नेकपा माओवादी केन्द्रमा प्रवेश गरेका छन् ।

नेकपा ऐमाले बागमती प्रदेश सचिवालय सदस्य समेत रहेका नेता रामकृष्ण लामा रामेछाप जिल्लाका पुराना, ईमानदार र विकास प्रेमी नेताकाे रुपमा परिचित छन् ।

अध्यक्ष प्रचण्डले आफ्नै निवास खुमलटारमा नेता लामा सहित तीन दर्जन नेता कार्यकर्ताहरुलाई टीका, खादा/माला लगाई पार्टी प्रवेश गराएका थिए । पार्टी प्रवेश कार्यक्रममा राखेप सदस्य सचिव तथा रामेछाप जिल्लाका लाेकप्रिय माओवादी नेता टंकलाल घिसिङ, नेता लिलामणी पाेखरेल लगाएतका नेताहरुकाे उपस्थिति रहेकाे थियाे ।

पुरा हेर्नुहोस्

ललितपुर । नेकपा (माओवादी केन्द्र) ललितपुर जिल्ला क्षेत्र नम्बर २ 'क' प्रदेश ईन्चार्ज रामगाेपाल सिंले प्रदेश तर्फ स्वतन्त्र उम्मेदवारी दिएका छन् ।

ललितपुर जिल्ला अन्तर्गत तीन संघिय निर्वाचन क्षेत्र र छ वटा प्रदेश निर्वाचन क्षेत्र अन्तर्गत बामलाेकतान्त्रीक गठबन्धनले २ नम्बर निर्वाचन क्षेत्रमा माओवादी केन्द्रकाे उम्मेदवार शून्य बनाए संगै नेकपा (माओवादी केन्द्र) महालक्ष्मी नगर कमिटीकाे बैठकले स्वतन्त्रमा उम्मेदवारी दिने निर्णय गरेकाे थियाे । साे निर्णय बमाेजिम सिंकाे उम्मेदवारी परेकाे नगर कमिटीका अध्यक्ष श्यामकृष्ण महर्जनले जानकारी दिएका छन् ।

स्वतन्त्र उम्मेदवारी दिएका सिंकाे प्रस्तावक र समर्थकमा महालक्ष्मी नगर कमिटीका ईन्चार्ज भरत पराजुली र पार्टी वडा अध्यक्ष सानुकान्छा श्रेष्ठ छन् । स्वतन्त्र तर्फबाट उम्मेदवारी दिएका सिं माओवादी केन्द्रका पुराना ईमान्दार नेता हुन् ।

पुरा हेर्नुहोस्

काठमाडौं । गणतन्त्र नेपालका प्रथम प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड'द्वारा संविधान दिवस-२०७९ को अवसरमा स्वदेश तथा विदेशमा रहनुभएका सम्पूर्ण नेपाली दिदीबहिनी तथा दाजुभाइहरुमा सुस्वास्थ्य, दीर्घायु र उत्तरोत्तर प्रगतिको कामना सहित शुभकामना व्यक्त गर्नुभएकाे छ । अध्यक्ष प्रचण्डले सर्वप्रथम यो संविधानका लागि जीवन उत्सर्ग गर्ने महान् सहिदहरुप्रति हार्दिक श्रद्धाञ्जली अर्पण गर्दै बेपत्ता, घाइते, अपाङ्गता भएका योद्धाहरुप्रति उच्च सम्मान प्रकट गर्नुभएकाे छ ।

अध्यक्ष प्रचण्डद्वारा एक विज्ञप्ति जारी गर्दै संविधान दिवसकाे शुभकामना दिनुभएकाे हाे ।

शुभकामना

संविधान दिवस–२०७९ को अवसरमा स्वदेश तथा विदेशमा रहनुभएका सम्पूर्ण नेपाली दिदीबहिनी तथा दाजुभाइहरुमा सुस्वास्थ्य, दीर्घायु र उत्तरोत्तर प्रगतिको हार्दिक शुभकामना व्यक्त गर्दछु । सर्वप्रथम यो संविधानका लागि जीवन उत्सर्ग गर्ने महान् सहिदहरुप्रति हार्दिक श्रद्धाञ्जली अर्पण गर्दै बेपत्ता, घाइते, अपाङ्गता भएका योद्धाहरुप्रति उच्च सम्मान प्रकट गर्दछु ।

लामो संघर्ष र नेपाली जनताको त्याग र बलिदानको प्रतिफलका रुपमा वर्तमान संघीय लोकतान्त्रिक गणतन्त्रात्मक संविधान प्राप्त भएको हो । संविधानले मुलुकमा लोकतान्त्रिक गणतन्त्रलाई संस्थागत मात्र गरेको छैन, समानुपातिक, समावेशी, मौलिक हक, पहिचान  र अधिकार लगायतका विषयमा अग्रगामी पनि छ ।

सिंहदरबारमा रहेको एकात्मक राज्य व्यवस्थाको केन्द्रीकृत शासन प्रणालीलाई नागरिकको घरदैलोमा पुर्याउने श्रेय पनि वर्तमान संविधानलाई जान्छ । यसले नागरिकलाई ‘गाउगाउँमा सिंहदरबार’को अनुभूति गराएको छ ।

वर्तमान संविधानकै कार्यान्वयनको क्रममा हामी आउँदो मंसिर ४ गते हुने प्रतिनिधि सभा / प्रदेश सभा सदस्य निर्वाचनको प्रक्रियामा छौं । संविधान एवं सिंगो व्यवस्थाको रक्षा र सुदृढीकरणका लागि यस निर्वाचनमा गठबन्धनमा रहेका दलहरुको जीत अपरिहार्य भएको छ । त्यसका लागि प्रतिगमन विरोधी अग्रगामी सम्पूर्ण नेपाली जनसमुदायलाई गठबन्धनमा रहेका दलहरुलाई विजयी गराई संविधान रक्षा एवं सफल कार्यान्वयनका लागि हार्दिक अपील गर्दै पुनः एकपटक संविधान दिवसको अवसरमा हार्दिक शुभकामना व्यक्त गर्दछु ।

०३ असोज, २०७९
.................................
पुष्पकमल दाहाल ‘प्रचण्ड’
अध्यक्ष

पुरा हेर्नुहोस्

ताजा समाचार


ऐतिहासिक पदकसहित नेपाली बक्सिङ टोली स्वदेश फर्कियाे

काठमाडौं । एसियन बक्सिङ्ग कन्फेरेडसन (ASBC) को आयोजनामा थाईल्याण्डको राजधानी बैंककमा यहि जनवरी १६ देखि २७ तारिखसम्म भएको एएसबीसी अन्डर २२ मेन एन्ड उमन बक्सिङ च्याम्पियनसिप २०२३ मा ऐतिहासिक रजत पदक जित्न सफल सुष्मा तामाङ र कांस्य पदक जित्न सफल अन्य खेलाडीहरु लगाएत नेपाली बक्सिङ टोलिलाई त्रिभूवन अन्तर्राष्ट्रिय विमानस्थलमा राष्ट्रिय खेलकुद परिषदका सदस्यसचिव टंकलाल घिसिङ, नेपाल बक्सिङ संघका अध्यक्ष राम अवालेलगायतको टोलीले हिजो भव्य स्वागत गरेकाे छ ।

मिनिमम ४८ किलो तौल समुहका सुष्माले एशियनस्तरमा बलियो मानिएका भियतनाम र मंगोलियाका खेलाडीलाई ५ः० र आर एस सी को आधारमा पराजित गर्दैे फाईनल खेलमा उज्वेकिस्तानका आईवा युथ विश्व च्याम्पियनसंग अंकको आधारमा पराजित भएका थिए । उनले पहिलो राउण्डमा निकै राम्रो प्रर्दशन गर्दै ४ः१ को स्प्लिट डिसिजनमा पछाडि पारेकी थिईन भने देस्रो र तेस्रो राउण्डमा उज्वेकिस्तानका खेलाडीकाे खेल रणनीति परिवर्तन पछि उनको निरन्तर आक्रमण र अंक बटुल्ने प्रयास असफल रहेको थियो र नतिजा उज्वेकिस्तानका खेलाडीको पक्षमा गएको थियो ।

पदक विजेता अन्य खेलाडीहरुमा महिला तर्फको फेदर वैट ५४ देखि ५७ किलो तौल समुहमा हेमा राईले कास्य, महिला लाईट हेभीवेटमा ७५ देखि ८१ किलो तौल समुहमा त्रिशा जवेगुले कास्य र पुरुष तर्फ क्रुजर वैट ८० देखि ८६ किलो तौल समुहमा विजय बाटाले काश्य पदक प्राप्त गरेका छन् । २० वटा देशको सहभागिता रहेको उक्त एएसबीसी एसियनस्तरको अन्डर २२ बक्सिङ्ग प्रतियोगितामा नेपालबाट पुरुष १३ ताैल समुहमा ३ ताैल समुमा र महिला १२ ताैल समुहमा ३ ताैल समुहमा गरि जम्मा ६ ताैल समुहमा मात्र सहभागीता जनाई एक रजत पदक र तीन कास्य गरी चार पदक जित्दै वरीयताक्रममा सातौं स्थान ओगट्न सफल रहेको छ ।

सोहि प्रतियोगिताका समयमा अन्तराष्ट्रिय बक्सिङ्ग संघ आईवाबाट सञ्चालन भएको ईन्टरनेशनल टेक्निकल अफिर (आईटिओ) कोर्ष परिक्षामा नेपाल बक्सिङ्ग संघका केन्द्रीय सदस्य पुष्कर राज पन्त र आईबा टू स्टार रेफ्री/जज कोर्ष परीक्षाको लागि नेपालका आईबा वान स्टार अन्तराष्ट्रिय रेफ्री/जज राम चन्द्र थापामगर र धनकुमार मैनालीले समेत सहभागिता जनाएका थिए ।

उक्त खेलमा ऐतिहासिक रजत पदक जित्न सफल नेपालका उदीयमान खेलाडी सुष्मालगायत सम्भावना भएका उत्कृष्ट खेलाडीहरुलाई तत्काल बैदेशिक प्रशिक्षण र बढी भन्दा बढी अन्तर्राष्ट्रिय प्रतियोगितामा सहभागि गराएमा आगामी १९ औँ एशियन गेम्समा पनि ऐतिहासिक सफलता प्राप्त गर्न सकिने कुरा उक्त टिमका प्रशिक्षक आईबा थ्री स्टार प्रशिक्षक एवम् १६ औं एशियन गेम्सका काश्य पदक विजेता दिपक महर्जनले जानकारी गराए ।

मित्र राष्ट्र भारतमा आयाेजना हुन लागेकाे वल्र्ड बक्सिङ च्याम्पियनसिप तथा एशियन गेम्सको तयारीको रुपमा लिइएको उक्त प्रतियोगिताबाट नेपाली खेलाडीहरुले प्रायोजकका रुपमा नेपाल एयरलाईन्स, इन्फिनिट वेयर, फुड हब बाई यच टु ओ ले सहयोग गरेका थिए ।

नेपाली टिमलाई राखेपका सदस्य सचिव टंकलाल घिसिंगले बिदाई गरेका थिए र उनले वाचा गरे बमाेजिम विमानस्थलमा ऐतिहासिक विजयका साथमा स्वागत गर्ने वाचा पुरा गर्दे सदस्य सचिवले उनी लगायत विजेता खेलाडीहरुलाई नगद पुरस्कारद्वारा सम्मान गर्ने घोषणा गरे । सोही अवसरमा राम्रो प्रदर्शन गर्दा गर्दै पनि पदक जित्न नसकेका दुई मुक्केबाज लालप्रसाद उप्रेती र ईन्द्र बहादुर सुनारलाई पनि जनही रु. २५,००० को दरले सम्मान गर्ने घोषणा निवर्तमान प्रमुख प्रशिक्षक प्रकाश थापामगरले गरेका थिए ।

उक्त विदाई कार्यक्रममा नेपाल बक्सिंग संघका अध्यक्ष राम अवाले, महासचिव सविन भट्टाचार्य, केन्द्रीय सदस्यहरु रामबहादुर गिरी, मानबहादुर भण्डारी, स्यामकाजी अवाले, पुस्करराज पन्त, ओम नारायण श्रेष्ठ, लगायत प्रशिक्षक तथा खेलाडीहरुको उपस्थिति रहेको थियो । उक्त प्रतियोगितालाई नेपाल एयरलाईन्स, इन्फिनिटि स्पोर्टस वेयर, फुड हबले सह प्रायोजन गरेका थिए ।



पुरा हेर्नुहोस्

थाई स्थित नेपाली दुतावासमा बक्सिङ टाेलीलाई भब्य स्वागत

काठमाडौं । थाइल्याण्डमा भएको एएसबीसी एसियन यू–२२ बक्सिङ च्याम्पियनसिपमा सहभागी नेपाली टाेलीलाई थाईल्याण्ड स्थित नेपाली दुतावासकाे क्वाटरमा भब्य स्वागत गरेकाे छ । थाईल्याण्डका लागि नेपाली राजदुत गणेश प्रसाद ढकाले बक्सिङ टाेलीलाई औपचारिक रुपमा निमन्त्रणा गर्दै डिनर सहित भब्य स्वागत गर्नुभएकाे हाे ।

थाइल्याण्डको राजधानी बैंककस्थित ह्वामार्क इन्डोर स्टेडियममा जारी एएसबीसी एसियन यू २२ बक्सिङ च्याम्पियनसिप २०२३ मा नेपाली मुक्केबाज सुस्मा तामाङकाे फाईनल खेल हेर्न समेत पुग्नुभएका नेपाली राजदुत गणेश प्रसाद ढकालले ऐतिहासिक रजत पदक जितेकी नेपाली बक्सर सुष्मा तामाङ सहित काँस्य पदक जितेका खेलाडीहरु हेमा राई, त्रिशा जवेगु, बिजय बाटा सहित खेलाडीहरु लाल प्रसाद उप्रेती, ईन्द्र बहादुर सुनार, टिम प्रशिक्षक दिपक महर्जन, सहायक प्रशिक्षक सन्दिप श्रेष्ठ, ब्यबस्थापक नेपाल बक्सिङ संघका सदस्य ओमनारायण श्रेष्ठ अन्तर्राष्ट्रिय रेफ्री/जज रामचन्द्र थापामगर र धनकुमार मैनाली र नेपाल बक्सिङ संघका सदस्य तथा अन्तर्राष्ट्रिय काेअडिनेटर श्याम काजी अवाले सहितकाे टाेलीलाई आफ्नै निवासमा बाेलाएर बधाई तथा उज्वल खेल भविश्यकाे शुभकामना दिदै खेलाडीहरुसंग खुशी साट्न पाउँदा खुशी लागेकाे बताउनु भएकाे छ । 

नेपाल बक्सिङ संघका सदस्य तथा अन्तर्राष्ट्रिय काेअडिनेटर श्यामकाजी अवालेले बक्सिङ टाेलीलाई स्वागत गर्दै खेलाडीहरुकाे मनाेबल उच्च बनाई दिनुभएकाेमा धन्यवाद समेत व्यक्त गर्नुभएकाे थियाे । साे भेटमा एनआरएनए (NRNA) का काेषाध्यक्ष अतिस श्रेष्ठ, थाई नेपाली संघ (TNA) महासचिव  दिपक पराजुली लगाएतकाे विशिष्ट व्यक्तिहरुकाे समेत उपस्थिति रहेकाे थियाे । उहाँहरुले आगामी दिनहरुमा नेपाली खेलकुदलाई थप विकास गर्न आबश्यक र सहकार्य गर्ने समेत बताउनुभएकाे थियाे ।



पुरा हेर्नुहोस्

कराते महासंघको नेतृत्वमा राखेप पूर्व सदस्य–सचिव लामा

काठमाडौं । करातेका संस्थापक मध्येका एक युवराज लामाको अध्यक्षतामा नेपाल कराते महासंघ केन्द्रीय कार्यसमितिको तदर्थ समिति बिहीबार गठन गरिएको छ । राष्ट्रिय खेलकुद परिषद् (राखेप) का पूर्व सदस्य–सचिव समेत रहेका लामाको अध्यक्षतामा २१ सदस्यीय केन्द्रीय कार्य समिति गठन गरिएको हो ।

अघिल्लो तर्दथ समितिमा कार्यावाहक अध्यक्षको जिम्मेवारीमा रहेका दावा गुरुङ सह–अध्यक्ष बने । उपाध्यक्ष्मा पुरेन्द्रविक्रम लाखे, महासचिवमा हरिशरण केसी, सह–महासचिवमा ओमकृष्ण प्रसाईं, सचिवमा श्याम शेर्पा र विआर मित्र तथा कोषाध्यक्षमा सानुलाल श्रेष्ठ रहेका छन् ।

सदस्यमा राजेन्द्र बराल, देव लामा, मजेन्द्र सिंह, नारायणबहादुर मगर, यादव काफ्ले, ध्वजमान मोक्तान, निवासगोपाल वैद्य, ध्रुवविक्रम मल्ल, तारा वली, दुर्गागोतम परियार, रवि महर्जन, डोल्मा लामा शाह र किशोरप्रसाद भट्टराई रहेका छन् ।

उनीहरुलाई राखेपका सदस्य–सचिव टंकलाल घिसिङले बिहीबारै एक कार्यक्रमबीच मनोनयन पत्र हस्तान्तरण गरे ।

महासंघले ३ महिना भित्र विधान मस्यौदा तयार गरी राखेपबाट स्वीकृत गराइ साधारण सभा तथा निर्वाचन गर्नु पर्ने छ । अघिल्लो तदर्थ समितिका अध्यक्ष शम्भु आचार्यलाई २०७५ फागुन १४ गते ३ महिना भित्र महासंघको विधान संशोधन गरी निर्वाचन गर्ने गरी तदर्थ समिति गठन गरिएकोमा जिम्मेवारी प्रदान गरिएको ४ वर्षसम्म उक्त समितिले महासंघको विधान संशोधन तथा निर्वाचन समेत गर्न सकेको थिएन ।

कार्यक्रमलाई सम्बोधन गर्दै सदस्य–सचिव घिसिङले ऐतिहासिक आवश्यकताका हिसाबले लामालाई अध्यक्षको जिम्मेवारी दिइएको बताउदै गौरवपूर्ण इतिहास बोकेको कारतेलाई गति दिनु पर्नेमा जोड दिए ।

अध्यक्ष लामाले संस्था र खेलाडीको हितलाई ध्यानमा राखेर अगाडि बढ्ने प्रतिबद्धता व्यक्त गर्दै परिषद्ले दिएको ३ महिना भन्दा धेरै अगाडि निर्विवाद रुपमा चुनाव सम्पन्न गर्ने वाचा पनि गरे । उनले आस्था र फरक स्टायलका कराते कसैलाई पनि निषेध नगर्ने बताउदै कार्यसमितिका प्रत्येकले काम गर्ने अवसर प्राप्त गर्ने बताए ।

सह–अध्यक्ष गुरुङले सम्बन्धित विज्ञले सम्बन्धित संस्थाको नेतृत्व गरे मात्र संस्थाको विकास हुने मान्यतालाई आत्मासात् गरी अध्यक्ष हुँदा हुँदै पनि स्थायित्वका लागि खुशी साथ अध्यक्षको पद छाडेको बताए । उनले अनेक बहानामा खेल संस्थालाई बन्धक बनाउन नहुने विचार व्यक्त गरे ।



पुरा हेर्नुहोस्


राधाकृष्ण खानेपानी संस्थाद्वारा पुर्व प्रदेश सभा सदस्य पाैडेल सम्मानित

ललितपुर । राधाकृष्ण खानेपानी तथा सरसफाई उपभोक्ता समिति महालक्ष्मी -५ टिकाथली ललितपुरद्वारा पुर्व बागमती प्रदेश सभा सदस्य तथा बागमती प्रदेश सभा संसदीय मामिला समिति सभापति माननीय माधव प्रसाद पाैडेल सम्मानित भएका छन् । उनले खानेपानी समस्या समाधानकाे लागी संस्थालाई स्थापनाकाल देखि नै अतुलनीय याेगदान गरेका कारण संस्थाले उच्च कदर गर्दै सम्मान पत्रद्वारा सम्मान गरेकाे हाे ।

महालक्ष्मी -५ साविक टिकाथली वडा नम्बर ४ र ५ मा अनाैपचारिक रुपमा विगत १० वर्ष अघिदेखि  खानेपानीकाे समस्या समाधान गर्न मेहनतरत संस्था राधाकृष्ण खानेपानी तथा सरसफाई उपभोक्ता समितिकाे छैटौं वार्षिक साधरण सभामा पुर्व प्रदेश सांसद माधव प्रसाद पाैडेल सम्मानित भएकाे हाे । 

सम्मानित भएका पाैडेलले राधाकृष्ण खानेपानी तथा सरसफाई उपभोक्ता समितिकाे याेजना अन्तरर्गतकाे चारलाख पचास हजार लिटर क्षमताकाे ओभरहेड ट्याङ्की, १८ किलोमिटर अन्डरग्राउण्ड पाईपलाईन बिस्तार, फिल्टर प्लान, १३ सय घर धुरीमा डिजिटल मिटर जडान गर्ने लगाएतकाे कार्यहरुकाे लागि आबश्यक बजेटकाे लागि पहल गर्दै करिब १३ कराेड बजेट निकासा गराउन महत्त्वपूर्ण पहल कदमी गरेकाले उनी सम्मानित भएका हुन् । 

राधाकृष्ण खानेपानी तथा सरसफाई उपभोक्ता समितिका अध्यक्ष सुमन कुमार केसीकाे अध्यक्षता तथा प्रदेश सभा सदस्य माननीय रामेश्वर श्रेष्ठकाे प्रमुख आतिथ्यतामा सम्पन्न छैटौं वार्षिक साधरण सभामा माेतेश्वर समाजका अध्यक्ष माेहन खत्री, त्रिपुरा संगम समाजका अध्यक्ष अर्जुन बहादुर केसी, संस्थापक अध्यक्ष सानुभाई सुवेदी, नेपाल सरकारका पुर्व सचिव अनुपराज उपाध्याय, निवर्तमान वडा अध्यक्ष राजकुमार सिलवाल, संस्थाका निवर्तमान उपाध्यक्ष भैरव केसी लगाएतलाई संस्थामा महत्वपुर्ण याेगदान पुराए बापत संस्थाले सम्मान गरेकाे सचिव महेशवर घिमिरेले जानकारी दिएका छन् ।

राधाकृष्ण खानेपानी संस्थाले हाल तेह्र सय घरधुरीलाई पानी बितरण गरेकाे छ । संस्थामा कुल बचत एककराेड नाैँ लाख बचत रहेकाे छ भने कार्यालय र नियमित खानेपानी संचालनका लागि सात जना कर्मचारी रहेका छन् ।

पुरा हेर्नुहोस्


विश्व बक्सिङ संघ (आइबा) काे अध्यक्षमा उमार क्रेकलेभलाई निरन्तरता

काठमाडौं । अन्तर्राष्ट्रिय बक्सिङ संघ (आइबा)को अध्यक्षमा पुनः उमर क्रमलेभले नै निरन्तरता पाएका छन् । यसअघि मे १३–१४ मा टर्कीको इस्तानबुलमा सम्बन्न आइबाको विशेष साधारण सभाबाट उमार अध्यक्ष पदमा चुनिएका थिए ।

तर, अध्यक्षका अर्का प्रत्यासी वोरिश मान डी भोसेले स्वीटजरल्यान्डको खेलकुद सम्बन्धी अदालतमा उजुरी हालेसँगै पुनः निर्वाचन गर्न आदेश आएको थियो । सोही अनुसार अर्मेनियाको राजधानी येरेभानमा आइतबार भएको विशेष साधारण सभामा पुनः निर्वाचन गर्नु पर्दैन भन्ने पक्षमा बहुमत आएपछि उमारले नै निरन्तरता पाएका हुन् ।

भौतिक रुपमा उपस्थित ९९ र अनलाइनबाट सहभागी भएका ५६ सदस्य राष्ट्रका प्रतिनिधिबीच फेरि चुनाव गर्ने किन नगर्ने भन्ने पक्षमा मतदान भएको थियो । उक्त निर्वाचनमा १ सय ६ राष्ट्रले पर्दैन, ३८ वटाले फेरि गर्नुपर्छ र चार मुलुकले तटस्थ बस्ने पक्षमा मतदान गरे । बाँकी सात मत बदर भएको थियो ।

करिब ७५ प्रतिशत सदस्यबाट विश्वासको मत पाएसँगै उमारले नै आइबाको आगामी चार वर्षको बागडोर सम्हाल्ने भएका छन् ।

पुरा हेर्नुहोस्


कुनै एकदिन कुनै पुस्ताले सानुकान्छा श्रेष्ठको योगदानको इतिहास खोजी गर्नेछ ।

समाजसेवी क.सानुकान्छा श्रेष्ठ 

✍️ अनुराग अरुण 

२०५२ सालमा लुभुमा खानेपानीको साह्रै समस्या थियो । बिहान टोल टोलमा रहेको सार्वजनिक धारामा एक दुई घण्टा पानी आउँथ्यो । टोलभरिका महिलाहरु गाग्री लाइनमा लश्करै राखेर आफ्नो पालो अनुसार पानी थाप्थे । कुनैबेला पानीको लागि टोल टोलमा महिलाहरु आपसमै झगडा गरिरहेको दृश्य यदाकदा देखिन पाईन्थ्यो । कुनै टोलमा टोकन अनुसार पालैपाला पानी थाप्थे । कुनै बेला चार पाँच दिन धाराबाट पानी आउँथेन । तब मान्छेहरु साइकल, गाडी र मोटरसाइकलमा पानी राख्ने ग्यालेन लिएर लामाटार ढुगिंनसम्म पानी लिन जान्थे ।

त्यतिबेला लुभुबासीहरु नुहाउन र लुगा धुन इनारको पानी र गोदावरी खोलाको पानी प्रयोग गर्थे । चैत्र बैसाखको गर्मीमा इनारमा पानी पनि उतिसारो हुन्थिएन । नुहाउन र लुगा धुने झन समस्या थियो । एक एक थोपा पानीको अति नै अमुल्य महत्व थियो ।

तर आज अधिकांश लुभुबासीहरुको घर घरमा खानेपानीको धारा जडान भएको छ । बिहान बेलुका धारामा पानी आइरहन्छ । अब पहिले जस्तो नुहाउन, लुगाधुन र पिउन पानीको कुनै समस्था छैन । पहिले जस्तो टोल टोलमा खानेपानीको लागि झगडा गरिरहनुपर्ने अब अवस्था छैन । 

जब म पानी पिउँछु । पिउने पानीको गिलासमा क.सानुकान्छा श्रेष्ठको पसिनाले लतपतिएको अनुहार झल्झल देख्छु । यिनैको भगिरथ त्याग, तपश्या र अथक प्रयासले आज लुभुभरिमा खानेपानीको सर्व सुलभता भएको छ । अहिले लुभु खानेपानीको सञ्चालक समितिमा सबै पार्टीका मान्छेहरु सञ्चालक हुनुहुन्छ । उहाँहरु सबैलाई यो कुरा विदितै छ, लुभुमा खानेपानीको लागि सानुकान्छा श्रेष्ठले के कति गरे ? सधैं दिन रात आफै खटेका छन् । यति मात्र होइन, खानेपानीलाई आफ्नो करौडौं मुल्यपर्ने जग्गा समेत दिएका छन् ।

दु:ख लाग्छ, हामी कुनै अमुक दलका कार्यकर्ता वा मतदाता त भयौं । तर हामीमा राजनीतिको उच्च सभ्य संस्कार भएन । चेतना आएन । मलाई लाग्छ, आज नभए भोलि कुनै न कुनै एकदिन कुनै पुस्ताले क.सानुकान्छा श्रेष्ठको यो योगदानको इतिहास खोजी गर्नेछ, र त्यसको निष्पक्ष मुल्याकंन अवस्य गर्नेछ ।

पुरा हेर्नुहोस्