मुख्य पृष्ठ हटलाइन समाचार शिक्षा / स्वास्थ्य राजनिती खेलकुद समाज अपराध अर्थ / व्यापार अन्तराष्ट्रिय भिडियो लेख तथा रचना

खेलकुद


काठमाडौं । एसियन बक्सिङ्ग कन्फेरेडसन (ASBC) को आयोजनामा थाईल्याण्डको राजधानी बैंककमा यहि जनवरी १६ देखि २७ तारिखसम्म भएको एएसबीसी अन्डर २२ मेन एन्ड उमन बक्सिङ च्याम्पियनसिप २०२३ मा ऐतिहासिक रजत पदक जित्न सफल सुष्मा तामाङ र कांस्य पदक जित्न सफल अन्य खेलाडीहरु लगाएत नेपाली बक्सिङ टोलिलाई त्रिभूवन अन्तर्राष्ट्रिय विमानस्थलमा राष्ट्रिय खेलकुद परिषदका सदस्यसचिव टंकलाल घिसिङ, नेपाल बक्सिङ संघका अध्यक्ष राम अवालेलगायतको टोलीले हिजो भव्य स्वागत गरेकाे छ ।

मिनिमम ४८ किलो तौल समुहका सुष्माले एशियनस्तरमा बलियो मानिएका भियतनाम र मंगोलियाका खेलाडीलाई ५ः० र आर एस सी को आधारमा पराजित गर्दैे फाईनल खेलमा उज्वेकिस्तानका आईवा युथ विश्व च्याम्पियनसंग अंकको आधारमा पराजित भएका थिए । उनले पहिलो राउण्डमा निकै राम्रो प्रर्दशन गर्दै ४ः१ को स्प्लिट डिसिजनमा पछाडि पारेकी थिईन भने देस्रो र तेस्रो राउण्डमा उज्वेकिस्तानका खेलाडीकाे खेल रणनीति परिवर्तन पछि उनको निरन्तर आक्रमण र अंक बटुल्ने प्रयास असफल रहेको थियो र नतिजा उज्वेकिस्तानका खेलाडीको पक्षमा गएको थियो ।

पदक विजेता अन्य खेलाडीहरुमा महिला तर्फको फेदर वैट ५४ देखि ५७ किलो तौल समुहमा हेमा राईले कास्य, महिला लाईट हेभीवेटमा ७५ देखि ८१ किलो तौल समुहमा त्रिशा जवेगुले कास्य र पुरुष तर्फ क्रुजर वैट ८० देखि ८६ किलो तौल समुहमा विजय बाटाले काश्य पदक प्राप्त गरेका छन् । २० वटा देशको सहभागिता रहेको उक्त एएसबीसी एसियनस्तरको अन्डर २२ बक्सिङ्ग प्रतियोगितामा नेपालबाट पुरुष १३ ताैल समुहमा ३ ताैल समुमा र महिला १२ ताैल समुहमा ३ ताैल समुहमा गरि जम्मा ६ ताैल समुहमा मात्र सहभागीता जनाई एक रजत पदक र तीन कास्य गरी चार पदक जित्दै वरीयताक्रममा सातौं स्थान ओगट्न सफल रहेको छ ।

सोहि प्रतियोगिताका समयमा अन्तराष्ट्रिय बक्सिङ्ग संघ आईवाबाट सञ्चालन भएको ईन्टरनेशनल टेक्निकल अफिर (आईटिओ) कोर्ष परिक्षामा नेपाल बक्सिङ्ग संघका केन्द्रीय सदस्य पुष्कर राज पन्त र आईबा टू स्टार रेफ्री/जज कोर्ष परीक्षाको लागि नेपालका आईबा वान स्टार अन्तराष्ट्रिय रेफ्री/जज राम चन्द्र थापामगर र धनकुमार मैनालीले समेत सहभागिता जनाएका थिए ।

उक्त खेलमा ऐतिहासिक रजत पदक जित्न सफल नेपालका उदीयमान खेलाडी सुष्मालगायत सम्भावना भएका उत्कृष्ट खेलाडीहरुलाई तत्काल बैदेशिक प्रशिक्षण र बढी भन्दा बढी अन्तर्राष्ट्रिय प्रतियोगितामा सहभागि गराएमा आगामी १९ औँ एशियन गेम्समा पनि ऐतिहासिक सफलता प्राप्त गर्न सकिने कुरा उक्त टिमका प्रशिक्षक आईबा थ्री स्टार प्रशिक्षक एवम् १६ औं एशियन गेम्सका काश्य पदक विजेता दिपक महर्जनले जानकारी गराए ।

मित्र राष्ट्र भारतमा आयाेजना हुन लागेकाे वल्र्ड बक्सिङ च्याम्पियनसिप तथा एशियन गेम्सको तयारीको रुपमा लिइएको उक्त प्रतियोगिताबाट नेपाली खेलाडीहरुले प्रायोजकका रुपमा नेपाल एयरलाईन्स, इन्फिनिट वेयर, फुड हब बाई यच टु ओ ले सहयोग गरेका थिए ।

नेपाली टिमलाई राखेपका सदस्य सचिव टंकलाल घिसिंगले बिदाई गरेका थिए र उनले वाचा गरे बमाेजिम विमानस्थलमा ऐतिहासिक विजयका साथमा स्वागत गर्ने वाचा पुरा गर्दे सदस्य सचिवले उनी लगायत विजेता खेलाडीहरुलाई नगद पुरस्कारद्वारा सम्मान गर्ने घोषणा गरे । सोही अवसरमा राम्रो प्रदर्शन गर्दा गर्दै पनि पदक जित्न नसकेका दुई मुक्केबाज लालप्रसाद उप्रेती र ईन्द्र बहादुर सुनारलाई पनि जनही रु. २५,००० को दरले सम्मान गर्ने घोषणा निवर्तमान प्रमुख प्रशिक्षक प्रकाश थापामगरले गरेका थिए ।

उक्त विदाई कार्यक्रममा नेपाल बक्सिंग संघका अध्यक्ष राम अवाले, महासचिव सविन भट्टाचार्य, केन्द्रीय सदस्यहरु रामबहादुर गिरी, मानबहादुर भण्डारी, स्यामकाजी अवाले, पुस्करराज पन्त, ओम नारायण श्रेष्ठ, लगायत प्रशिक्षक तथा खेलाडीहरुको उपस्थिति रहेको थियो । उक्त प्रतियोगितालाई नेपाल एयरलाईन्स, इन्फिनिटि स्पोर्टस वेयर, फुड हबले सह प्रायोजन गरेका थिए ।

पुरा हेर्नुहोस्

काठमाडौं । थाइल्याण्डमा भएको एएसबीसी एसियन यू–२२ बक्सिङ च्याम्पियनसिपमा सहभागी नेपाली टाेलीलाई थाईल्याण्ड स्थित नेपाली दुतावासकाे क्वाटरमा भब्य स्वागत गरेकाे छ । थाईल्याण्डका लागि नेपाली राजदुत गणेश प्रसाद ढकाले बक्सिङ टाेलीलाई औपचारिक रुपमा निमन्त्रणा गर्दै डिनर सहित भब्य स्वागत गर्नुभएकाे हाे ।

थाइल्याण्डको राजधानी बैंककस्थित ह्वामार्क इन्डोर स्टेडियममा जारी एएसबीसी एसियन यू २२ बक्सिङ च्याम्पियनसिप २०२३ मा नेपाली मुक्केबाज सुस्मा तामाङकाे फाईनल खेल हेर्न समेत पुग्नुभएका नेपाली राजदुत गणेश प्रसाद ढकालले ऐतिहासिक रजत पदक जितेकी नेपाली बक्सर सुष्मा तामाङ सहित काँस्य पदक जितेका खेलाडीहरु हेमा राई, त्रिशा जवेगु, बिजय बाटा सहित खेलाडीहरु लाल प्रसाद उप्रेती, ईन्द्र बहादुर सुनार, टिम प्रशिक्षक दिपक महर्जन, सहायक प्रशिक्षक सन्दिप श्रेष्ठ, ब्यबस्थापक नेपाल बक्सिङ संघका सदस्य ओमनारायण श्रेष्ठ अन्तर्राष्ट्रिय रेफ्री/जज रामचन्द्र थापामगर र धनकुमार मैनाली र नेपाल बक्सिङ संघका सदस्य तथा अन्तर्राष्ट्रिय काेअडिनेटर श्याम काजी अवाले सहितकाे टाेलीलाई आफ्नै निवासमा बाेलाएर बधाई तथा उज्वल खेल भविश्यकाे शुभकामना दिदै खेलाडीहरुसंग खुशी साट्न पाउँदा खुशी लागेकाे बताउनु भएकाे छ । 

नेपाल बक्सिङ संघका सदस्य तथा अन्तर्राष्ट्रिय काेअडिनेटर श्यामकाजी अवालेले बक्सिङ टाेलीलाई स्वागत गर्दै खेलाडीहरुकाे मनाेबल उच्च बनाई दिनुभएकाेमा धन्यवाद समेत व्यक्त गर्नुभएकाे थियाे । साे भेटमा एनआरएनए (NRNA) का काेषाध्यक्ष अतिस श्रेष्ठ, थाई नेपाली संघ (TNA) महासचिव  दिपक पराजुली लगाएतकाे विशिष्ट व्यक्तिहरुकाे समेत उपस्थिति रहेकाे थियाे । उहाँहरुले आगामी दिनहरुमा नेपाली खेलकुदलाई थप विकास गर्न आबश्यक र सहकार्य गर्ने समेत बताउनुभएकाे थियाे ।

पुरा हेर्नुहोस्

काठमाडौं । करातेका संस्थापक मध्येका एक युवराज लामाको अध्यक्षतामा नेपाल कराते महासंघ केन्द्रीय कार्यसमितिको तदर्थ समिति बिहीबार गठन गरिएको छ । राष्ट्रिय खेलकुद परिषद् (राखेप) का पूर्व सदस्य–सचिव समेत रहेका लामाको अध्यक्षतामा २१ सदस्यीय केन्द्रीय कार्य समिति गठन गरिएको हो ।

अघिल्लो तर्दथ समितिमा कार्यावाहक अध्यक्षको जिम्मेवारीमा रहेका दावा गुरुङ सह–अध्यक्ष बने । उपाध्यक्ष्मा पुरेन्द्रविक्रम लाखे, महासचिवमा हरिशरण केसी, सह–महासचिवमा ओमकृष्ण प्रसाईं, सचिवमा श्याम शेर्पा र विआर मित्र तथा कोषाध्यक्षमा सानुलाल श्रेष्ठ रहेका छन् ।

सदस्यमा राजेन्द्र बराल, देव लामा, मजेन्द्र सिंह, नारायणबहादुर मगर, यादव काफ्ले, ध्वजमान मोक्तान, निवासगोपाल वैद्य, ध्रुवविक्रम मल्ल, तारा वली, दुर्गागोतम परियार, रवि महर्जन, डोल्मा लामा शाह र किशोरप्रसाद भट्टराई रहेका छन् ।

उनीहरुलाई राखेपका सदस्य–सचिव टंकलाल घिसिङले बिहीबारै एक कार्यक्रमबीच मनोनयन पत्र हस्तान्तरण गरे ।

महासंघले ३ महिना भित्र विधान मस्यौदा तयार गरी राखेपबाट स्वीकृत गराइ साधारण सभा तथा निर्वाचन गर्नु पर्ने छ । अघिल्लो तदर्थ समितिका अध्यक्ष शम्भु आचार्यलाई २०७५ फागुन १४ गते ३ महिना भित्र महासंघको विधान संशोधन गरी निर्वाचन गर्ने गरी तदर्थ समिति गठन गरिएकोमा जिम्मेवारी प्रदान गरिएको ४ वर्षसम्म उक्त समितिले महासंघको विधान संशोधन तथा निर्वाचन समेत गर्न सकेको थिएन ।

कार्यक्रमलाई सम्बोधन गर्दै सदस्य–सचिव घिसिङले ऐतिहासिक आवश्यकताका हिसाबले लामालाई अध्यक्षको जिम्मेवारी दिइएको बताउदै गौरवपूर्ण इतिहास बोकेको कारतेलाई गति दिनु पर्नेमा जोड दिए ।

अध्यक्ष लामाले संस्था र खेलाडीको हितलाई ध्यानमा राखेर अगाडि बढ्ने प्रतिबद्धता व्यक्त गर्दै परिषद्ले दिएको ३ महिना भन्दा धेरै अगाडि निर्विवाद रुपमा चुनाव सम्पन्न गर्ने वाचा पनि गरे । उनले आस्था र फरक स्टायलका कराते कसैलाई पनि निषेध नगर्ने बताउदै कार्यसमितिका प्रत्येकले काम गर्ने अवसर प्राप्त गर्ने बताए ।

सह–अध्यक्ष गुरुङले सम्बन्धित विज्ञले सम्बन्धित संस्थाको नेतृत्व गरे मात्र संस्थाको विकास हुने मान्यतालाई आत्मासात् गरी अध्यक्ष हुँदा हुँदै पनि स्थायित्वका लागि खुशी साथ अध्यक्षको पद छाडेको बताए । उनले अनेक बहानामा खेल संस्थालाई बन्धक बनाउन नहुने विचार व्यक्त गरे ।

पुरा हेर्नुहोस्

काठमाडौं । थाइल्याण्डमा भएको एएसबीसी एसियन यू–२२ बक्सिङ च्याम्पियनसिपमा ऐतिहासिक रजत पदक जितेकी नेपाली बक्सर सुष्मा तामाङले सरकारबाट ६ लाख पुरस्कार पाउने भएकी छन् ।

महिला ४८ केजी तौल समूहमा सुष्माले रजत जितेकी हुन् । फाइनलमा सुष्मा उज्वेकिस्तानकी फोजिलोभा फार्जोनासँग पराजित भएकी थिइन् । त्यसअघि उनले भियतनाम र मंगोलियाका खेलाडीलाई पराजित गर्दै ऐतिहासिक प्रदर्शनका साथ फाइनल पुगेकी थिइन् ।

एसियन बक्सिङ कन्फिडरेसनको मान्यताप्राप्त प्रतियोगितामा नेपालले रजत जितेको यो पहिलोपल्ट हो ।
राष्ट्रिय खेलकुद विकास नियमावली २०७९ अनुसार विभिन्न अन्तर्राष्ट्रिय प्रतियोगितामा पदक जित्ने खेलाडी र प्रशिक्षकलाई नगद पुरस्कारको व्यवस्था गरिएको छ ।

यस्तै मुख्य प्रशिक्षक दीपक महर्जनले १ लाख ८० हजार र प्रशिक्षक सन्दिप श्रेष्ठले ६० हजार पाउनेछन् भने संघले पनि १ लाख ८० हजार पाउनेछ ।

च्याम्पियनसिपमा कास्य जितेका विजय बाटा, हेमा राई र त्रिशा जबेगुले समान ३ लाख पाउनेछन् । खेलाडीले कास्य जित्दा मुख्य प्रशिक्षक र संघले समान ९० हजार तथा प्रशिक्षकले ३० हजार पाउनेछन् ।

पुरा हेर्नुहोस्

काठमाडौं । थाइल्याण्डको बैंककस्थित ह्वामार्क इन्डोर स्टेडियममा जारी एएसबीसी एसियन यू २२ बक्सिङ च्याम्पियनसिप २०२३ मा नेपाली मुक्केबाज सुस्मा तामाङले रजत पदक जित्न सफल भएकी छिन् ।

महिला तर्फ ४८ किलो तौल समुहकाे फाईनल खेलमा  उज्वेकिस्तानी मुक्केबाज फोजिलोभा फरजोनासंग ५:० अंककाे आधारमा पराजित भएसंगै उनी रजत पदकमा मितित भएकी हुन  । उनले क्वाटर फाईनलमा भेतनामकी क्यूनहानलाई ५:० अंककाे आधारमा जित हासिल गरिन भने सेमिफाईनल खेलमा मंगोलियाका प्रतिद्वन्दि बेस्येन्वेई जर्नागुलीलाई तेस्रो राउण्डमा रेफ्रि स्टोप कन्टेस्ट (आरएससी) को आधारमा पराजित गर्दै नेपाली मुक्केबाज सुस्मा तामाङ फाईनल प्रबेश गरेकी थिईन  ।

त्यसै गरी महिला  ५७ किलो तौल समुहमा हेमा राईले सिंगापुरका खेलाडीलाई ५ः० अंकको आधारमा पराजित गर्दै सेमिफाईनलसम्मको यात्रा तय गरेकी थिईन भने उनी मंगोलियाका बत्तुर जोल्जारगलसंग ५ः० अंकको आधारमा र ७५ केजी ताैल समुहमा क्रमश:  र त्रिशा जवेगु काजिकिस्तानी एरजन गुल्सायसंग ५:० अंककाे  आधारमा पराजय भोग्दै कास्य पदकमै सिमित रहेका थिईन् ।

पुरुष तर्फ ८६ केजी ताैल समुहमा विजय ईन्डाेनेशियन मुक्केबाज माेसकिता माईकलसंग सेमिफाईनलमा आरएसिका आधारमा हार बेहाेनु परेकाे थियाे । उनी सहित नेपालले तीन काँस्य र एक रजत जित्न सफल भएकाे छ । पुरुष तर्फकाे फाईनल भाेलि जनवरी २६ तारिखमा सम्पन्न भए पश्चात मेडल तथा प्रमाण पत्र वितरण हुने छ ।

एएसबीसी एसियन यू २२ बक्सिङ च्याम्पियनसिप २०२३ मा कम्बोडिया, चीन, इन्डोनेसिया, इराक, कजाकिस्तान, कुवेत, किर्गिस्तान, लाओस, मलेसिया, मंगोलिया, नेपाल, पाकिस्तान, फिलिपिन्स, साउदी अरब, सिंगापुर, श्रीलंका, ताजिकिस्तान, आयोजक थाइल्याण्ड, उज्वेकिस्तान र भियतनाम गरी २० देशको सहभागिता रहेको थियाे ।

सुस्माले जितेको रजत पदक नेपाल बक्सिंग संघको स्थापनाकाल देखि हालसम्म सबैभन्दा उच्च स्थानमा रहेको छ । यस अघि नेपालले एशियनस्तरमा कास्य पदकसम्म मात्रै जितेकाे थियाे । 

२०२१ मा पोल्याण्डमा सम्पन्न भएको विश्व युथ उमन बक्सिग च्याम्पियनशिपमा सुस्मा तामाङले  लिथुयानीका खेलाडीलाई पराजितगरी क्वाटरफाईनल सम्मको यात्रा तय गर्दै विश्व वरीयतामा छैटाैँ स्थानमा आफुलाई राख्न अब्बल भएकी थिईन । 

मेडल तथा पुरस्कार बितरण समाराेहमा थाईल्याण्डका लागि नेपाली राजदुत गणेश प्रसाद ढकाल, नेपाल बक्सिङ संघका सदस्य तथा प्रवक्ता अन्तर्राष्ट्रिय काेअडिनेटर श्यामकाजी अवालाले समेतकाे उपस्थिति रहेकाे थियाे । नेपाली टिमकाे प्रशिक्षकमा ईबा थ्रि स्टार काेच दिपक महर्जन, सहायक काेच संदिप श्रेष्ठ र म्यानेजर ओम नारायण श्रेष्ठ रहेका थिए । 

पुरा हेर्नुहोस्

काठमाडौं । थाइल्याण्डको बैंककस्थित ह्वामार्क इन्डोर स्टेडियममा जारी एएसबीसी एसियन यू २२ बक्सिङ च्याम्पियनसिप २०२३ काे सेमिफाइनलमा नेपाली मुक्केबाज बिजय बाटा र त्रिशा जवेगु पराजित भएकाछन् ।

महिला तर्फ ७५ केजी ताैल समुहमा त्रिशा जवेगु काजिकिस्तानी एरजन गुल्सायसंग जनवरी २२ तारिखमा अंककाे आधारमा र पुरुष ८६ केजी ताैल समुहका नेपाली मुक्केबाज बिजय बाटा जनवरी २३ मा ईन्डाेनेशियन मुक्केबाज माेसकिता माईकलसंग सेमिफाईनल खेलमा आरएसीकाे आधारमा पराजित भएकाछन् । 

४८ किलो तौल समुहमा भएको सेमिफाईनल खेलमा मंगोलियाका प्रतिद्वन्दि बेस्येन्वेई जर्नागुलीलाई तेस्रो राउण्डमा रेफ्रि स्टोप कन्टेस्ट (आरएससी) को आधारमा पराजित गर्दै नेपाली मुक्केबाज सुस्मा तामाङ फाईनल प्रबेश गरेकी छिन् । तामाङले क्वाटर फाईनलमा भेतनामकी क्यूनहानलाई ५:० अंककाे आधारमा जित हासिल गरेकी थिईन् । 

नेपालले एएसबीसी एसियन यू २२ बक्सिङ च्याम्पियनसिप २०२३ मा तीन काँस्य पदक जितिसकेकाे छ । 

पुरा हेर्नुहोस्

काठमाडौं । थाईल्याण्डको राजधानी बैंकककाे ह्वामार्क इन्डाेर स्टेडियममा जारी एएसबीसी एसियन यु २२ मेन्स एण्ड उमन्स बक्सिङ्ग प्रतियोगिताको महिलातर्फ मिनिमम वैट ४८ किलो तौल समुहमा भएको सेमिफाईनल खेलमा मंगोलियाका प्रतिद्वन्दि बेस्येन्वेई जर्नागुलीलाई तेस्रो राउण्डमा रेफ्रि स्टोप कन्टेस्ट (आरएससी) को आधारमा पराजित गर्दै नेपाली मुक्केबाज सुस्मा तामाङले एतिहासिक जित हासिल गरेकी छिन् ।

नेपाली मुक्केबाज सुस्मा तामाङले क्वाटर फाईनलमा भेतनामकी क्यूनहानलाई ५:० अंककाे आधारमा जित्दै गत  १९ तारिखमा सेमिफाईनलमा प्रबेश गरेकी थिईन ।
अब उनले उज्वेकिस्तानी मुक्केबाज फोजिलोभा फरजोनासंग फाईनलमा भेट पक्का गरेकी छिन् ।

उज्वेक खेलाडी फोजिलोभाले आयोजक राष्ट्र थाईल्याण्डका खेलाडी योद्वारी थिप्सात्चालाई ५ः० को अंकको आधारमा पराजित गरेकि छन । 
सुस्माले जितेको उक्त पदक नेपाल बक्सिंग संघको स्थापनाकाल देखि हालसम्म सबैभन्दा उच्च स्थानमा रहेको छ । यस अघि नेपालले एशियनस्तरमा कास्य पदकसम्म नै सिमित रहेको थियो ।

 २०२१ मा पोल्याण्डमा सम्पन्न भएको विश्व युथ उमन बक्सिग च्याम्पियनशिपमा पनि सुस्माले लिथुयानीका खेलाडीलाई पराजितगरी क्वाटरफाईनल सम्मको यात्रा तय गर्दै विश्व वरीयतामा छैटाैँ स्थानमा आफुलाई राख्न अब्बल भएकी थिईन ।  तामाङले बागमती प्रदेशबाट प्रतिनिधित्व गर्दै नवाैँ राष्ट्रिय खेलकुद प्रतियोगितामा स्वर्ण पदक जितेकि थिईन ।

त्यसै गरी  आज सम्पन्न उमन फेदर वैट ५७ किलो तौल समुह र उमन मिडिल वैट ७५ केजी ताैल समुहमा क्रमश: हेमा राई मंगोलियाका बत्तुर जोल्जारगलसंग ५ः० अंकको आधारमा र त्रिशा जवेगु काजिकिस्तानी एरजन गुल्सायसंग ५:० अंककाे  आधारमा पराजय भोग्दै कास्य पदकमै सिमित रहेका छन् । यस अघि हेमा राईले सिंगापुरका खेलाडीलाई ५ः० अंकको आधारमा पराजित गर्दै सेमिफाईनलसम्मको यात्रा तय गर्न सफल रहेकि थिईन भने त्रिशा जवेगु सिधै सेमिफाइनल प्रबेश भएकी थिईन ।

फाेटाे साैजन्य - मार्गिट किन्सेस 

पुरा हेर्नुहोस्

काठमाडौं । थाइल्याण्डको बैंककस्थित ह्वामार्क इन्डोर स्टेडियममा जारी एएसबीसी एसियन यू २२ बक्सिङ च्याम्पियनसिप २०२३ मा पुरुष ८६ केजी ताैल समुहका नेपाली मुक्केबाज बिजय बाटाले ईन्डाेनेशियन मुक्केबाज माेसकिता माईकलसंग सेमिफाईनल खेल खेल्ने भएका छन् ।

दुई पटककाे एसियन च्याम्पियन ईन्डाेनेसियन मुक्केबाज माेसकिता माईकल संग खेल्ने नेपाली खेलाडी  बागमती प्रदेशका च्याम्पियन हुन् उनले नवाैँ राष्ट्रिय खेलकुदमा ३:२ अंककाे आधारमा एपिएफका खेलाडीसंग उपबिजेता बनेका थिए । उनी नेपालकाे उदयमान युवा खेलाडीकाे रुपमा स्वदेशमा चर्चित छन् ।

नेपालबाट सहभागी मुक्केबाजहरु क्रमश: महिला ४८ केजी ताैल समुहमा सुस्मा तामाङ, ५७ केजी ताैल समुहमा हेमा राई र ७५ केजी ताैल समुहमा त्रिशा जवेगु सेमिफाईनलमा प्रबेश भईसकेका छन् । जनवरी २२ मा क्रमश  मंगाेलियन मुक्केबाज बेसेन्बेई जानार्गुली, मङ्गाेलियन मुक्केबाज बटुर जाेल्जार्गल, काजिकिस्तानी एरजन गुल्सायसंग भाेली जनवरी २२ तारिखमा खेल्नेछन् ।

पुरुष ८६ केजी ताैल समुहमा नेपाली मेक्केबाज बियय बाटा र  ईन्डाेनेसियन मुक्केबाज माेसकिता माईकलकाे राेचक भिडन्त जनवरी २३ मा थाइल्याण्डको बैंककस्थित ह्वामार्क इन्डोर स्टेडियममा दिउसाेकाे समयमा हुनेछ ।

पुरा हेर्नुहोस्

काठमाडौं । थाइल्याण्डको बैंककस्थित ह्वामार्क इन्डोर स्टेडियममा जारी एएसबीसी एसियन यू २२ बक्सिङ च्याम्पियनसिप २०२३ को पुरुष ताैल समुहमा १९ बाउट प्रतियोगिताको तेस्राे दिन सम्पन्न भएकाे छ ।

आज सम्पन्न क्वाटर फाईनल बाउटहरुमा नेपाली मुक्बेबाज द्वय लाल प्रसाद उप्रेती र ईन्द्र बहादुर सुनारले हार बेहाेरेका छन् ।

बाउट नम्बर २१ पुरुष तर्फ ४८ केजी ताैल समुहका मुक्केबाज लाल प्रसाद उप्रेती फिलिपिनी खेलाडी दुरेन्टमार्क लेफ्चरसंग  ५:० अंककाे आधारमा हारे भने बाटट नम्बर ३० पुरुष तर्फ ५७ केजी ताैल समुहमा नेपाली मुक्केबाज ईन्द्र बहादुर सुनार मङ्गाेलियन मुक्केबाज गन्तुमार लुण्डासंग आरएसिकाे आधारमा दाेस्राे राउण्मा हार बेहाेनु परेकाे थियाे । सुनारले प्रीक्वाटरमा लाओसका मुक्केबाज ५:० अंककाे आधारमा हराएका थिए । 

सुनारकाे अन्तर्राष्ट्रिय प्रतियोगितामा तेस्राे पटक सहभागीता हाे भने लाल प्रसाद उप्रेतीकाे सहभागीता पहिलाे थियाे । 

नेपालबाट सहभागी मुक्केबाजहरु क्रमश: महिला ४८ केजी ताैल समुहमा सुस्मा तामाङ, ५७ केजी ताैल समुहमा हेमा राई र ७५ केजी ताैल समुहमा त्रिशा जवेगु सेमिफाईनलमा प्रबेश भईसकेका छन् । जनवरी २२ मा क्रमश  मंगाेलियन मुक्केबाज बेसेन्बेई जानार्गुली, मङ्गाेलियन मुक्केबाज बटुर जाेल्जार्गल, काजिकिस्तानी एरजन गुल्सायसंग खेल्नेछन्

भने पुरुष तर्फ ८६ केजी ताैल समुहमा विजयले ईन्डाेनेशियन मुक्केबाज माेसकिता माईकलसंग सेमिफाईनलमा जनवरी २३ तारिखमा खेल्नेछन् । 

एएसबीसी एसियन यू २२ बक्सिङ च्याम्पियनसिप २०२३ मा कम्बोडिया, चीन, इन्डोनेसिया, इराक, कजाकिस्तान, कुवेत, किर्गिस्तान, लाओस, मलेसिया, मंगोलिया, नेपाल, पाकिस्तान, फिलिपिन्स, साउदी अरब, सिंगापुर, श्रीलंका, ताजिकिस्तान, आयोजक थाइल्याण्ड, उज्वेकिस्तान र भियतनाम गरी २० देशको सहभागिता रहेको छ । 

पुरा हेर्नुहोस्

काठमाडौं । थाईल्याण्डकाे राजधानी बैंककमा जारी एएसबिसी अन्टर २२ बक्सिङ च्याम्पियनसिपकाे दाेस्राे दिन सम्पन्न खेलहरुमा नेपालका मुक्केबाज सुस्मा तामाङ र हेमा राईले जित हासिल गरेका छन् ।

४८ केजी ताैल समुहकी नेपाली मुक्केबाज सुस्मा तामाङले भेतनामकी क्यूनहानलाई ५:० अंककाे आधारमा जितिन भने ५७ केजी ताैल समुहकी मुक्केबाजी हेमा राईले सिङ्गापुरकी चाैउजीमिन बेर्नेसलाई आरएसी आईकाे आधारमा दाेस्राे राउण्डमा जित हासिल गरिन् । 

पुरुष तर्फ ४८ केजी ताैल समुहका मुक्केबाज लाल प्रसाद उप्रेतीले फिलिपिनी खेलाडी दुरेन्टमार्क लेफ्चर संग जनवरी २० तारिखमा क्वाटर फाईनल खेल खेल्नेछन् । ५७ केजी ताैल समुहमा नेपाली मुक्केबाज ईन्द्र बहादुर सुनारले प्रीक्वाटरमा लाओसका मुक्केबाज ५:० अंककाे आधारमा जित हासिल गर्दै क्वाटर फाईनल प्रबेश गरेकाछन् । उनले क्वाटर फाईनल खेल मङ्गाेलियन मुक्केबाज गन्तुमार लुण्डासंग खेल्नेछन् ।

नेपालबाट सहभागी दुई खेलाडी बिजय बाटा (८६ केजी)  र महिला खेलाडी त्रिशा जवेगु (७५ केजी) सेमिफाइनलमा प्रबेश भैसकेका छन् । उनिहरुले क्रमश: ईन्डाेनेशियाका खेलाडी माेसकिता माईकल र काजिकिस्तानी मुक्केबाज एरजन गुल्सायसंग खेल्नेछन् । 

पुरा हेर्नुहोस्

काठमाडौं । थाईल्याण्डकाे राजधानी बैंककमा जारी एएसबिसी अन्टर २२ बक्सिङ च्याम्पियनसिप खेल अन्तर्गत ५७ केजी ताैल समुहका नेपाली मुक्केबाज ईन्द्र बहादुर सुनारले जित हासिल गरेकाछन् ।

आज उद्घाटन सत्र पश्चात् सुरुभएकाे प्रीक्वाटर क्वाटर  खेलहरु मध्ये ५७ केजी ताैल समुहमा नेपाली मुक्केबाज ईन्द्र बहादुर सुनारले लाओसका खेलाडी साेक्साखुनलाई (यूनानिमस ) ५:० अंककाे आधारमा जित हासिल गरेका हुन् । याे जित संगै सुनार क्वाटर फाईनल प्रबेश गरेकाछन् । सुनारले क्वाटर फाईनल खेल मङ्गाेलियन मुक्केबाज गन्तुमार लुण्डासंग खेल्नेछन् ।

नेपालबाट सहभागी दुई खेलाडी बिजय बाटा (८६ केजी)  र महिला खेलाडी त्रिशा जवेगु (७५ केजी) सेमिफाइनलमा प्रबेश भैसकेका छन् । उनिहरुले क्रमश: भारतकाे खेलाडी माेसकिता माईकल र काजिकिस्तानी मुक्केबाज एरजन गुल्सायसंग खेल्नेछन् । 

भाेली जवनरी १९ तारिखमा महिला ४८ केजी ताैल समुहकी सुस्मा तामाङले भेतनामकी क्यूनहानसंग र
महिला ५७ केजी ताैल समुहकी हेमा राईले सिङ्गापुरकी चाैउजीमिन बेर्नेससंग क्वाटर फाईनल खेल खेल्नेछिन ।

भने पुरुष तर्फ ४८ केजी ताैल समुहका खेलाडी लाल प्रसाद उप्रेतीले फिलिपिनी खेलाडी दुरेन्टमार्क लेफ्चर संग जनवरी २० तारिखमा क्वाटर फाईनल खेल खेल्नेछन् ।

 

पुरा हेर्नुहोस्

काठमाडौं । थाईल्याण्डकाे राजधानी बैंककमा जारी एएसबिसी अन्टर २२ बक्सिङ च्याम्पियनसिपकाे खेल तालिका सार्वजनिक भएकाे छ । 

नेपालबाट सहभागी पुरुष खेलाडी मध्ये बिजय बाटा ८६ केजी र महिला खेलाडी त्रिशा जवेगु ७५ केजी खेल तालिका अनुसार सेमिफाइनल प्रवेश भएकाछन् ।उनिहरुले क्रमश: सेमिफाइनलमा भारतकाे खेलाडी माेसकिता माईकल र काजिकिस्तानी मुक्केबाज एरजन गुल्सायसंग खेल्नेछन् । 

भाेली जवनरी १८ तारिखमा महिला ४८ केजी ताैल समुहकी सुस्मा तामाङले भेतनामकी क्यूनहानसंग क्वाटर फाईनल खेल खेल्नेछिन भने भाेली नै ५७ केजी तर्फका खेलाडी ईन्द्र बहादुर सुनारले लाओसका खेलाडी साेक्साखुनसंग क्वाटर फाईनल खेल खेल्नेछन् ।

यसैगरी महिला ५७ केजी ताैल समुहकी हेमा राईले सिङ्गापुरकी चाैउजीमिन बेर्नेससंग १९ तारिखमा क्वाटर फाईनल खेल खेल्ने छिन् । भने पुरुष तर्फ ४८ केजी ताैल समुहका खेलाडी लाल प्रसाद उप्रेतीले फिलिपिनी खेलाडी दुरेन्टमार्क लेफ्चर संग जनवरी २० तारिखमा क्वाटर फाईनल खेल खेल्नेछन् ।

भाेली हुने खेलहरु नेपाली समय अनुसार उद्घाटन सत्र समापन पश्चात् दिउसो २ बजे बाट सुरुहुने जनाकारी सहभागी आईबा थ्री स्टार काेच दिपक महर्जनले जानकारी दिएकाछन् ।

पुरा हेर्नुहोस्

काठमाडौं । अण्डर २२ अन्तर्राष्ट्रिय बक्सिङ प्रतियोगिता खेल्न नेपाली राष्ट्रिय टाेली आज थाईल्याण्डकाे राजधानी बैंकक प्रस्थान गर्ने भएका छन् । 

एएसबिसि बक्सिङ च्याम्पियनसिप (अन्डर २२) खेल्न ३ जना महिला र ३ जना पुरुष खेलाडी सहित कुल १२ जनाकाे टाेली आज नेपाल एयर लाईन्सकाे उडानबाट उक्त स्थान प्रस्थान गर्दैछन् । महिला तर्फ ४६-४८ केजी ताैल समुहमा सुस्मा तामाङ, ५४-४७ केजी ताैल समुहमा हेमा राई, ७१-७५ केजी ताैल समुहमा त्रिसा जवेगु छिन भने पुरुष तर्फ ४६-४८ केजी ताैल समुहमा लाल प्रसाद उप्रेती, ५४-५७ केजी ताैल समुहमा ईन्द्र सुनुवार र ८०-८६ केजी ताैल समुहमा बिजय बाटा छन् । साथमा प्रशिक्षक ईबा थ्रि स्टार काेच दिपक महर्जन, सहायक प्रशिक्षक संदिप श्रेष्ठ र म्यानेजर नेपाल बक्सिङ संघका सदस्य ओम नारायण श्रेष्ठ छन् । सहभागी खेलाडी मध्ये सुस्मा तामाकाे चाेथाे र ईन्द्र सुनुवारकाे तेस्राे अन्तर्राष्ट्रिय सहभागी हाे ।

साथै उक्त प्रतियोगितामा नेपालकाे तर्फबाट आईटिओ र टु स्टार रेफ्रि/जज सर्टिफिकेशन काेर्षमा सहभागी हुन क्रमश संघका केन्द्रीय सदस्य पुष्कर राज पन्त, ईवा वान स्टार रेफ्रि/जजद्वय रामचन्द्र थापा मगर र धनकुमार मैनाली पनि सहभागी हुन त्यस तर्फ आजै प्रस्थान गर्दैछन् । 

हिजाे अपरान्ह २ बजे राखेप स्थित सभा हलमा नेपाल बक्सिङ संघकाे अध्यक्ष राम अवालेकाे अध्यक्षतामा आयाेजित खेलाडी बिदाई कार्यक्रममा राखेप सदस्य सचिव टंकलाल घिसिङले राष्ट्रिय टाेलिलाई सफलताकाे शुभकामना ज्ञापन गर्दै विदाई गरेका थिए । संघका प्रवक्ता श्यामकाजी अवालेकाे संचालनमा संचालित खेलाडी  बिदाई कार्यक्रममा संघका उपाध्यक्ष नरेन्द्र पाेमु, संघका केन्द्रीय सदस्य मान बहादुर भण्डारी, एपिएफका काेच पुर्ण बहादुर लामा, ईवा वान स्टार रेफ्रि/जज अनुराधा लामा  लगाएत खेल प्रेमि महानुभावहरुकाे उपस्थिति रहेकाे थियाे ।

पुरा हेर्नुहोस्

काठमाडौं । एथलेटिक्स खेलकाे बागमती प्रदेश स्तरिय रेफ्री तथा प्रशिक्षक तालिम सम्पन्न भएकाे छ । 

बागमती प्रदेश खेलकुद विकास परिषदका सदस्य सचिव सुर्यलाल भण्डारीकाे अध्यक्षतामा राष्ट्रिय खेलकुद परिषद, दशरथ रंगशाला हातामा पाैष २३ गतेबाट सुरुभएकाे उक्त तालिम एक हप्ता संचालन भै शुक्रवार एथलेटिक्स संघका अध्यक्ष तथा कर्णाली प्रदेशका सांसद राजिव विक्रम शाहाकाे विशेष निर्देशन पश्चात् सम्पन्न भएकाे थियाे ।

नेपल एथलेटिक्स संघकाे प्राविधिक सहयाेगमा बागमती प्रदेश खेलकुद विकास परिषदकाे आयाेजनमा संचालन भएकाे एथलेटिक्स खेलकाे रेफ्री तथा प्रशिक्षक तालिममा प्रदेश भरिबाट ५३ जना प्रशिक्षार्थीहरु सहभागी भएका थिए । 

पुरा हेर्नुहोस्

काठमाडौं । नेपाल रग्बी संघकाे दशाैँ साधरण सभा सम्पन भएकाे छ । राष्ट्रिय खेलकुद परिषदका सदस्य सचिव टंकलाल घिसिङकाे विशेष उपस्थितिमा सम्पन्न भएकाे साधरण सभाले अध्यक्षमा दिपक देवकोटा र महासचिवमा गाेविन्द घिमिरेलाई निर्वाचित गरेकाे छ ।

शुक्रबार काठमाडौँ ठमेलस्थिथ हाेटल ठमेल पार्ककाे सभा हलमा विशेष अतिथिहरु ओलम्पिक कमिटीका महासचिव निलेन्द्रराज श्रेष्ठ, सिमरा उपमहानगर पालिकाका मेयर राजन पाैडेल, अतिथिहरु अन्जन धमला, इन्दिरा निराैला, खेलकुद पत्रकार मञ्चका अध्यक्ष देवेन्द्र सुवेदी लगाएतकाे उपस्थितिमा सम्पन्न दशाैँ साधरण सभाले अध्यक्ष दिपक देवकोटा, बरिस्ठ उपाध्यक्ष चेतनराज गिरि, उपाध्यक्ष विश्वामित्र संजेल कर्णाली प्रदेशका सदस्य सचिव, महासचिव गाेविन्द घिमिरे, सचिव विजय माेक्तान, काेषाध्यक्ष दिपक अधिकारी, सदस्यहरुमा ईन्द्र ब.तामाङ, हरिशंकर महत्त्व, एलिसा थापा, कामना गिरि, रमेश भट्टराई, रविन के.सी., निर्वाचित भएका छन्।  विधान अनुसनर २३ सदस्य सहितकाे कार्य समिति रहने छ । संघकाे पहिलाे बैठकले तीन जना उपाध्यक्ष सहित बाँकी सदस्यहरु मनाेनित गर्ने सहभागी एक प्रतिनिधिले बताएकाछन् ।

लामो समय वर्तमान राष्ट्रिय खेलकुद परिषद्का सदस्य सचिव टंक लाल घिसिङको नेतृत्वमा रहेको रग्बीले यसै साधारण सभाबाट नयाँ नेतृत्वलाई औपचारिकता प्रदान गरेकाे छ । साधारण सभामा सहभागी हुने ४५ जिल्ला संघ र ४ प्रदेश संघका प्रतिनिधिका साथै वर्तमान कार्यसमितिका पदाधिकारी तथा सदस्यको सहभागिता रहेकाे थियाे ।

 

पुरा हेर्नुहोस्

काठमाडौं । राष्ट्रिय भलिबल खेलाडी रेश्मा भण्डारीलाई कमला कार्की स्मृति प्रतिष्ठानले आफ्नो आठौं स्मृति दिवसमा मंगलबार सम्मान गरेको छ ।

राष्ट्रलाई विभिन्न क्षेत्रबाट सेवा गर्दै आएका व्यक्ति तथा संस्थाहरुलाई प्रत्येक वर्ष सम्मान गर्दै आएको प्रतिष्ठानले खेलकुद क्षेत्रबाट राष्ट्रको मान, सम्मान र प्रतिष्ठा अन्तराष्ट्रियस्तरमा उचो पार्न विशेष योगदान गरेवापत भलिबल खेलका राष्ट्रिय खेलाडी भण्डारीलाई नगदसहित सम्मान गरेको हो ।

प्रतिष्ठानले भलिबल खेलाडी भण्डारीलाई नगद १५ हजार १ रुपैयाँ र प्रशंसा पत्र प्रदान गरी सम्मान गर्याे । नेपालमा भएको १३ औं दक्षिण एसियाली खेलकुदमा रजत जित्दा तथा बंगलादेशमा भएको एभीसी सेन्ट्रल जोन भलिबलको पहिलो संस्करणमा नेपालले स्वर्ण जित्दा रेश्मा टोलीकी सदस्य थिइन् ।

प्रतिष्ठानले भलिबल खेलाडी भण्डारीसंगै विभिन्न क्षेत्रमा योगदान पुर्याउने व्यक्तिहरुलाई सम्मान गर्ने क्रममा पत्रकारितातर्फ द राइजिङ नेपालकी मञ्जिमा ढकाल, कलाकारतर्फ सितारवादक सीतामैया राजवललाई सम्मान गरेकाे छ । सम्मानित हुने दुवैलाई जनही १५ हजार १ रुपैयाँ र प्रशंसा पत्र प्रदान गरेकाे थियाे ।

त्यस्तै जेष्ठ नागरिकतर्फ चन्द्रागिरी नगरपालिकाकी जनमाया महर्जन र पम्पादेवी कटुवाललाई पनि प्रतिष्ठानले नगद १५ हजार १ रुपैयाँ र प्रशंसा पत्र प्रदान गरि सम्मान गरेकाे थियाे ।

संस्थातर्फ रेनुका दुलाल स्मरण प्रतिष्ठानका अध्यक्ष चन्द्र दुलाल सम्मानित भएकि थिईन । प्रतिष्ठानले दुलाललाई सामाजिक क्षेत्रमा पुर्याएको विशेष योगदानका लागि नगद १ लाख १ रुपैयाँ र प्रशंसा पत्रसहित सम्मान विशेष सम्मान गरेको थियाे ।

पुरा हेर्नुहोस्

काठमाडौं । राष्ट्रिय खेलकुद परिषद् (राखेप) ले मित्रराष्ट्र चीनको हाङझावमा हुने १९ औं एसियाली खेलकुदको तयारीलाई लक्षित गरी खेलाडीको नियमित प्रशिक्षण माघ दोश्रो सातादेखि सुरु गर्ने भएको छ ।

राखेपका सदस्य–सचिव टंकलाल घिसिङको उपस्थितिमा हाइ पर्फमेन्स कमिटीका जेष्ठ सदस्य हरिहर श्रेष्ठको अध्यक्षतामा मंगलबार बसेको बैठकले उक्त निर्णय गरेको हो ।

नेपालले एसियाली खेलकुदमा सहभागिता जनाउने सम्भावित २३ खेलको नियमित प्रशिक्षण ९० दिनको हुनेछ । प्रशिक्षणमा करिब ५ सय १४ खेलाडी तथा करिब ६६ प्रशिक्षकको सहभागिता रहने छ । नियमित पछि क्रमैसंग विशेष, बन्द र वैदेशिक प्रशिक्षण हुनेछ ।

प्रशिक्षण सुरु हुनुअघि माघ २ देखि ४ गते सम्बन्धित खेलका राष्ट्रिय संघ तथा मुख्य प्रशिक्षकलाई छलफलका लागि बोलाइने छ । बैठकमा केहि खेलका लागि विदेशी प्रशिक्षक झिकाउने तथा केहि खेलका प्रतिभावन खेलाडीलाई वैदेशिक प्रशिक्षणमा पठाउने विषयमा पनि छलफल भएको थियो ।

पुरा हेर्नुहोस्

काठमाडौं – महान् फुटबल खेलाडी पेलेको सम्मानमा फुटबल खेलअघि एक मिनेट मौन धारण गरिने भउको छ । पेलेको निधन भएको शोक मनाउन देशभर सञ्चालन हुने औपचारिक फुटबल प्रतियोगिताका खेल सुरु हुनुअघि एक मिनेट मौन धारण गरिने भएको हो ।

यसका लागि सबै सदस्य संघलाई सबै सदस्य संघलाई परिपत्र पठाइसकेको छ । फिफाको पत्रपछि अखिल नेपाल फुटबल संघले एक सातासम्म फुटबल खेल सुरु हुनुअघि एक मिनेट मौनधारण गर्न सबै आयोजकलाई अनुरोध गरेको छ।

फिफा महासचिव फातिमा समौराले लेखेको पत्रमा यस्तो सम्मान गरिने उल्लेख छ।न्फाले सदस्य संघ, जिल्ला फुटबल संघ, क्लब र फुटबल संचालन निकायससम्बद्ध सबैलाई आ–आफ्नो क्षेत्रमा फिफाको निर्देशन कार्यान्वयन गर्न अनुरोध गरेको छ।

पुरा हेर्नुहोस्

ललितपुर । टिकाथली बक्सिङ क्लबले अंग्रेजी नयाँ वर्ष जनवरी १ तारिखबाट बक्सिङ प्रशिक्षण सुरु गर्ने भएकाे छ । क्लबका अध्यक्ष रामचन्द्र थापमगर, उपाध्यक्ष सुवर्ण सापकाेटा र काेषाध्यक्ष प्रभुदास थापामगरकाे संयाेजनमा भाेली जनवरी १ बाटै बक्सिङ प्रशिक्षण सुरु गर्ने निर्णय गरेकाे छ ।

संस्थापक अध्यक्ष तथा सल्लाहकार प्रकाश थापामगर, बागमती प्रदेश खेलकुद विकास परिषदका बाेर्ड सदस्य तथा सल्लाहकार धनकुमार मैनाली, सल्लाहकार सुदिप सापकाेटाकाे विशेष उपस्थितिमा क्लबका अध्यक्ष रामचन्द्र थापामगरकाे अध्यक्षतामा आज बसेकाे बैठकले २०७२ सालकाे भुकम्पले प्रशिक्षण भवन जिर्ण भएकाे कारण स्थगित भएकाे बक्सिङ प्रशिक्षण जनवरी १ बाट सुरु गर्ने निर्णय गरेकाे हाे ।

आज बसेकाे बैठकले निर्माणाधीन क्लब भवन बनाउन ठेकेदारले गरेकाे ढिलासुस्तीकाे विषयमा छलफल गरि ठेकेदारलाई आबश्यक सहयाेग गरि पहिलाेचरणकाे काम सम्पन्न गर्न पहल गर्ने , क्लब भवनलाई पुर्णरुपले सम्पन गर्न आबश्यक थप बजेट माग गर्ने साथै प्रशिक्षण स्थालकाे लागि आबश्यक हलकाे लागि बहुआयामिक कभर्डहलकाे लागि आबश्यक पर्ने जग्गा छनाैट र डि पि आर काे लागि वडासंग समन्वय गर्ने निर्णय समेत गरेकाे छ ।

बैठकमा क्लबका अध्यक्ष  रामचन्द्र थापामगर, उपाध्यक्ष सुवर्ण सापकाेटा, सचिव अमुल्य राना, काेषाध्यक्ष प्रभुदास थापामगर, सदस्यहरु राजु रिजाल, सुजन आचार्य, नवराज भण्डारी, राजेन्द्र केसी लगाएतकाे व्यक्तिहरुकाे उपस्थिति रहेकाे थियाे ।

सम्पर्क नम्बर 
रामचन्द्र थापामगर 9851172369
सुवर्ण सापकाेटा 9840308356
प्रभुदास थापामगर 9860970184

पुरा हेर्नुहोस्

ललितपुर । नेपाल बक्सिङ्ग संघका अध्यक्ष राम अवालेको अध्यक्षतामा संघको पुर्ण कार्यसमितिको  बैठक सम्पन्न भएको छ । संघकाे पूर्ण कार्यसमितिकाे बैठकले आजका मितिले ६ महिना भित्र खेलकुद ऐन २०७७ को विधान बमोजिम संघकाे अधिवेशन गर्ने निर्णय सर्वसम्मतिले गरेकाे छ ।

संघकाे बैठक सञ्चालनपुर्व बक्सिङ्गको दीगो विकासमा अग्रजहरुको सल्लाह सुझाव पनि लिइएको थियो । नेपाल बक्सिङ्ग संघका संस्थापक अध्यक्ष विष्णु गोपाल श्रेष्ठको प्रमुख आतिथ्यमा नेपाल बक्सिंग संघका पुर्व अध्यक्ष उमेश मास्के, निवर्तमान अध्यक्ष राजीव श्रेष्ठ लगायत संघका कार्यसमितिका पदाधिकारीहरुको उपस्थित रहेको थियो ।

उक्त सल्लाह सुझाव तथा पुर्ण कार्य समितिको बैठकमा नेपाल बक्सिङ्ग संघका अध्यक्ष राम अवाले, वरिष्ठ उपाध्यक्ष अर्जुन बहादुर केसी, उपाध्यक्ष नरेन्द्र पोमो, उपाध्यक्षद्वय भोजराज सिटौला, किरण बहादुर श्रेष्ठ, महासचिव सविन भट्टाचार्य, कोषाध्यक्ष गौतम सुजखु, सदस्यहरु, मान बहादुर भण्डारी, राम बहादुर गिरि, ओम नारायण श्रेष्ठ, पुष्कर राज पन्त, श्याम काजी अवाले, शोभार जंग केसी, लक्ष्मण कार्की, रमेश अधिकारी, पुर्व प्रमुख प्रशिक्षकद्वय प्रकाश थापामगर, ओम मास्के, टेक्निकल संयोजक दीपक महर्जन, दक्षिण एशियाली खेलकुदका स्वर्ण पदक विजेता आईबा स्टार रेफ्रि रामचन्द्र थापामगर लगायतका व्यक्तिहरुको उपस्थिति रहेको थियो ।

उक्त कार्यक्रममा संस्थापक अध्यक्ष तथा निवर्तमान अध्यक्षले बक्सिंगको दीगो विकासका लागि बक्सिंग विकासका लागि एकताबद्ध भएर अगाडि बढनुपर्ने सुझावहरु प्रस्तुत गरेका थिए । 

कार्य समितिको बैठकले आगामी संघको अधिवेशन आजका मितिले ६ महिना भित्र खेलकुद ऐन २०७७ को विधान बमोजिम अधिवेशन गर्ने निर्णय सर्वसम्मत गर्दै यसका लागि राखेपमा आवश्यक पत्राचार गरि मिति लिने निर्णय समेत गरेकाे थियाे । साथै संघका सम्पुर्ण पदाधिकारी, सदस्यहरु, आमन्त्रित सदस्यहरु संघका सस्थापक अध्यक्ष, पुर्व अध्यक्षहरु, पुर्व प्रमुख प्रशिक्षकहरु तथा रेफ्रिजजले बक्सिङ्ग विकास र एकताको निम्ति हात उठाएर एक्यबद्धता जाहेर गरेका थिए ।

 

पुरा हेर्नुहोस्

ताजा समाचार


ऐतिहासिक पदकसहित नेपाली बक्सिङ टोली स्वदेश फर्कियाे

काठमाडौं । एसियन बक्सिङ्ग कन्फेरेडसन (ASBC) को आयोजनामा थाईल्याण्डको राजधानी बैंककमा यहि जनवरी १६ देखि २७ तारिखसम्म भएको एएसबीसी अन्डर २२ मेन एन्ड उमन बक्सिङ च्याम्पियनसिप २०२३ मा ऐतिहासिक रजत पदक जित्न सफल सुष्मा तामाङ र कांस्य पदक जित्न सफल अन्य खेलाडीहरु लगाएत नेपाली बक्सिङ टोलिलाई त्रिभूवन अन्तर्राष्ट्रिय विमानस्थलमा राष्ट्रिय खेलकुद परिषदका सदस्यसचिव टंकलाल घिसिङ, नेपाल बक्सिङ संघका अध्यक्ष राम अवालेलगायतको टोलीले हिजो भव्य स्वागत गरेकाे छ ।

मिनिमम ४८ किलो तौल समुहका सुष्माले एशियनस्तरमा बलियो मानिएका भियतनाम र मंगोलियाका खेलाडीलाई ५ः० र आर एस सी को आधारमा पराजित गर्दैे फाईनल खेलमा उज्वेकिस्तानका आईवा युथ विश्व च्याम्पियनसंग अंकको आधारमा पराजित भएका थिए । उनले पहिलो राउण्डमा निकै राम्रो प्रर्दशन गर्दै ४ः१ को स्प्लिट डिसिजनमा पछाडि पारेकी थिईन भने देस्रो र तेस्रो राउण्डमा उज्वेकिस्तानका खेलाडीकाे खेल रणनीति परिवर्तन पछि उनको निरन्तर आक्रमण र अंक बटुल्ने प्रयास असफल रहेको थियो र नतिजा उज्वेकिस्तानका खेलाडीको पक्षमा गएको थियो ।

पदक विजेता अन्य खेलाडीहरुमा महिला तर्फको फेदर वैट ५४ देखि ५७ किलो तौल समुहमा हेमा राईले कास्य, महिला लाईट हेभीवेटमा ७५ देखि ८१ किलो तौल समुहमा त्रिशा जवेगुले कास्य र पुरुष तर्फ क्रुजर वैट ८० देखि ८६ किलो तौल समुहमा विजय बाटाले काश्य पदक प्राप्त गरेका छन् । २० वटा देशको सहभागिता रहेको उक्त एएसबीसी एसियनस्तरको अन्डर २२ बक्सिङ्ग प्रतियोगितामा नेपालबाट पुरुष १३ ताैल समुहमा ३ ताैल समुमा र महिला १२ ताैल समुहमा ३ ताैल समुहमा गरि जम्मा ६ ताैल समुहमा मात्र सहभागीता जनाई एक रजत पदक र तीन कास्य गरी चार पदक जित्दै वरीयताक्रममा सातौं स्थान ओगट्न सफल रहेको छ ।

सोहि प्रतियोगिताका समयमा अन्तराष्ट्रिय बक्सिङ्ग संघ आईवाबाट सञ्चालन भएको ईन्टरनेशनल टेक्निकल अफिर (आईटिओ) कोर्ष परिक्षामा नेपाल बक्सिङ्ग संघका केन्द्रीय सदस्य पुष्कर राज पन्त र आईबा टू स्टार रेफ्री/जज कोर्ष परीक्षाको लागि नेपालका आईबा वान स्टार अन्तराष्ट्रिय रेफ्री/जज राम चन्द्र थापामगर र धनकुमार मैनालीले समेत सहभागिता जनाएका थिए ।

उक्त खेलमा ऐतिहासिक रजत पदक जित्न सफल नेपालका उदीयमान खेलाडी सुष्मालगायत सम्भावना भएका उत्कृष्ट खेलाडीहरुलाई तत्काल बैदेशिक प्रशिक्षण र बढी भन्दा बढी अन्तर्राष्ट्रिय प्रतियोगितामा सहभागि गराएमा आगामी १९ औँ एशियन गेम्समा पनि ऐतिहासिक सफलता प्राप्त गर्न सकिने कुरा उक्त टिमका प्रशिक्षक आईबा थ्री स्टार प्रशिक्षक एवम् १६ औं एशियन गेम्सका काश्य पदक विजेता दिपक महर्जनले जानकारी गराए ।

मित्र राष्ट्र भारतमा आयाेजना हुन लागेकाे वल्र्ड बक्सिङ च्याम्पियनसिप तथा एशियन गेम्सको तयारीको रुपमा लिइएको उक्त प्रतियोगिताबाट नेपाली खेलाडीहरुले प्रायोजकका रुपमा नेपाल एयरलाईन्स, इन्फिनिट वेयर, फुड हब बाई यच टु ओ ले सहयोग गरेका थिए ।

नेपाली टिमलाई राखेपका सदस्य सचिव टंकलाल घिसिंगले बिदाई गरेका थिए र उनले वाचा गरे बमाेजिम विमानस्थलमा ऐतिहासिक विजयका साथमा स्वागत गर्ने वाचा पुरा गर्दे सदस्य सचिवले उनी लगायत विजेता खेलाडीहरुलाई नगद पुरस्कारद्वारा सम्मान गर्ने घोषणा गरे । सोही अवसरमा राम्रो प्रदर्शन गर्दा गर्दै पनि पदक जित्न नसकेका दुई मुक्केबाज लालप्रसाद उप्रेती र ईन्द्र बहादुर सुनारलाई पनि जनही रु. २५,००० को दरले सम्मान गर्ने घोषणा निवर्तमान प्रमुख प्रशिक्षक प्रकाश थापामगरले गरेका थिए ।

उक्त विदाई कार्यक्रममा नेपाल बक्सिंग संघका अध्यक्ष राम अवाले, महासचिव सविन भट्टाचार्य, केन्द्रीय सदस्यहरु रामबहादुर गिरी, मानबहादुर भण्डारी, स्यामकाजी अवाले, पुस्करराज पन्त, ओम नारायण श्रेष्ठ, लगायत प्रशिक्षक तथा खेलाडीहरुको उपस्थिति रहेको थियो । उक्त प्रतियोगितालाई नेपाल एयरलाईन्स, इन्फिनिटि स्पोर्टस वेयर, फुड हबले सह प्रायोजन गरेका थिए ।



पुरा हेर्नुहोस्

थाई स्थित नेपाली दुतावासमा बक्सिङ टाेलीलाई भब्य स्वागत

काठमाडौं । थाइल्याण्डमा भएको एएसबीसी एसियन यू–२२ बक्सिङ च्याम्पियनसिपमा सहभागी नेपाली टाेलीलाई थाईल्याण्ड स्थित नेपाली दुतावासकाे क्वाटरमा भब्य स्वागत गरेकाे छ । थाईल्याण्डका लागि नेपाली राजदुत गणेश प्रसाद ढकाले बक्सिङ टाेलीलाई औपचारिक रुपमा निमन्त्रणा गर्दै डिनर सहित भब्य स्वागत गर्नुभएकाे हाे ।

थाइल्याण्डको राजधानी बैंककस्थित ह्वामार्क इन्डोर स्टेडियममा जारी एएसबीसी एसियन यू २२ बक्सिङ च्याम्पियनसिप २०२३ मा नेपाली मुक्केबाज सुस्मा तामाङकाे फाईनल खेल हेर्न समेत पुग्नुभएका नेपाली राजदुत गणेश प्रसाद ढकालले ऐतिहासिक रजत पदक जितेकी नेपाली बक्सर सुष्मा तामाङ सहित काँस्य पदक जितेका खेलाडीहरु हेमा राई, त्रिशा जवेगु, बिजय बाटा सहित खेलाडीहरु लाल प्रसाद उप्रेती, ईन्द्र बहादुर सुनार, टिम प्रशिक्षक दिपक महर्जन, सहायक प्रशिक्षक सन्दिप श्रेष्ठ, ब्यबस्थापक नेपाल बक्सिङ संघका सदस्य ओमनारायण श्रेष्ठ अन्तर्राष्ट्रिय रेफ्री/जज रामचन्द्र थापामगर र धनकुमार मैनाली र नेपाल बक्सिङ संघका सदस्य तथा अन्तर्राष्ट्रिय काेअडिनेटर श्याम काजी अवाले सहितकाे टाेलीलाई आफ्नै निवासमा बाेलाएर बधाई तथा उज्वल खेल भविश्यकाे शुभकामना दिदै खेलाडीहरुसंग खुशी साट्न पाउँदा खुशी लागेकाे बताउनु भएकाे छ । 

नेपाल बक्सिङ संघका सदस्य तथा अन्तर्राष्ट्रिय काेअडिनेटर श्यामकाजी अवालेले बक्सिङ टाेलीलाई स्वागत गर्दै खेलाडीहरुकाे मनाेबल उच्च बनाई दिनुभएकाेमा धन्यवाद समेत व्यक्त गर्नुभएकाे थियाे । साे भेटमा एनआरएनए (NRNA) का काेषाध्यक्ष अतिस श्रेष्ठ, थाई नेपाली संघ (TNA) महासचिव  दिपक पराजुली लगाएतकाे विशिष्ट व्यक्तिहरुकाे समेत उपस्थिति रहेकाे थियाे । उहाँहरुले आगामी दिनहरुमा नेपाली खेलकुदलाई थप विकास गर्न आबश्यक र सहकार्य गर्ने समेत बताउनुभएकाे थियाे ।



पुरा हेर्नुहोस्

कराते महासंघको नेतृत्वमा राखेप पूर्व सदस्य–सचिव लामा

काठमाडौं । करातेका संस्थापक मध्येका एक युवराज लामाको अध्यक्षतामा नेपाल कराते महासंघ केन्द्रीय कार्यसमितिको तदर्थ समिति बिहीबार गठन गरिएको छ । राष्ट्रिय खेलकुद परिषद् (राखेप) का पूर्व सदस्य–सचिव समेत रहेका लामाको अध्यक्षतामा २१ सदस्यीय केन्द्रीय कार्य समिति गठन गरिएको हो ।

अघिल्लो तर्दथ समितिमा कार्यावाहक अध्यक्षको जिम्मेवारीमा रहेका दावा गुरुङ सह–अध्यक्ष बने । उपाध्यक्ष्मा पुरेन्द्रविक्रम लाखे, महासचिवमा हरिशरण केसी, सह–महासचिवमा ओमकृष्ण प्रसाईं, सचिवमा श्याम शेर्पा र विआर मित्र तथा कोषाध्यक्षमा सानुलाल श्रेष्ठ रहेका छन् ।

सदस्यमा राजेन्द्र बराल, देव लामा, मजेन्द्र सिंह, नारायणबहादुर मगर, यादव काफ्ले, ध्वजमान मोक्तान, निवासगोपाल वैद्य, ध्रुवविक्रम मल्ल, तारा वली, दुर्गागोतम परियार, रवि महर्जन, डोल्मा लामा शाह र किशोरप्रसाद भट्टराई रहेका छन् ।

उनीहरुलाई राखेपका सदस्य–सचिव टंकलाल घिसिङले बिहीबारै एक कार्यक्रमबीच मनोनयन पत्र हस्तान्तरण गरे ।

महासंघले ३ महिना भित्र विधान मस्यौदा तयार गरी राखेपबाट स्वीकृत गराइ साधारण सभा तथा निर्वाचन गर्नु पर्ने छ । अघिल्लो तदर्थ समितिका अध्यक्ष शम्भु आचार्यलाई २०७५ फागुन १४ गते ३ महिना भित्र महासंघको विधान संशोधन गरी निर्वाचन गर्ने गरी तदर्थ समिति गठन गरिएकोमा जिम्मेवारी प्रदान गरिएको ४ वर्षसम्म उक्त समितिले महासंघको विधान संशोधन तथा निर्वाचन समेत गर्न सकेको थिएन ।

कार्यक्रमलाई सम्बोधन गर्दै सदस्य–सचिव घिसिङले ऐतिहासिक आवश्यकताका हिसाबले लामालाई अध्यक्षको जिम्मेवारी दिइएको बताउदै गौरवपूर्ण इतिहास बोकेको कारतेलाई गति दिनु पर्नेमा जोड दिए ।

अध्यक्ष लामाले संस्था र खेलाडीको हितलाई ध्यानमा राखेर अगाडि बढ्ने प्रतिबद्धता व्यक्त गर्दै परिषद्ले दिएको ३ महिना भन्दा धेरै अगाडि निर्विवाद रुपमा चुनाव सम्पन्न गर्ने वाचा पनि गरे । उनले आस्था र फरक स्टायलका कराते कसैलाई पनि निषेध नगर्ने बताउदै कार्यसमितिका प्रत्येकले काम गर्ने अवसर प्राप्त गर्ने बताए ।

सह–अध्यक्ष गुरुङले सम्बन्धित विज्ञले सम्बन्धित संस्थाको नेतृत्व गरे मात्र संस्थाको विकास हुने मान्यतालाई आत्मासात् गरी अध्यक्ष हुँदा हुँदै पनि स्थायित्वका लागि खुशी साथ अध्यक्षको पद छाडेको बताए । उनले अनेक बहानामा खेल संस्थालाई बन्धक बनाउन नहुने विचार व्यक्त गरे ।



पुरा हेर्नुहोस्


राधाकृष्ण खानेपानी संस्थाद्वारा पुर्व प्रदेश सभा सदस्य पाैडेल सम्मानित

ललितपुर । राधाकृष्ण खानेपानी तथा सरसफाई उपभोक्ता समिति महालक्ष्मी -५ टिकाथली ललितपुरद्वारा पुर्व बागमती प्रदेश सभा सदस्य तथा बागमती प्रदेश सभा संसदीय मामिला समिति सभापति माननीय माधव प्रसाद पाैडेल सम्मानित भएका छन् । उनले खानेपानी समस्या समाधानकाे लागी संस्थालाई स्थापनाकाल देखि नै अतुलनीय याेगदान गरेका कारण संस्थाले उच्च कदर गर्दै सम्मान पत्रद्वारा सम्मान गरेकाे हाे ।

महालक्ष्मी -५ साविक टिकाथली वडा नम्बर ४ र ५ मा अनाैपचारिक रुपमा विगत १० वर्ष अघिदेखि  खानेपानीकाे समस्या समाधान गर्न मेहनतरत संस्था राधाकृष्ण खानेपानी तथा सरसफाई उपभोक्ता समितिकाे छैटौं वार्षिक साधरण सभामा पुर्व प्रदेश सांसद माधव प्रसाद पाैडेल सम्मानित भएकाे हाे । 

सम्मानित भएका पाैडेलले राधाकृष्ण खानेपानी तथा सरसफाई उपभोक्ता समितिकाे याेजना अन्तरर्गतकाे चारलाख पचास हजार लिटर क्षमताकाे ओभरहेड ट्याङ्की, १८ किलोमिटर अन्डरग्राउण्ड पाईपलाईन बिस्तार, फिल्टर प्लान, १३ सय घर धुरीमा डिजिटल मिटर जडान गर्ने लगाएतकाे कार्यहरुकाे लागि आबश्यक बजेटकाे लागि पहल गर्दै करिब १३ कराेड बजेट निकासा गराउन महत्त्वपूर्ण पहल कदमी गरेकाले उनी सम्मानित भएका हुन् । 

राधाकृष्ण खानेपानी तथा सरसफाई उपभोक्ता समितिका अध्यक्ष सुमन कुमार केसीकाे अध्यक्षता तथा प्रदेश सभा सदस्य माननीय रामेश्वर श्रेष्ठकाे प्रमुख आतिथ्यतामा सम्पन्न छैटौं वार्षिक साधरण सभामा माेतेश्वर समाजका अध्यक्ष माेहन खत्री, त्रिपुरा संगम समाजका अध्यक्ष अर्जुन बहादुर केसी, संस्थापक अध्यक्ष सानुभाई सुवेदी, नेपाल सरकारका पुर्व सचिव अनुपराज उपाध्याय, निवर्तमान वडा अध्यक्ष राजकुमार सिलवाल, संस्थाका निवर्तमान उपाध्यक्ष भैरव केसी लगाएतलाई संस्थामा महत्वपुर्ण याेगदान पुराए बापत संस्थाले सम्मान गरेकाे सचिव महेशवर घिमिरेले जानकारी दिएका छन् ।

राधाकृष्ण खानेपानी संस्थाले हाल तेह्र सय घरधुरीलाई पानी बितरण गरेकाे छ । संस्थामा कुल बचत एककराेड नाैँ लाख बचत रहेकाे छ भने कार्यालय र नियमित खानेपानी संचालनका लागि सात जना कर्मचारी रहेका छन् ।

पुरा हेर्नुहोस्


विश्व बक्सिङ संघ (आइबा) काे अध्यक्षमा उमार क्रेकलेभलाई निरन्तरता

काठमाडौं । अन्तर्राष्ट्रिय बक्सिङ संघ (आइबा)को अध्यक्षमा पुनः उमर क्रमलेभले नै निरन्तरता पाएका छन् । यसअघि मे १३–१४ मा टर्कीको इस्तानबुलमा सम्बन्न आइबाको विशेष साधारण सभाबाट उमार अध्यक्ष पदमा चुनिएका थिए ।

तर, अध्यक्षका अर्का प्रत्यासी वोरिश मान डी भोसेले स्वीटजरल्यान्डको खेलकुद सम्बन्धी अदालतमा उजुरी हालेसँगै पुनः निर्वाचन गर्न आदेश आएको थियो । सोही अनुसार अर्मेनियाको राजधानी येरेभानमा आइतबार भएको विशेष साधारण सभामा पुनः निर्वाचन गर्नु पर्दैन भन्ने पक्षमा बहुमत आएपछि उमारले नै निरन्तरता पाएका हुन् ।

भौतिक रुपमा उपस्थित ९९ र अनलाइनबाट सहभागी भएका ५६ सदस्य राष्ट्रका प्रतिनिधिबीच फेरि चुनाव गर्ने किन नगर्ने भन्ने पक्षमा मतदान भएको थियो । उक्त निर्वाचनमा १ सय ६ राष्ट्रले पर्दैन, ३८ वटाले फेरि गर्नुपर्छ र चार मुलुकले तटस्थ बस्ने पक्षमा मतदान गरे । बाँकी सात मत बदर भएको थियो ।

करिब ७५ प्रतिशत सदस्यबाट विश्वासको मत पाएसँगै उमारले नै आइबाको आगामी चार वर्षको बागडोर सम्हाल्ने भएका छन् ।

पुरा हेर्नुहोस्


कुनै एकदिन कुनै पुस्ताले सानुकान्छा श्रेष्ठको योगदानको इतिहास खोजी गर्नेछ ।

समाजसेवी क.सानुकान्छा श्रेष्ठ 

✍️ अनुराग अरुण 

२०५२ सालमा लुभुमा खानेपानीको साह्रै समस्या थियो । बिहान टोल टोलमा रहेको सार्वजनिक धारामा एक दुई घण्टा पानी आउँथ्यो । टोलभरिका महिलाहरु गाग्री लाइनमा लश्करै राखेर आफ्नो पालो अनुसार पानी थाप्थे । कुनैबेला पानीको लागि टोल टोलमा महिलाहरु आपसमै झगडा गरिरहेको दृश्य यदाकदा देखिन पाईन्थ्यो । कुनै टोलमा टोकन अनुसार पालैपाला पानी थाप्थे । कुनै बेला चार पाँच दिन धाराबाट पानी आउँथेन । तब मान्छेहरु साइकल, गाडी र मोटरसाइकलमा पानी राख्ने ग्यालेन लिएर लामाटार ढुगिंनसम्म पानी लिन जान्थे ।

त्यतिबेला लुभुबासीहरु नुहाउन र लुगा धुन इनारको पानी र गोदावरी खोलाको पानी प्रयोग गर्थे । चैत्र बैसाखको गर्मीमा इनारमा पानी पनि उतिसारो हुन्थिएन । नुहाउन र लुगा धुने झन समस्या थियो । एक एक थोपा पानीको अति नै अमुल्य महत्व थियो ।

तर आज अधिकांश लुभुबासीहरुको घर घरमा खानेपानीको धारा जडान भएको छ । बिहान बेलुका धारामा पानी आइरहन्छ । अब पहिले जस्तो नुहाउन, लुगाधुन र पिउन पानीको कुनै समस्था छैन । पहिले जस्तो टोल टोलमा खानेपानीको लागि झगडा गरिरहनुपर्ने अब अवस्था छैन । 

जब म पानी पिउँछु । पिउने पानीको गिलासमा क.सानुकान्छा श्रेष्ठको पसिनाले लतपतिएको अनुहार झल्झल देख्छु । यिनैको भगिरथ त्याग, तपश्या र अथक प्रयासले आज लुभुभरिमा खानेपानीको सर्व सुलभता भएको छ । अहिले लुभु खानेपानीको सञ्चालक समितिमा सबै पार्टीका मान्छेहरु सञ्चालक हुनुहुन्छ । उहाँहरु सबैलाई यो कुरा विदितै छ, लुभुमा खानेपानीको लागि सानुकान्छा श्रेष्ठले के कति गरे ? सधैं दिन रात आफै खटेका छन् । यति मात्र होइन, खानेपानीलाई आफ्नो करौडौं मुल्यपर्ने जग्गा समेत दिएका छन् ।

दु:ख लाग्छ, हामी कुनै अमुक दलका कार्यकर्ता वा मतदाता त भयौं । तर हामीमा राजनीतिको उच्च सभ्य संस्कार भएन । चेतना आएन । मलाई लाग्छ, आज नभए भोलि कुनै न कुनै एकदिन कुनै पुस्ताले क.सानुकान्छा श्रेष्ठको यो योगदानको इतिहास खोजी गर्नेछ, र त्यसको निष्पक्ष मुल्याकंन अवस्य गर्नेछ ।

पुरा हेर्नुहोस्