मुख्य पृष्ठ हटलाइन समाचार शिक्षा / स्वास्थ्य राजनिती खेलकुद समाज अपराध अर्थ / व्यापार अन्तराष्ट्रिय भिडियो लेख तथा रचना

खेलकुद


काठमाडौं । राष्ट्रिय खेलकुद परिषद् (राखेप) का संरक्षक प्रधानमन्त्री पुष्पकमल दाहाल ‘प्रचण्ड’ र राखेपका सदस्य–सचिव टंकलाल घिसिङले वेस्ट इन्डिजमा भइरहेको आईसीसी टी– २० विश्वकप अन्तर्गत नेपाल र दक्षिण अफ्रिकाबीचको खेलसंगै  बसेर हेरिरहेका छन् ।

प्रधानमन्त्री प्रचण्ड र सदस्य–सचिव घिसिङले प्रधानमन्त्री निवास बालुवाटारमा संगै बसेर खेल हेरिरहेका छन् । टस जितेर फिल्डिङ गर्ने निर्णय लिएको नेपालले दक्षिण अफ्रिकालाई मध्यम योगफलमा रोक्न सफल भएको छ ।

दक्षिण अफ्रिकाले निर्धारित २० ओभरमा ७ विकेट गुमाउँदै नेपाल सामू १ सय १६ रनको लक्ष्य प्रस्तुत गरेको छ । नेपालका लागि स्पिनरद्वय कुशल भुर्तेल र दीपेन्द्रसिंग ऐरीले उत्कृष्ट बलिङ गर्दै क्रमशः ४ र ३ विकेट लिए । नेपालले अहिले ब्याटिङ गरिरहेको छ ।

पुरा हेर्नुहोस्

काठमाडौं । नेपाल आईसीसी टी-२० विश्वकप २०२४ मा दक्षिण अफ्रिकासँग १ रनले पराजित भएको छ । योसँगै नेपालको सुपर-८ यात्रा पनि समाप्त भएको छ ।

नेपाललाई जितको लागि अन्तिम ओभरमा ८ रन चाहिएको थियो । गुलशनले तेस्रो बलमा चौको र चौथो बलमा दुई रन बटुलेका थिए ।

दुई बलमा दुई रन चाहिएको थियो । गुलशन झालाई ओटनिल बार्टमानले डट राखे । अन्तिम बल मिस गरेका गुलशन नन स्ट्राइकमा रन आउट भए ।

११६ रनको विजयी लक्ष्य पछ्याएको नेपालले २० ओभरमा ७ विकेट गुमाउँदै ११४ रन बनायो । नेपालका ओपनर आसिफ शेखले ४९ बलमा ४ चौका र १ छक्कासहित सर्वाधिक ४२ रन बनाए । सुरुवातमै कागिसो रबाडाले उनको क्याच १ रनमा छोडेका थिए ।

नेपाललाई ओपनर कुशल भुर्तेल र आसिफ शेखले ७.२ ओभरमा ३४ रनको साझेदारी गर्दै राम्रो सुरुवात दिलाएका थिए । कुशल भुर्तेल २१ बलमा १ चौका र १ छक्कासहित १३ रनमा आउट भए । रोहित पौडेल शून्यमा बोल्ड आउट भए ।

अनिल साह २४ बलमा ३ चौका र १ छक्कासहित २७ रनमा क्याच आउट भए । तेस्रो विकेटका लागि आसिफ र अनिलले ३६ बलमा ५० रनको साझेदारी गरेका थिए । दीपेन्द्र ६ रनमा आउट भए । सोमपाल कामी ८ र गुलशन झाले ६ रन बनाए ।

दक्षिण अफ्रिका तबरेज शाम्सीले ४ ओभरमा १९ रन खर्चेर ४ विकेट लिए ।

त्यसअघि सेन्ट भिन्सेन्टमा टस हारेर पहिला ब्याटिङको निम्तो पाएको दक्षिण अफ्रिकाले २० ओभरमा ७ विकेट गुमाउँदै ११५ रन बनाएको थियो ।

ओपनर रिजा हेन्ड्रिक्सले ४९ बलमा ५ चौका र १ छक्कासहित सर्वाधिक ४३ रन बनाएका थिए । नेपालको उत्कृष्ट स्पिन बलिङ आक्रामण सामु दक्षिण अफ्रिकाका कुनैपनि ब्याटरले राम्रो प्रदर्शन गर्न सकेनन् ।

ओपनर क्विन्टन डि कक १०, एडेन माक्ररम १५, हेनरिक क्लासेन ३, डेविड मिलर ७ र ट्रिस्टन स्टब्सले २७ रन बनाए । नेपालका कुशल भुर्तेलले ४ ओभरमा १९ रन खर्चेर ४ विकेट लिए । दीपेन्द्रसिंह ऐरीले ४ ओभरमा २१ रन खर्चेर ३ विकेट लिए ।

पुरा हेर्नुहोस्

पोखरा । गण्डकी प्रदेशको पोखरामा भएको यू–१५ विद्यालय खेलकुद प्रतियोगितामा बागमती प्रदेश च्याम्पियन बनेको छ । ११ स्वर्ण जित्दै बागमती च्याम्पियन बनेको हो ।

बागमती प्रदेशले प ११ संवरण सहित ६ रजत र सात कांस्य पदक जित्यो । ६ स्वर्ण जित्दै लुम्बिनी दोस्रो भयो । लुम्बिनीले थीन रजत र १० काश्य जित्यो । गण्डकी पाँच स्वर्ण, आठ रजत र सात कांस्य जित्दै तेस्रो र कर्णाली पाँच स्वर्ण, दुई रजत र दुई कांस्य जिते ।

कोशी एक स्वर्ण, सात रजत, आठ काश्य, सुदूरपश्चिम एक स्वर्ण, दुई रजत र पाँच कांस्य र मधेश एक स्वर्ण, दुई रजत र एक काश्य पदक हासिल गर्यो । 

पुरा हेर्नुहोस्

काठमाडौँ : आईसीसी टी-२० विश्वकप २०२४ को समूह चरणमा भएको खेलमा सह-आयोजक अमेरिकाले पाकिस्तानलाई सुपर ओभरमा हराएको छ।

अमेरिकाले पहिलो पटक पाकिस्तानलाई हराएको हो। 

निर्धारित २० ओभरमा दुवै टोलीको स्कोर बराबरी भएपछि खेल सुपर ओभरमा पुग्यो।

पाकिस्तानका मोहम्मद आमिरले बलिङ गरेको सुपर ओभरमा अमेरिकाले १८ रन बनायो। 

पाकिस्तानलाई खेल जित्न १९ रन चाहिएको थियो। तर अमेरिकाका सौरभ नेत्रवालकरले गरेको बलिङमा पाकिस्तानले जम्मा १३ रन मात्र बनाउन सकेपछि अमेरिकाले पाकिस्तानलाई ५ रनको ऐतिहासिक जित हासिल गर्‍यो।

निर्धारित २० ओभरमा १६० रनको लक्ष्य पछ्याएको अमेरिकाले पूरै ओभर खेलेर ३ विकेट गुमाउँदै १५९ रन बनायो र दुवै टोलीको स्कोर बराबर भयो।

अन्तिम ओभरमा अमेरिकालाई जितको लागि ६ बलमा १५ रन चाहिएका वेला पाकिस्तानका तीव्र गतिका बलर ह्यारिस रउफको बलिङमा १४ रन मात्र बनाएपछि खेल बराबर भएको थियो।

अमेरिकाको जितमा कप्तान मोनांक पटेलले ३८ बलमा ७ चौका र १ छक्कासहित सर्वाधिक ५० रन बनाए। ओपनर स्टिभ टेलर १६ बलमा १ चौका हान्दै १२ रन बनाएर आउट भएका थिए। त्यसपछि दोस्रो विकेटका लागि मोनांक र एन्ड्रिस गौसले ४८ बलमा ६८ रनको साझेदारी गर्दै जितको आधार तयार पारे।

गौस २६ बलमा ५ चौका र १ छक्काको सहायताले ३५ रन बनाएर आउट भए। आरोन जोन्सले अविजित रहँदै २६ बलमा २ चौका र २ छक्का हान्दै ३६ रन बनाए भने नितिश कुमारले पनि अविजित रहँदै १४ रन बनाए।

पाकिस्तानका लागि मोहम्मद आमिर, नसिम साह र ह्यारिस रउफले १/१ विकेट लिए।

त्यसअघि ग्राण्ड प्रेअरी क्रिकेट रंगशाला डालसमा टस हारेर पहिला ब्याटिङको निम्तो पाएको पाकिस्तानले निर्धारित २० ओभरमा ७ विकेट गुमाउँदै १५९ रन बनाएको थियो।

कप्तान बाबर आजमले ४३ बलमा ३ चौका र २ छक्कासहित सर्वाधिक ४४ बनाए। स्पिन अलराउण्डर सादाब खानले २५ बलमा १ चौका र ३ छक्कासहित ४० बनाए पनि पाकिस्तानलाई जिताउन सकेन।

शाहीन शाह अफ्रिदीले १६ बलमा १ चौका र २ छक्कासहित २३ रन बनाएर नट आउट रहे। इफ्तिखार अहमद १४ बलमा ३ चौकासहित १८ रन, ह्यारिस रउफले ३ रन, मोहम्मद रिजवानले ९ रन, उस्मान खानले ३ रन र फखर जमानले ११ रन बनाएर आउट भए।

अमेरिकाका नोष्थुश केजिंगेले ४ ओभरमा ३० रन खर्चेर ३ विकेट लिए। सौरभ नेत्रवालकरले ४ ओभरमा १८ रन खर्चेर २ विकेट लिए। अली खान र जसदीप सिंहको नाममा १–१ विकेट रह्यो।

जारी विश्वकपमा आफ्नो पहिलो खेलमा क्यानडालाई ७ विकेटले हराएको अमेरिकाले आफ्नो उच्च लयलाई कायम राखेको छ। विश्वकपमा अमेरिकाका लागि खेलिरहेका अधिकांश खेलाडी बाहिरबाट गएका हुन्। अमेरिकी टिमका अधिकांश विदेशी खेलाडी छन्।

स्टिभन टेलर

संयुक्त राज्य अमेरिका क्रिकेटको वर्तमान पुस्ताका उत्कृष्ट स्वदेशी प्रतिभामध्ये एक हुन् स्टिभन टेलर। पावर-हिटर उनी एसोसिएट राष्ट्रका प्रभावशाली खेलाडीमध्ये एक मानिन्छन्।

सन् १९९३ मा फ्लोरिडामा जन्मिएका उनी उनका पुर्खा जमैकाबाट आप्रवासीका रूपमा अमेरिका आइपुगेको थियो। उनले ९ वर्षको उमेरमा क्रिकेट खेल्न थालेका थिए।

टेलरले नोभेम्बर सन् २००८ मा आफ्नो डेब्यु खेल जमैकाविरुद्ध १६ वर्षको उमेरमा गरे। सन् २०११ मा उनले आयरल्याण्डमा अण्डर-१९ विश्वकप छनोटमा पपुवा न्यूगिनीविरुद्ध १२० बलमा १४० रनको पारी खेलेका थिए। क्यानडाविरुद्ध शुन्यमा आउट भएका उनी पाकिस्तानविरुद्ध १२ रन बनाएर आउट भएका थिए।

मोनांक पटेल 

भारतको गुजरातमा सन् १९९३ मा जन्मिएका पटेल जारी विश्वकपमा अमेरिकाका कप्तान हुन्। राइट ह्याण्ड ब्याटर र विकेटकिपर उनले क्यानडाविरुङ १६ रन बनाएका थिए भने पाकिस्तानविरूद्ध उत्कृष्ट पुनरागमन गर्दै अर्धशतक हाने।

एण्ड्रिस गोस

सन् १९९३ मा दक्षिण अफ्रिकामा जन्मिएका एण्ड्रिस गोस राइट ह्याण्ड ब्याटर र विकेटकिपर हुन्। जारी विश्वकपमा क्यानडाविरुद्ध उनले ६५ रनको शानदार पारी खेले।

दक्षिण अफ्रिकाको अण्डर-१९ मा खेलेका उनले अबुधाबी नाइटराइडर्स, वासिङटन फ्रिडमजस्ता क्लबबाट खेलेका छन्। उनले पाकिस्तानविरुद्ध ३५ रनको योगदान दिए।

आरोन जोन्स

अमेरिकामा जन्मिएका जोन्सले सन् २०१६ मा बार्बाडोसका लागि लिस्ट-एमा डेब्यू गरेका थिए। न्यूयोर्कको क्विन्समा जन्मेका जोन्स टोलीमा डेब्यू गरेको केही समयमा नै राष्ट्रिय टोलीको आधार स्तम्भ बने।

सन् २०१९ मा डब्लुसिएल डिभिजन-२ मा नामिबियाविरुद्ध उनको पहिलो शतकले अमेरिकालाई ओडिआई मान्यता प्राप्त गर्न सफल बनाएको थियो।

सन् २०२४ मा विश्वकपको उद्घाटन खेलमा जोन्सले ४० बलमा अविजित ९४ रन बनाएर अमेरिकालाई क्यानडामाथि शानदार जित दिलाए। उनले पाकिस्तानविरुद्ध ३६ रनको योगदान दिए।

कोरी एण्डरसन

न्युजिल्याण्डका चर्चित क्रिकेटर कोरी एण्डरसनले २९ वर्षको उमेरमै न्युजिल्याण्डका लागि अन्तरराष्ट्रिय क्रिकेटबाट सन्यास लिए। हाल उनी अमेरिकाका लागि अन्तरराष्ट्रिय क्रिकेट खेलिरहेका छन्।

टेस्ट, एकदिवसीय र टी–२० अन्तरराष्ट्रिय गरी ९३ अन्तरराष्ट्रिय खेलमा न्युजिल्याण्डको प्रतिनिधित्व गरेका एण्डरसन टेस्ट र एकदिवसीय करिअरमा १/१ शतक प्रहार गरेका एण्डरसन एकदिवसीय क्रिकेटको त्यही एकमात्र शतकका कारण चर्चित भएका थिए।

सन् २०१४ को जनवरी १ मा वेष्ट इण्डिजविरुद्ध एण्डरसनले क्विन्सटाउनका बनाएको त्यो शतक एकदिवसीय इतिहासकै सबैभन्दा कम बलमा बनेको शतक थियो।

उनले जारी खेलमा क्यानडाविरुद्ध ३ रन बनाए भने ३ ओभर बलिङ गर्दै १ विकेट लिए। पाकिस्तानविरूद्ध एक ओभर बलिङ गर्दै ६ रनमात्र दिए।

अली खान

खान अन्तरराष्ट्रिय क्रिकेटमा धेरै असामान्य उपलब्धि हासिल गर्ने खेलाडी हुन्। पाकिस्तानमा जन्मिएर त्यहीँ हुर्केका उनी १८ वर्षको उमेरमा आफ्ना आमाबाबुसँग अमेरिका गए। ओहायोमा बसोबास गरे।

उनले संयुक्त राज्य अमेरिका वरिपरिका विभिन्न निजी टी-२० क्रिकेट प्रतियोगिताहरूमा नियमित भाग लिए। करिब १३५ किलोमिटर प्रति घण्टाको गतिमा बल स्विङ गर्दा लगातार योर्कर गर्ने उनको क्षमताले उनलाई क्यारेबियन प्रिमियर लिग ड्राफ्ट र पछि गुयाना अमेजन वारियर्समा स्थान दिलायो।

सिपिएल डेब्युमा खानले आफ्नो पहिलो बलमा कुमार संगकारालाई आउट गरेका थिए। लस एन्जलसमा सन् २०१६ मा एण्टी कप र आईसीसी डब्लुसिएल डिभिजन फोरको लागि पहिलो पटक अमेरिकी टोलीमा छनोट भएका थिए।

जारी खेलमा उनले क्यानडाविरुद्ध ४ ओभर बलिङ गर्दै १ विकेट लिए भने पाकिस्तानविरुद्ध पनि १ विकेट लिए।

सौरभ नेत्रवालकर

भारतको मुम्बईमा सन् १९९१ मा जन्मिएका हुन सौरभ। उनी सन् २०१० को यू–१९ विश्वकपमा भारतीय टोलीमा थिए। सन् २०१० को यू–१९ विश्वकपमा पाकिस्तानले क्वार्टरफाइनलमा भारतलाई २ विकेटले हराउँदै सेमिफाइनलमा पुगेको थियो। सौरभले उक्त खेलमा ५ ओभरमा १ मेडनसहित १६ रन खर्चेर १ विकेट लिएका थिए।

सन् २०१३ डिसेम्बरमा मुम्बईबाट उनले कर्नाटकाविरुद्ध रणजी ट्रफीमा डेब्यू गर्दै कुल ३ विकेट लिएका थिए। उनले कम्प्युटर इन्जिनियरिङ पढेका छन्। भारतमा क्रिकेटमा अवसर नपाएवछि कम्प्युटर विज्ञान पढ्न सन् २०१५ मा उनी अमेरिका पुगेका हुन्। अमेरिकामा उनले घरेलु क्रिकेट खेल्न थाले। सन् २०१८ मा उनी पहिलो पटक अमेरिकाको टोलीमा परेका थिए।

जारी खेलमा क्यानडाविरूद्ध कुनै विकेट नलिएका उनले पाकिस्ताविरुद्ध जितका लागि शानदार प्रदर्शन गरे। उनले २ विकेट लिए।

हरमित सिंह

हरमितको जन्म ७ सेप्टेम्बर १९९२ मा मुम्बईमा भएको थियो। उनलाई बाल्यकालदेखि नै क्रिकेटको लगाव थियो।

उनले सन् २००९ मा मुम्बईका लागि पहिलो कक्षामा डेब्यू गरेका थिए। उनले ३१ खेलमा ८७ विकेट लिएका छन् भने ७३३ रन बनाएका छन्। उनले मुम्बईबाहेक त्रिपुराबाट पनि क्रिकेट खेलेका थिए।

विजय हजारे ट्रफी २०१८-१९ मा उनले ८ खेलमा १३ विकेट लिएका थिए। त्यो सिजनमा उनी सर्वाधिक विकेट लिने खेलाडी हुन्। सन् २०१२ मा उनले भारतका लागि अन्डर-१९ विश्वकप खेलेका थिए।

त्यस प्रतियोगितामा ४ खेलमा ६ विकेट लिएका थिए। यसबाहेक उनी आईपीएलमा राजस्थान रोयल्सको पनि हिस्सा भइसकेका छन्।

उन्मुक्त चन्दको कप्तानीमा भारतीय टोलीले सन् २०१२ को अन्डर-१९ विश्वकप जितेको थियो। हरमित यो टोलीमा समावेश थिए। यद्यपि, राम्रो क्रिकेट अवसरको खोजीमा उनी अमेरिका गए जहाँ उनले सानो लिग क्रिकेटमा सियाटलबाट खेल्ने मौका पाए।

उनले जारी खेलमा क्यानडाविरुद्ध ३ ओभरमा १ विकेट लिएका छन्। पाकिस्तानविरुद्ध भने विकेट लिन सकेनन्।

जसदिप सिंह

उनको उत्साहले जेसी सिंहलाई अमेरिकाका लागि मैदानमा मिस गर्न गाह्रो बनाउँछ। न्यूयोर्कमा सन् १९९३ मा जन्मेका जेसीको परिवार उनी ३ वर्षको हुँदा पञ्जाब फर्कियो तर उनी १३ वर्षको भएपछि फेरि न्यु जर्सी फर्किए।

जेसी सन् २०११ मा यू-१९ विश्वकप छनोट टोलीका लागि आयरल्याण्ड भ्रमण गर्ने अन्तिम खेलाडीमध्ये एक थिए। जारी खेलमा उनले क्यानडाविरुद्ध ३ ओभर बलिङ गरे तर कुनै विकेट लिन सकेनन्।

हेडले भ्यान शाल्कविक

हेडले भ्यान शाल्कविक इगल्स र फ्रि स्टेटका बायाँ हाते फास्ट बलर हुन्। साउथ अफ्रिकाको केप टाउनमा सन् १९८८ मा जन्मिएका उनी सन् २००६ मा पाकिस्तान भ्रमणमा पुग्दा क्रिकेटप्रति मोहित भएका थिए।

उनी दक्षिण अफ्रिकी एकेडेमीमा भर्ना गरियो। उनले फेब्रुअरी २००८ मा पश्चिमी प्रान्तका लागि आफ्नो लिस्ट ए डेब्यू गरेका थिए। पछि उनी अमेरिका पुगे। अहिले उनले अमेरिकामा राष्ट्रिय क्रिकेट खेलिरहेका छन्। जारी खेलमा क्यानडाविरुद्ध ३ ओभरको बलिङमा ३४ रन दिए।

नोस्थुस केन्जिगे

जारी विश्वकपमा पाकिस्तानलाई पराजित गर्न महत्वपूर्ण भूमिका खेल्ने खेलाडी हुन् नोस्थुस केन्जिगे। ३ ओभर बलिङ गरेर उनी पाकिस्तानका ३ विकेट लिन सफल भए। 

सन् १९९१ मा अमेरिकाको अलबामामा जन्मिएका उनले सन् २०१७ मा युगान्डामा भएको आईसीसी विश्व क्रिकेट लिग डिभिजन-३ मा अमेरिकी राष्ट्रिय टोलीको लागि डेब्यु गरेका थिए। उनी बायाँ हाते ब्याट्सम्यान र बलर हुन्।

नितिस कुमार

क्यानडाको ओन्टारियोमा सन् १९९४ मा जन्मिएका कुमारले पाकिस्तानविरुद्ध १४ रनको योगदान गरे। सन् २०१० को अन्डर-१९ विश्वकप छनोटमा क्यानडाले खेलेका ८ खेलमध्ये एउटाबाहेक सबै खेले।

उनी अगस्ट २००९ मा केन्याविरुद्ध आईसीसी इन्टरकन्टिनेन्टल कप फिक्स्चरमा खेल्दा क्यानडाका लागि प्रथम श्रेणी खेलमा डेब्यु गर्ने सबैभन्दा कान्छो खेलाडी बने।

फेब्रुअरी २०१० मा १५ वर्ष २७३ दिनको उमेरमा ओडीआई खेल्ने दोस्रो कान्छो खेलाडी बने। पछि उनी संयुक्त राज्य अमेरिका पुगे। अहिले अमेरिकाको राष्ट्रिय टोलीबाट खेलिरहेका छन्।

निसर्ग पटेल

पटेल सन् १९८८ मा भारतको गुजरातमा जन्मिएका हुन्। सन् २००३ मा अमेरिका जानुअघि उनले भारतमा पढेका थिए। पटेलले औषधि विज्ञानमा स्नातकोत्तर गरेका छन्। इङल्याण्ड पनि पुगेका उनी अन्ततः अमेरिकाको अन्डर-१९ मा समावेश भएका थिए।

 सन् २०१९ मा टी-२० आई खेल्न शुरू गरेका पटेलले २१ खेलमा ११५ रन र २७ विकेट लिएका छन्।

मिलिन्द कुमार

कुमार सन् १९९१ मा दिल्लीमा जन्मिएका हुन्। उनले दिल्ली र सिक्किमका लागि घरेलु क्रिकेट खेलेका छन्। दायाँ हाते ब्याट्सम्यान उनी कहिलेकाहीँ अफब्रेक बलिङ पनि गर्छन्।

उनले अमेरिकाका लागि ७ अप्रिल २०२४ मा क्यानडाविरुद्ध टी-२० आईमा डेब्यु गरेका थिए।

शायन जहाँगिर

शायन पाकिस्तानमा जन्मिएका अमेरिकी खेलाडी हुन्। सन् १९९४ मा कराँचीमा जन्मिएका उनी दायाँ हाते ब्याट्सम्यान र विकेटकिपर हुन्। उनले पाकिस्तान इन्टरनेशनल एयरलाइन्सका लागि २०१४-१५ कायद-ए-आजम ट्रफीका लागि खेलेका थिए।

सन् २०२० मा क्यारेबियन प्रिमियर लिगको लागि बार्बाडोस ट्राइडेन्ट्सको टोलीमा नाम दिइएको थियो। उनले सीपीएलमा बार्बाडोस ट्राइडेन्ट्सको लागि ५ सेप्टेम्बर २०२० मा टी-२० करियर डेब्यू गरेका थिए।

एजेन्सीको सहयोगमा

 

पुरा हेर्नुहोस्

क्रिकेटर सन्दीप लामिछानेले आइसिसी टी–२० विश्वकपका दुई खेल खेल्ने नेपाल क्रिकेट संघ (क्यान)ले जनाएको छ । 

क्यानका सचिव पारस खड्काले विज्ञप्ती निकाल्दै सन्दीपले विश्वकपअन्तर्गत दक्षिण अफ्रिका र बंगलादेशविरुद्ध खेल खेल्ने पक्का भएको जनाएका हुन् । 

नेपालले आगामी शनिबार दक्षिण अफ्रिका र सोमबार बंगलादेशको सामना गर्नेछ । त्यसअघि बुधबार बिहान श्रीलंकासँग हुने खेलका लागि सन्दीप टोलीमा हुने छैनन् । अमेरिकाले भिषा नदिएपछि उनी दुई खेलमा उपस्थित हुन पाएनन् ।  

क्यानका अनुसार सन्दीप नेपाली राष्ट्रिय क्रिकेट टोलीमा समावेश हुने छन् । उच्च अदालत पाटनले गत मे १५ मा बलात्कार मुद्धामा सफाइ दिएसँगै सन्दीपलाई टोलीमा समावेश गरेको थियो । सन्दीपलाई समावेश गर्दै युवा बलर प्रतिश जिसीलाई ट्राभलिङ रिजर्भमा राख्ने निर्णय गरेको सचिव खड्काले जनाएका छन् ।

पुरा हेर्नुहोस्

काठमाडौं । ई-स्पोर्ट्स संघ नेपालको आयोजनामा ई-स्पोर्ट्सको राष्ट्रिय च्याम्पियनशिप असारको दोस्रो साता कर्णाली प्रदेशको सुर्खेतमा आयोजना हुने भएको छ ।

संघले शुक्रबार पत्रकार सम्मेलन गर्दै ई स्पोर्ट्सको राष्ट्रिय च्याम्पियनसिप आगामी असार १४ र १५ गते सुर्खेतमा आयोजना हुने जानकारी गराएको हो ।

ई स्पोर्ट्सको राष्ट्रिय च्याम्पियनसिपमा पब्जी मोबाईल, मोबाईल लिजेण्ड्स र ई फुटबल गरी तीन विधाका खेललाई समावेश गरिएको संघका अध्यक्ष अन्जन धमलाले जानकारी दिए ।

पब्जी मोबाईलको छनोट अनलाईनमार्फत हुने र अन्तिम १६ को फाइनल राउण्ड भौतिक रुपमा गरिने संघले जनाएको छ । मोबाईल लिजेण्डका सम्पूर्ण खेल अनलाईन र ई फुटबलको प्रारम्भिक छनोट अनलाईन र सेमिफाइनल र फाइनल प्रतिस्पर्धा भौतिक रुपमा सञ्चालन गरिनेछ ।

संघका अध्यक्ष अन्जन धमलाले नेपालमा बढ्दो लोकप्रियता, अन्तराष्ट्रिय सम्भावना र लगानीको प्रतिफलका हिसाबले तीन खेललाई प्राथमिकतामा राखेर राष्ट्रिय च्याम्पियनसिपमा समावेश गरिएको जानकारी दिए । बाँकी विधाहरु पनि आगामी दिनमा समेटिने उनले बताए ।

प्रतियोगिताको प्राईज पुल १२ लाख रुपैयाँ रहेको छ । प्राईज पुलको ७० प्रतिशत पुरस्कार पब्जी मोबाईलमा, २० प्रतिशत पुरस्कार एमएलबीबी र १० प्रतिशत पुरस्कार ई फुटबलमा बाँडिने संघले जनाएको छ । तीन वटै खेल विधाका विजेताले आसन्न एसियन ई स्पोर्ट्स च्याम्पियनसिपको नेपाल छनोटको फाइनल चरणमा स्थान सुरक्षित गर्ने संघ अध्यक्ष धमलाले जानकारी दिए ।

टिम दर्ता शुक्रबारबाटै खुल्ला गरिएको छ भने प्रतियोगितामा प्रदेश र क्लब गरि तीन सय बढी टिमले छनोट चरणबाट भाग लिने संघले जनाएको छ । संघको वेव साईटमा गएर टिम दर्ता गर्न सकिने र भौतिक रुपमा समेत टिम दर्ताको सुविधा राखिएको संघका सचिव आशिष दाहालले बताए ।

अनलाईन छनोट असार ४ देखि १० गतेसम्म र भौतिक रुपमा अन्तिम चरणका खेल असार १४ र १५ गते सुर्खेतमा हुनेछ । प्रतियोगितामा १६ वर्षमाथिका खेलाडीले मात्र सहभागीता जनाउन पाउनेछन् ।

संघका अध्यक्ष अन्जन धमलाले आधुनिक खेल विधाको रुपमा अन्तराष्ट्रिय रुपमा उदाएको ई स्पोर्ट्सलाई विश्व जगतमा प्रतिस्पर्धात्मक खेलको रुपमा विकास गर्ने लक्ष्य सहित आफुहरु अघि बढेको जानकारी गराएका थिए ।

चीनमा भएको १९औं एसियाडमा नेपालले पनि इस्पोर्ट्समा सहभागिता जनाएको थियो । अध्यक्ष धमलाले यसअघि इस्पोर्ट्सको संघ दर्ता नभएको र अहिले राखेप अन्तर्गत नै संघ दर्ता गठन भएको जानकारी दिए । उनले अब अन्तर्राष्ट्रिय आबद्धताका लागि पनि पत्राचार गरेर अघि बढ्ने जानकारी दिए ।

पुरा हेर्नुहोस्

जेठ २२ –  दस वर्षपछि नेपालले आइसीसी टी-२० विश्वकपमा आज पहिलो खेल खेल्दैछ। नेपालले राति ९:१५ मा नेदरल्यान्ड्सविरुद्ध पहिलो खेल खेल्न लागेको हो। टीभी नहुनेले वा इन्टरनेटबाट कसरी नेपालको खेल हेर्न सकिन्छ भन्ने आम चासो रहेको छ। नेपालको खेल इन्टरनेटको विभिन्न माध्यमबाट हेर्न सकिन्छ। सबैभन्दा भरपर्दो माध्यम भनेको आइसीसी टिभी हो।

आयोजक आइसीसीले आफ्नो वेवसाइट र मोबाइल एपबाट विश्वकपको खेल लाइभ स्ट्रिमिङ गर्दै आएको छ। नेपालको खेल पनि आइसीसीको वेवसाइट वा मोबाइल एपबाट हेर्न सकिन्छ।

स्मार्टफोन वा ल्यापटपमा विश्वकप लाइभ हेर्ने तरिका

सबैभन्दा पहिले यहाँ क्लिक गरेर आईसीसीको एप इन्स्टल गर्नुहोस् । (तपाईंसँग एन्ड्रोइड वा आईओएस जुन डिभाइस भए पनि यो क्लिक गर्दा सम्बन्धित एप स्टोरमा पुग्नु हुनेछ, यदि कम्युटर वा ल्यापटपबाट हो भने आईसीसीको वेब पेज खुल्नेछ ।)

त्यसपछि एप खोल्नुहोस् अनि होमपेजमा जानुहोस् र त्यहाँ देखिएको नेक्स्टको बटनमा ट्याप गर्नुहोस् । (वा सोझै माथि दायाँपट्टि रहेको स्किपको बटनमा ट्याप गर्नुहोस् ।)

पहिला जसरी नै अरू नेक्स्टको बटन ट्याप गर्दै जानुहोस् । र, अन्तिममा देखिने ‘साइन इन अर रजिस्टर’ (Sign in or Register) बटनमा ट्याप गर्नुहोस् । आवश्यक विवरण राखेर अकाउन्ट खोल्नुहोस् ।

यति गरेपछि लगइन पेज खुल्छ । यदि तपाईंसँग पहिले नै अकाउन्ट छ भने सोझै ईमेल एड्रेस र पासवर्ड राख्नुहोस् ।  यदि फेसबुक वा गुगल अकाउन्टबाट खोल्नु भएको छ भने तलपट्टि देखिएका फेसबुक र गुगलको अप्सनमा ट्याप गर्नुहोस् ।

.फेसबुक वा गुगल अकाउन्टको अप्सन छान्दा तपाईंले पहिला जुन अकाउन्ट प्रयोग गर्नुभएको थियो त्यही अकाउन्ट छान्नुहोस् । त्यसपछि उक्त पेजको होमपेज खुल्छ ।

 

 

पुरा हेर्नुहोस्

काठमाडौं । नेपाली राष्ट्रिय क्रिकेट खेलाडी सोमपाल कामी दुई विश्वकप खेल्ने पहिलो नेपाली खेलाडी बन्ने भएका छन् ।

यसअघि सन् २०१४ मा बंगलादेशमा सम्पन्न टी-२० विश्वकपमा सोमपालले नेपालको प्रतिनिधित्व गरेका थिए। त्यसबेला उनले उत्कृष्ट प्रदर्शन गरेका थिए ।

सोमपालले हालसम्म नेपालका लागि ५४ एकदिवसीय र ६५ टी-२० अन्तर्राष्ट्रिय खेल खेलिसकेका छन्। उनले एकदिवसीय खेलमा ७१ विकेट र टी-२० मा ५८ विकेट लिएका छन् भने ३१५ रन जोडेका छन् । सोमपालकाे ब्याटिङ स्ट्राइक रेट ११५.३८ रहेको छ ।

सन् २०१४ को जनवरीमा यूएईविरुद्ध डेब्यू गरेका सोमपालले सोही वर्ष बंगलादेशमा आयोजित विश्वकपमा टि–२० अन्तर्राष्ट्रिय खेलमा हङकङविरुद्ध डेब्यु गरेका थिए । उनले उक्त खेलमा ४ विकेट लिएका थिए ।

नेपालले इतिहासमै दोस्रो पटक टी-२० विश्वकप खेल्दैछ । सोमपाल र नेपालले दोस्रो पटक विश्वकप खेल्दा समूह ‘डी’ मा दक्षिण अफ्रिका, श्रीलंका, बंगलादेश र नेदरल्यान्ड्ससँग प्रतिस्पर्धा हुनेछ।

पुरा हेर्नुहोस्

काठमाडौँ । युवा तथा खेलकुद मन्त्रालयले टी-२० विश्वकप क्रिकेट प्रतियोगिताको प्रत्यक्ष प्रसारण गर्न देशभरका स्थानीय तहलाई पत्राचार गरेको छ ।

अमेरिकामा जारी टी-२० विश्वकप अन्तर्गत नेपाली टोलीले प्रतिस्पर्धा गर्ने प्रत्येक खेलको प्रत्यक्ष प्रसारण गर्न मन्त्रालयले देशभरका स्थानीय तहलाई पत्राचार गरेको हो ।

सम्बन्धित स्थानीय तहमा उपलब्ध स्रोत र साधनमार्फत उपयुक्त स्थानमा नेपाली टोलीले प्रतिस्पर्धा गर्ने खेलको प्रत्यक्ष प्रसारण गरी खेलाडीको हौसला बढाउनु पर्ने मन्त्रालयको जोड छ ।

नवौँ संस्करणको आईसीसी टी-२० विश्वकपमा समुह डी अन्तर्गत नेपाल र नेदरल्याण्डसबीच आज भिडन्त हुने भएको छ । नेपाल र नेदरल्यान्ड्सविरुद्धको खेल डालासको ग्रान्ड प्रेरी क्रिकेट रङ्गशालामा नेपाली समय अनुसार राति सवा ९ बजे सुरु हुनेछ । एक दशकपछि नेपाल टी-२० विश्वकप खेल्न लागेको हो ।

पुरा हेर्नुहोस्

काठमाडौं । प्रकाश श्रेष्ठकाे अध्यक्षतामा बागमती प्रदेश स्केटिङ तथा स्केटबाेडिङ संघ गठन भएकाे छ ।

प्रदेश खेलकुद विकास परिषद् , बागमती प्रदेशका सदस्यल सचिव सुर्यलाल भण्डारीकाे प्रमुख आतिथ्यतामा सम्पन्न प्रथम साधारण सभाले सर्वसम्मत प्रकाश श्रेष्ठकाे अध्यक्षतामा १९ सदस्यीय कार्य समिति चयन गरेकाे थियाे । 

प्रथम साधारण सभामा केन्द्रीय संघका अध्यक्ष अच्युत खनाल , बागमती प्रदेशका बाेर्ड सदस्य धनकुमार मैनाली लगाएतकाे ब्यक्तिहरुकाे उपस्थितिमा पाटन क्याम्पसकाे सभा कक्षमा सम्पन्न भएकाे थियाे । स्केटिङ तथा स्केटबाेडिङ खेल राष्ट्रिय खेलकुद परिषद्मा सहासिक तथा पर्यटकिय खेल अन्तर्गत दर्ता रहेकाे छ ।

कार्यसमिति 
१.अध्यक्ष -प्रकाश श्रेष्ठ 
२.ब.उपाध्यक्ष -सुमन घिमिरे 
३.उपाध्यक्ष - सुमन कट्टेल
४.उपाध्यक्ष -संन्ताेष सापकाेटा 
५.उपाध्यक्ष -विकास लामा
६.महासचिव - साजन देउजा
७.सचिव-बिमल कार्की 
८.सह-सचिव-माईकल प्रजा
९.काेषाध्यक्ष-अनिस बानिया 
१०.सदस्य -बिजाेद महर्जन 
११.सदस्य-सन्दिप भट्टराई 
१२.सदस्य-राम दाहाल
१३.सदस्य-सम्मान याेन्जन
१४.सदस्य-रिम्प रसायली
१५.सदस्य-आरति लामा
१६.सदस्य-बिभुशा बजगाई
१७.सदस्य-शंकर तिवारी
१८.सदस्य -बिपिन कुईकेल
१९. सदस्य- सफल तामाङ

पुरा हेर्नुहोस्

काठमाडौं । नेपाली मुक्केबाज अन्जनी तेलि बक्सिङ राेड टु पेरीस भन्ने मुल नाराका साथ मित्र राष्ट्र थाईल्याण्डकाे राजधानी बैंककमा जारी दाेस्राे तथा अन्तिम ओलम्पिक क्वालिफाइन खेलमा पराजित भएकीछिन् । 

महिला ५४ के.जी. ताैल समूह अन्तर्गत प्रारम्भिक - राउन्ड ३२ मा हङ्कङ्की मुक्केबाज अउ यिन विनीलाई ५:० अंककाे आधारमा पराजित गरी राउन्ड १६ काे  खेल खेलेका तेली मोन्टेनेग्रोकी मुक्केबाज बोजाना गोजकोभिकसंग २७-३० अंककाे आधारमा पराजित भएकीहुन् ।

नेपाली मुक्केबाज अन्जनी तेली गत वर्ष मित्र राष्ट्र भारतमा सम्पन्न आईबिए विश्व बक्सिङमा ५४ केजी ताैल समुहमा दुई बाउट जित्दै आईबीए महिला विश्व बक्सिङ च्याम्पियनसिपको क्वाटरफाइनलमा पुगेकी बक्सर हुन् उनी विश्व बक्सिङ च्याम्पियनसिपमा नेपालको पहिलो क्वाटरफाइनलमा पुग्ने खेलाडी हुन् ।

तेली गतवर्ष सम्पन्न वीर गणेशमान सिंह राष्ट्रिय बक्सिङ प्रतियोगिता र बागमती प्रदेशकाे आयाेजनामा चितवन भरतपुरमा सम्पन्न अन्तरप्रदेश राष्ट्रिय बक्सिङ प्रतियोगितामा प्रथम हुन सफल भएकी थिईन् । साेहि आधारमा उनी उक्त ओलम्पिक क्वालिफाईन छनाेट प्रतियोगितामा नेपाल बक्सिङ महासंघले छनाेट गरेकाे महासंघका महासचिव मान बहादुर भण्डारीले बताएकाछन् ।

नेपाली मुक्केबाज तेलीलाई पराजित गर्दै राउन्ड ८ मा पुग्न सफल मोन्टेनेग्रोकी मुक्केबाज बोजाना गोजकोभिक जुनियर र युथ युराेपियन बक्सिङ च्याम्पियनसिपमा ४ पटक च्याम्पियन बनेकी थिईन भने २०२२ मा सम्पन्न युरोपेली महिला बक्सिङ च्याम्पियनसिपमा  उपबिजेता बनेकि थिईन ।

 

पुरा हेर्नुहोस्

आईबीएका अध्यक्ष उमर क्रेमलेभले ओलम्पिक स्वर्ण पदक विजेताहरू आईबीए च्याम्पियन्स नाइट इभेन्टहरूमा च्याम्पियनहरूको उपाधिका लागि लड्न योग्य हुने बताए । 

'ओलम्पिकले IBA विश्व च्याम्पियन उपाधिका लागि प्रतिस्पर्धा गर्ने अधिकार प्राप्त गर्ने फाइनलका लागि छनोट राउण्डको रूपमा काम गर्नेछ, जसमा १३ मुख्य तौल समूहका लागि $१३,०००,००० भन्दा बढीको पुरस्कार कोष छ, जसमध्ये ७ पुरुष र ६ महिला छन्,' अध्यक्ष दावी गरे ।

अन्तर्राष्ट्रिय बक्सिङ संघ (आईबीए) को नेतृत्वले पेरिस २०२४ का सबै ओलम्पिक च्याम्पियन र पदक विजेताहरूलाई छुट्याइएको पुरस्कार राशि प्रदान गर्ने साहसी निर्णय गरेको छ । खेलकुदको इतिहासमा अभूतपूर्व कदमको उद्देश्य एथलीटहरू, प्रशिक्षकहरू र राष्ट्रिय महासंघहरूलाई समर्थन गर्नुका साथै बक्सिङको खेलमा उनीहरूको कडा परिश्रम र समर्पणको आधारमा आफ्ना खेलाडीहरूका लागि उत्कृष्ट समर्थन प्रदान गर्ने IBA को प्रतिबद्धतालाई रेखांकित गर्नु हो ।

‘हामी २०२४ ओलम्पिकमा सहभागी हाम्रा सबै खेलाडीहरूलाई समर्थन गर्छौं, र सम्पूर्ण अन्तर्राष्ट्रिय बक्सिङ समुदायको तर्फबाट, बक्सिङ प्रतियोगितामा पेरिस स्वर्ण पदक जित्नेहरूले $100,000 को पर्याप्त आर्थिक पुरस्कार प्राप्त गर्ने घोषणा गर्न पाउँदा म अत्यन्तै गौरवान्वित छु। यस रकमबाट, खेलाडीले $ 50,000 प्राप्त गर्नेछन्, उनीहरूको राष्ट्रिय महासंघले $ 25,000 प्राप्त गर्नेछन्, र उनीहरूको प्रशिक्षकले $ 25,000 प्राप्त गर्नेछन्। रजत पदकको लागि, $ 50,000 पुरस्कार राशि प्रदान गरिनेछ, खेलाडीले $ 25,000 प्राप्त गर्नेछ, र बाँकी $ 25,000 कोच र राष्ट्रिय महासंघ बीच समान रूपमा वितरण गरिनेछ। कांस्य पदकको लागि, हामी $25,000 प्रदान गर्नेछौं, जसमध्ये $12,500 खेलाडीलाई जानेछ, र $12,500 फेरि समान रूपमा वितरण गरिनेछ। यसबाहेक, क्वार्टरफाइनलमा हारेका र पाँचौं स्थानमा रहेका खेलाडीहरूले प्रत्येकलाई आईबीएबाट १०,००० डलर प्राप्त गर्नेछन्, जसले १०० भन्दा बढी बक्सरहरूलाई वितरण गरिएको $३.१ मिलियन अमेरिकी डलर बराबरको कुल पुरस्कार रकमको प्रतिबद्धता बनाएको छ,’ आईबीए अध्यक्ष उमर क्रेमलेभले भने।

अध्यक्ष  क्रेमलेभले जारी राखे, ‘हाम्रा खेलाडी र उनीहरुको प्रयासको कदर गर्नुपर्छ। 'आईबीएले अवसरहरू प्रदान गर्दछ र हाम्रा बक्सरहरूमा पर्याप्त लगानी गर्दछ, तिनीहरू केन्द्र बिन्दुको रूपमा रहन्छन्, र हामी तिनीहरूलाई सबै तहमा समर्थन गर्न जारी राख्नेछौं।'

‘एथलीटहरूलाई उनीहरूको ओलम्पिक सफलताको लागि पुरस्कृत गर्ने अग्रगामीहरू मध्येमा भएकोमा हामी गर्व गर्छौं। IBA अध्यक्षको हैसियतमा, म सधैं हाम्रा एथलीटहरूको कल्याणको लागि लड्नेछु, र यो कदम हामीले पहिले नै लिइसकेका विद्यमान प्रतिबद्धताहरूको सन्दर्भमा सुसंगत छ। म पेरिस 2024 बाट नयाँ च्याम्पियन, पदक विजेता र क्वार्टर फाइनललाई सम्मान गर्ने यो अवसरको प्रतीक्षामा छु,' उनले थपे।

IBA ले पेरिसको लागि पुरस्कार रकम घोषणा गर्‍यो यस कदमको आवश्यकतामा धेरै बयानहरू पछि। IBA यस कार्यक्रमको लागि उपलब्ध गराइएका १३ तौल विधाका सबै क्वार्टरफाइनलका लागि मूर्त पुरस्कार प्रदान गर्नमा अग्रपंक्तिमा रहेकोमा गर्व गर्दछ।

क्रिस रोबर्ट्स ओबीई, आईबीए महासचिव र सीईओले भने कि बक्सरहरूलाई समर्थन गर्न यो निर्णय लिइएको हो, 'शब्दहरू होइन, पूर्ण कार्यका साथ।iBA समर्थनको यस क्षेत्रमा टुर डे फोर्सको रूपमा जारी छ, र हामी यस ठाउँमा हाम्रो काम जारी राख्छौं।

‘अन्तर्राष्ट्रिय महासंघले आफ्ना च्याम्पियनहरूसँग कस्तो व्यवहार गर्नुपर्छ भन्नेमा हामी धेरैका लागि स्पष्ट उदाहरण बसाइरहेका छौं। यो वास्तविक कार्यहरूको साथ वास्तविक समर्थन हो, अन्तर्राष्ट्रिय खेल वातावरणमा दुर्लभ भएको कुरा। हाम्रा बक्सरहरूलाई समर्थन गर्ने र उनीहरूको कडा परिश्रम र समर्पणको लागि पुरस्कृत गर्ने यो अवसर पाउँदा हामी प्रमुख खेल बन्न पाउँदा खुसी छौं,' रोबर्ट्स ओबीईले भने।

पेरिस ओलम्पिक पदक विजेताहरूलाई सम्मान गर्न विशेष पुरस्कार समारोह छिट्टै घोषणा गरिनेछ। विजेताहरूलाई सम्बन्धित एन्टी-डोपिङ प्रक्रियाहरू सफलतापूर्वक पारित गरेपछि IBA पुरस्कार राशि प्रदान गरिनेछ।

पुरा हेर्नुहोस्

नेपाली मुक्केबाज अन्जनी तेलिले बैंककमा जारी अन्तर्राष्ट्रिय बक्सिङ छनाेट प्रतियोगितामा जित हासिल गरेकी छिन् ।

बक्सिङ राेड टु पेरीस भन्ने मुल नाराका साथ मित्र राष्ट्र थाईल्याण्डकाे राजधानी बैंककमा जारि दाेस्राे तथा अन्तिम ओलम्पिक क्वालिफाइन खेलमा महिला ५४ के.जी. ताैल समूह अन्तर्गत प्रारम्भिक - राउन्ड 32 मा अन्जनी तेलीले हङ्कङ्की मुक्केबाज अउ यिन विनीलाई ५:० अंककाे आधारमा पराजित गरेकी हुन ।

नेपाली मेक्केबाज अन्जनी तेली गत वर्ष मित्र राष्ट्र भारतमा सम्पन्न आईबिए विश्व बक्सिङमा ५४ केजी ताैल समुहमा दुई बाउट जित्ने नेपाली पहिलाे मुक्केबाज हुन उनी त्रिपुरेश्वर स्थित राष्ट्रिय कभर्डहलमा सम्पन्न वीर गणेशमान सिंह राष्ट्रिय बक्सिङ प्रतियोगिता र बागमती प्रदेशकाे आयाेजनामा चितवन भरतपुरमा सम्पन्न अन्तरप्रदेश राष्ट्रिय बक्सिङ प्रतियोगितामा प्रथम हुन सफल भएकी थिई । साेहि आधारमा उनी उक्त ओलम्पिक क्वालिफाईन छनाेट प्रतियोगितामा नेपाल बक्सिङ महासंघले छनाेट गरेकाे महासंघका महासचिव मान बहादुर भण्डारीले बताएकाछन् ।

महासचिव भण्डारीमा अनुसार अन्जनी तेलिले अब हुने एक बाउट मात्रै जितेपनि पेरिस ओलम्पिकमा छनाेट भै सहभागी हुने नेपाल कै चाैथाे खेलाडी बन्नेछिन । उनी संगै नेपालबाट सहभागी प्रकाश लिम्बू ईजाम (६३.५ केजी) र चन्द्र बहादुर थापा (५१ केजी) राउन्ड ६४ मा उत्कृष्ट खेल प्रदर्शन गर्दै पराजित भएकाछन् । नेपाली बक्सिङ टाेलीकाे नेतृत्व गर्दै पूर्व बक्सिङ मुख्य प्रशिक्षक आठौं साग स्वर्ण धारी प्रकाश थापामगरले प्रशिक्षककाे भुमिकामा टाेलिकाे नेतृत्व गरेकाछन् ।

पुरा हेर्नुहोस्

काठमाडौँ। धाविका सन्तोषी श्रेष्ठले पेरिस ओलम्पिक खेल्ने भएकी छन्।  विश्व एथ्लेटिक्स महासंघ (डब्ल्युए)का अनुसार उनले  युनिभर्सल कोटा (वाईल्ड कार्ड)मार्फत ओलम्पिकमा आफ्नो स्थान पक्का गरेकी हुन्।

ओलम्पिक खेल्ने पक्का भएसँगै ३० वर्षीय सन्तोषीले सक्दो राम्रो प्रदर्शन गर्ने बताइन्। ‘ओलम्पिक खेल्ने सपना पूरा भएकोमा एकदमै खुसी लागेको छ। सक्दो राम्रो गर्ने कोसिस गर्छु,’ उनले खेलपाटीसँग भनिन्।


सन्तोषी १३औँ दक्षिण एशियाली खेलकुद (साग)की स्वर्ण पदक विजेता हुन्। उनले १० हजार मिटर दौड ३५ मिनेट ०७.९४ सेकेन्डको समयमा पार गर्दै ऐतिहासिक स्वर्ण जितेकी थिइन्। 

२६ जुन २०२४ मा उनले बंगबन्धु शेख मुजिव ढाका म्याराथनसमेत स्वर्ण जितेकी थिइन्। उनले दूरी २ घन्टा ४६ मिनेट २२ सेकेन्डमा पूरा गरेकी थिइन्।

पुरा हेर्नुहोस्

काठमाडौँ । बलात्कार मुद्दामा सफाइ पाएसँगै क्रिकेटर सन्दीप लामिछानेलाई टी–२० विश्वकप खेल्न अमेरिका पठाउने विषयमा नेपाल क्रिकेट संघ (क्यान) मा सहमति भएको छ । संघका पदाधिकारीबिच लामिछानेलाई निलम्बन फुकुवा गरी राष्ट्रिय क्रिकेट टोलीमा समावेश गर्ने विषयमा सहमति जुटेको हो ।

संघका एक केन्द्रीय सदस्यका अनुसार पदाधिकारीबिच आजै निलम्बन फुकुवा हुने र  प्राविधिक पाटोहरू मिलाएर सन्दीपलाई अमेरिका पठाउने सहमति भएकाे छ ।

आईसीसी टी–२० विश्वकप क्रिकेटको नवौँ संस्करण आगामी जुन १ देखि २९ तारिखसम्म अमेरिका र वेस्ट इन्डिजमा संयुक्त रुपमा आयोजना हुँदैछ । विश्वकपमा २० टोलीले सहभागिता जनाउँदै छन् ।

नवौँ विश्वकपका लागि टोली घोषणा गर्न अन्तर्राष्ट्रिय क्रिकेट काउन्सिल (आईसीसी) ले मे १ तारिखसम्मको समय दिएको थियो । सोही अनुसार, नेपाल क्रिकेट संघ (क्यान) ले पनि १५ सदस्यीय टोलीको घोषणा गरिसकेको छ ।

घोषित नेपाली टोलीमा रोहितकुमार पौडेल (कप्तान), आसिफ शेख, अनिलकुमार साह, कुशल भुर्तेल, कुशल मल्ल, दीपेन्द्रसिंह ऐरी, ललित राजवंशी, करण केसी, गुलसन झा, सोमपाल कामी, प्रतिस जिसी, सन्दीप जोरा, अविनाष बोहरा, सागर ढकाल र कमलसिंह ऐरी छन् ।

अदालतबाट सफाइ पाएसँगै सन्दीपले आगामी टी–२० विश्वकप खेल्न पाउने सम्भावना कायम छ । सहभागी टोलीहरूले विश्वकपका लागि यसअघि नै आफ्नो टोलीको घोषणा गरिसके पनि उचित कारण देखाएर उक्त टोलीमा हेरफेर गर्न सकिने अवस्था कायमै छ ।

आईसीसीले विश्वकपमा सहभागी राष्ट्रहरूलाई उचित कारण देखाएर आफ्नो टोलीमा हेरफेर गर्न मे २४ तारिखसम्मको समय दिएको छ । त्यसैले त्यो समयभित्र हरेक राष्ट्रले आफ्नो टोलीमा नाम परिवर्तन गर्न सक्ने सम्भावना रहन्छ ।

गौशाला–२६ ले आफूमाथि काठमाडौँको एक होटेलको ३०५ नम्बर कोठामा लगेर पटक–पटक बलात्कार गरेको भन्दै गत २०७९ भदौ २१ गते प्रहरी वृत्त गौशालामा लामिछानेविरुद्ध जाहेरी दिएकी थिइन्। 

सो जाहेरीपछि जिल्ला सरकारी वकिल कार्यालयमार्फत काठमाडौँ जिल्ला अदालतमा दायर भएको मुद्दामा अदालतले सन्दीपलाई दोषी ठहर गर्दै ८ वर्ष जेल सजाय सुनाएको थियो ।  लामिछाने त्यस विरुद्ध उच्च अदालत पुगेकामा उनले सफाइ पाएका हुन् । 

पुरा हेर्नुहोस्

काठमाडौँ । टेबलटेनिसका नेपाली खेलाडी स्यान्टु श्रेष्ठ ओलम्पिकमा छनोट हुने तेस्रो नेपाली खेलाडी बनेका छन् । नेपाली टेबलटेनिस खेल इतिहासमा भने उनी पहिलो ओलम्पिएन भएका छन् । अब उनले फ्रान्सको पेरिसमा हुने ओलम्पिकका लागि नेपालको प्रतिनिधित्व गर्दै खेल्नेछन् । यसअघि यो उपलब्धि तेक्वान्दोबाट संगीना वैद्य र दीपक विष्टले मात्र हासिल गरेका थिए ।

लैनचौरस्थित राष्ट्रिय टेबलटेनिस प्रशिक्षण केन्द्रमा भएको दक्षिण एसियाली ओलम्पिक छनोटको फाइनलमा बुधबार स्यान्टुसँगै नेपालका संयोग कपाली भिडेका थिए । दुवै जनाले बुधबार नै सेमिफाइनल जित्दै देशका लागि तेस्रो ओलम्पियन बन्ने पक्का गरेका थिए । दक्षिण एसियामा बलियो मानिएको भारत यसअघि नै छनोट भइसकेकाले पनि यसपटक अरू देशको भाग्य चम्केको हो ।

फाइनल खेल निकै रोमाञ्चक रह्यो । यस क्रममा धेरै उतारचढाव आए । कहिले स्यान्टु बलियो देखिन्थे त कहिले संयोग । तर, बाजी मारे चारपल्टका नेपाल च्याम्पियन तथा नम्बर एक खेलाडी स्यान्टुले । खेल उनले ११–७, ८–११, ११–७, ११–६, ८–११, ८–११ र ११–९ को प्रतिस्पर्धात्मक ४–३ को सेटले जिते । जितलगत्तै स्यान्टु कोर्टमै ढले । उनका प्रतिद्वन्द्वी संयोगले भने ब्याट माथि फाले र आफ्नो हार स्विकारे ।

‘जितपछि मैले आफूलाई रोक्न सकिनँ । खुसीले रोएँ । यो त मेरा लागि सपना पूरा भएजस्तै हो । कोही पनि खेलाडीको उद्देश्य भनेकै ओलम्पिक खेल्ने हुन्छ, किनभने यो नै विश्व खेलकुदको सबैभन्दा ठूलो महोत्सव हो । अब म त्यही ओलम्पिक खेल्दै छु, त्यसैले म स्वाभाविक रूपमा निकै खुसी छु ।’

प्राविधिक रूपमा दुवै खेलाडी आफैंमा परिष्कृत रहे पनि स्यान्टु अपेक्षाकृत अनुभवी थिए । उनी त्यसको भरपुर फाइदा लिन सफल रहे । पहिलो सेटमा स्यान्टु सजिलै विजयी रहे । उनी ८–७ ले अगाडि रहेपछि त्यही स्थितिबाट लगातार तीन अंक जिते । दोस्रो सेटमा संयोग फर्के । त्यसमा उनी एक समय ७–८ ले पछाडि थिए । तर त्यसपछि लगातार चार अंक बटुले । स्यान्टुले तेस्रो सेट अपेक्षाकृत सजिलै जिते । त्यसमा उनी ७–४ ले अगाडि रहेपछि त्यसबाट फाइदा लिन सफल रहे । चौथो सेट स्यान्टुका लागि अझ सजिलो रह्यो । उनले ८–३ को अग्रता लिएपछि त्यसलाई आफ्नो पक्षमा पारे ।

पाँचौं र छैटौं सेटमा संयोग समान स्कोरले विजयी रहे । पूरा खेलको सर्वाधिक सनसनीपूर्ण मोड अन्तिम सेटमै देखियो । निर्णायक सेटमा स्यान्टु केही बढी आक्रामक देखिए, सुरुमै ७–४ को अग्रता लिए । त्यही बेला संयोगले ‘टाइमआउट’ लिए र स्थितिलाई १०–८ सम्म पुर्‍याए । स्यान्टुले पनि त्यस मोडमा चलाखीपूर्ण ‘टाइमआउट’ लिए र प्रतिस्पर्धा उनकै पक्षमा मोडियो । ‘आफ्नै देशका खेलाडी फाइनलमा प्रतिद्वन्द्वी पाउँदा म सुरुमै केही आत्तिएको भने थिएँ,’ स्यान्टुले पछि सुनाए ।

‘नेपाली टेबलटेनिसका लागि यो निकै ठूलो उपलब्धि हो,’ प्रशिक्षक मोहन वासुकलाले प्रतिक्रिया दिए, ‘अब नेपाली खेलकुद इतिहासमै टेबलटेनिस र स्यान्टुको नाम कहिल्यै मेटिने छैन । अब यही उपलब्धिमा टिकेर नेपाली टेबलटेनिस अगाडि बढ्नुपर्छ र अझ राम्रो गर्नुपर्नेछ ।’ अब स्यान्टुले ओलम्पिकका लागि थप विशेष प्रशिक्षणबाट गुज्रिने छन् । उनी यही छनोट खेल्नका लागि अस्ट्रेलियाबाट नेपाल आएका थिए । अस्ट्रेलियामा अध्ययनरत स्यान्टुले त्यहीं रहेर तयारी गरिरहेका थिए ।

उनलाई नेपाली टेबलटेनिसले पाएको अहिलेसम्मकै सबैभन्दा उत्कृष्ट खेलाडी मानिन्छ । उनले ओलम्पिकमा छनोट भएर त्यसलाई पुष्टि पनि गरेका छन् । ‘मलाई दक्षिण एसियाली स्तरसम्ममा राम्रो गर्ने विश्वास थियो । तर, ओलम्पिक नै खेल्ने विश्वास थिएन । जतिबेला दक्षिण एसियाली छनोट हुने भयो, मैले सपना बुन्न थालें,’ उनले भने, ‘अस्ट्रेलियामा रहेर पनि म नियमित अभ्यास गरिरहेको थिएँ, अहिले त्यसकै फल प्राप्त भएको छ ।’

सेमिफाइनलमा स्यान्टुले श्रीलंकाका चमिरा गिनिगेलाई ११–७, ११–९, ६–११, ८–११, ११–३, ११–८ ले पराजित गरेका थिए । संयोगले पनि श्रीलंकाकै जयसंका डी सिल्भालाई १३–११, ११–७, १२–१०, ११–७ ले हराएका थिए । महिलातर्फ भने फाइनलमा माल्दिभ्सकी फतिमाथ अलीले श्रीलंकाकी बिमन्दी बन्दरालाई ११–८, ८–११, १३–११, ११–७, ११–५ ले पराजित गरिन् । योसँगै फतिमाथ माल्दिभ्सको समग्र खेल इतिहासमै ओलम्पिकमा छनोट हुने पहिलो खेलाडी बनेकी छन् ।

पुरा हेर्नुहोस्

काठमाडौं । राष्ट्रिय खेलकुद परिषद् (राखेप) का सदस्य–सचिव टंकलाल घिसिङले पेरिस ओलम्पिकका लागि वाइल्ड कार्ड मार्फत छनोट हुनु भएका ब्याडमिन्टन खेलाडी प्रिन्स दाहाललाई भेट गरी आगामी तयारी योजना बारे जानकारी लिनु भएको छ । साे क्रममा दाहाललाई तपाईं पेरिस ओलम्पिक र त्यस भन्दा पछाडि चम्केकाे हेर्न चाहान्छाैँ भन्नुहुदै सफलताकाे शुभकामना समेत ब्यक्त गर्नुभएकाे थियाे ।

राखेप सदस्य सचिव घिसिङले राष्ट्रिय खेलकुद परिषद्को कार्यकारी प्रमुखको हैसियतले यो अवसरमा प्रिन्स दाहाललाई अन्तर्राष्ट्रिय सफलता तर्फको यात्रामा साथ दिने प्रतिबद्धता व्यक्त गर्न गर्नुभएकाे थियाे ।

सदस्य सचिवले दाहालसँग उनको आगामी प्रशिक्षण योजनाहरूबारे छलफल गर्न र विश्वव्यापी मञ्चमा उत्कृष्ट प्रदर्शन गर्न आफूसँग आवश्यक सबै कुराहरू छन् भनी सुनिश्चित हुन र अन्तर्राष्ट्रिय सहभागिता, तालिमका अवसरहरू, खेलकुद उपकरणहरू र दाहाललाई आवश्यक पर्ने अन्य स्रोतहरूका लागि थप सहयोग प्रदान गर्न परिषद् पूर्ण रूपमा समर्पित रहेकाे बताउनुभएकाे थियाे । उहाँको सफलता हाम्रो सामूहिक प्रयासको प्रतिबिम्ब हो, र हामी हरेक पाइलामा उहाँको साथमा रहनेछौं भन्दै सदस्य सचिवले खुशी साटासाट समेत गर्नुभएकाे थियाे ।

पुरा हेर्नुहोस्

काठमाडौं । नेपाली अल्ट्रा धाविका सुनमाया बुढा स्पेनमा भएको ट्रान्सभुल्कानिया अल्ट्रा म्याराथनमा तेस्रो भएकी छन् ।

स्पेनको क्यानरी आइल्याण्ड स्थित भोल्क्यानिक आइल्याण्ड ला पाल्मामा भएको ७२ किलोमिटरको उक्त अल्ट्रा म्याराथनमा सुनमायाले ८ घण्ठा २० मिनेट ३१ सेकेण्डमा पूरा गरेकी थिइन् ।

उनी पहिलो भएको धाविका भन्दा १८ मिनेट र दोस्रो भएकी धाविका भन्दा ४ मिनेटले मात्र पछि थिइन् ।

पहिलो भएकी रुथ क्रोफ्टले ८ घण्टा २ मिनेट ४९ सेकेण्डमा दौड पूरा गरिन् । यस्तै दोस्रो भएकी इदा निल्सनले ८ घण्टा १६ मिनेट ३२ सेकेण्डमा पूरा गरिन् ।

ट्रान्सभुल्कानिया विश्वकै कठिन रेस मध्ये एक हो ।

पुरा हेर्नुहोस्

काठमाडौं- नेपाली राष्ट्रिय क्रिकेट टोलीले आइसीसी मेन्स टि-२० विश्वकपअघि अबको तीन सातामा तयारी स्वरूप सात खेल खेल्ने भएको छ ।

विश्वकपको तयारीका लागि एक महिनाअघि नै प्रतियोगिता आयोजना स्थलमा पुगेको नेपाली टोलीले विश्वकपको खेल हुने तीन वटा मध्य दुईवटा मैदानमा प्रशिक्षण तथा अभ्यास खेलको अवसर पाउने भएको हो ।

यसै साता अमेरिकाको फ्लोरिडा पुगेको टोली त्यहाँको वातावरणसँग घुलमिल गरिरहेको छ । त्यहिबाट नेपाली टोली वेस्ट इन्डिजको सेन्ट भिन्सेन्टतर्फ प्रस्थान गर्दैछ जहाँ नेपालले विश्वकपको समूह चरणमा पछिल्लो दुई खेल खेल्नेछ ।

नेपालले सेन्ट भिन्सेन्ट एण्ड विन्डवार्डको मिश्रित टोलीसंग जेठ १, ३ र ५ गते तीन वटा अभ्यास खेल खेल्नेछ । अभ्यास खेलपछि नेपाल जेठ ६ गते ह्युस्टनमा गइ ९ र १० गते ह्युस्टन हरिकेनसँग अभ्यास खेल खेल्नेछ ।

वेस्ट इन्डिजमा अभ्यास खेल सकेर नेपाली टोली जेड १२ गते अमेरिकाको डालास जानेछ । त्यसपछि आइसीसीकै तालिका अनुसार नेपालले ग्रान्ड प्रेरि मैदानमा दुई वटा विश्वकप वार्म अप खेल खेल्नेछ ।

पुरा हेर्नुहोस्

काठमाडौं । विद्यालय खेलकुदमा ई स्पोर्ट्स खेलको प्रबद्र्धन गर्ने उद्धेश्यले ई स्पोर्ट्स संघ नेपाल (ईशान)ले नेपाल विद्यालय खेलकुद महासंघसँग साझेदारी गरेको छ । विद्यालय खेलकुदमा ई स्पोर्ट्स खेलको विकास र प्रबद्र्धन गर्ने लक्ष्य सहित ईशानले विद्यालय खेलकुद महासंघसँग आईतबार सम्झौता पत्रमा हस्ताक्षर गरेको हो ।

ईशानका अध्यक्ष अन्जन धमला र विद्यालय खेलकुद महासंघका अध्यक्ष विनोद श्रेष्ठले सम्झौता पत्रमा हस्ताक्षर गरेका छन् । सम्झौतामा अन्तराष्ट्रिय विद्यालय खेलकुद महासंघ (आईएसएफ) समेत साझेदार रहनेछ । आईएसएफको प्रतिनिधिको रुपमा राजकुमार कार्कीले समझदारी पत्रमा हस्ताक्षर गरे ।


सम्झौता अनुसार विद्यालय खेलकुदमा ई स्पोर्ट्सलाई समावेश गर्ने र विद्यालय खेलकुदको अभियानमा ई स्पोर्ट्स साझेदार संस्थाको रुपमा रहने सहमती छ । सम्झौता अनुसार विद्यालय खेलकुदमा ई स्पोर्ट्स खेलका प्रतियोगिता, पूर्वाधार विकास, नीति निर्माण, तालिम तथा क्षमता अभिवृद्धि, खोज अनुसन्धानमा दुवै संस्थाले मिलेर काम गर्ने उल्लेख छ ।

आईएसएफका केन्द्रिय सदस्य समेत रहेका राजकुमार कार्की विद्यालय खेलकुद र ई स्पोर्ट्स खेलको विकासमा सम्झौता कोशेढुङ्गा सावित हुने बताए । उनले नयाँ खेल स्पर्धाको रुपमा विकास भैरहेको ई स्पोर्ट्सलाई विद्यालयसम्म लैजाने उद्धेश्यले सम्झौता गरिएको बताए ।

ई स्पोर्ट्स संघ नेपालका अध्यक्ष अन्जन धमलाले खेलकुदको मेरुदण्डकै विद्यालय खेलकुद रहेको बताउँदै नेपालको ई स्पोर्ट्स खेलको विकासमा सम्झौताले महत्वपुर्ण योगदान गर्ने उल्लेख गरे । उनले विद्यालयमानै ई स्पोर्ट्सप्रति आकर्षण रहेकाले पछिल्लो सम्झौताले दुरगामी प्रभाव पार्ने बताए ।

विद्यालय खेलकुद महासंघका अध्यक्ष विनोद श्रेष्ठले खेलकुदबाट मात्र नेपालले अन्तराष्ट्रिय रुपमा जित्न सक्ने उल्लेख गर्दै परिणाम निकाल्ने गरि दुवै संस्थाले काम गर्नुपर्ने बताए ।

पुरा हेर्नुहोस्

ताजा समाचार


विद्युत् प्राधिकरणको आफ्नै डेटा सेन्टर

काठमाडौँ । नेपाल विद्युत् प्राधिकरणले अन्तर्राष्ट्रियस्तरको डेटा सेन्टर सञ्चालनमा ल्याएको छ । प्राधिकरणले भविष्यमा व्यावसायिक कम्पनीलाई समेत सेवा उपलब्ध गराउन सक्ने गरी काठमाडौंको स्युचाटारस्थित भार प्रेषण केन्द्रसँगै सुविधासम्पन्न डेटा सेन्टर सञ्चालनमा ल्याएको हो ।

‘प्रि–फेब्रिकेटेड कन्टेनर’ प्रयोग गरी तयार गरिएको तीन तलाको भवनको भुइँतलामा काठमाडौं उपत्यकाको भूमिगत विद्युत् वितरण प्रणाली अनुगमन, नियमन तथा नियन्त्रण र सुरक्षा सञ्चालन कक्ष छन् । पहिलो तलामा कार्यालय तथा नेटवर्क सञ्चालन कक्ष र सबैभन्दा माथिल्लो तलामा डेटा सेन्टर छन् ।

टियर ३ अन्तर्राष्ट्रिय मापदण्डलाई पालना गरी डेटा सेन्टर निर्माण गरिएको छ । आफ्नो सेवा प्रवाहलाई डिजिटल तथा आधुनिक बनाउने उद्देश्यलाई पूरा गर्न डिजिटल एनईए कार्यक्रमअन्तर्गत निर्माण गरिएको यो मोडलको डेटा सेन्टर नेपालमै पहिलो रहेको प्राधिकरणको दाबी छ । डेटा सेन्टरमा प्राधिकरणका सूचना प्रविधिसँग सम्बन्धित सर्भरलगायतका सबै डेटा एकीकृत भण्डार गरी क्रमशः राखिने बताइएको छ ।

डेटा सेन्टर सञ्चालनमा आएसँगै प्राधिकरणले अब डेटा भण्डारणका लागि आफ्नो छुट्टै प्राइभेट क्लाउड बनाउन लागेको प्राधिकरणका कार्यकारी निर्देशक कुलमान घिसिङले जनाए । डेटा सुरक्षाका लागि नवलपरासीको सुनवलस्थित नयाँ बुटवल सबस्टेसनमा विपद् रिकभरी सेन्टर निर्माण गर्ने प्रक्रिया अगाडि बढेको कार्यकारी निर्देशक घिसिङले उल्लेख गरे । उक्त विपद् रिकभरी सेन्टर निर्माण नहुन्जेल हाल प्राधिकरणको प्रधान कार्यालयमा रहेको पुरानो डेटा सेन्टरलाई रिकभरी सेन्टरका रूपमा सञ्चालन गरिनेछ ।

सञ्चालनमा ल्याइएको डेटा सेन्टरमा ४० वटा सूचना प्रविधि र्‍याका छन् । जसमा ३६ वटा सर्भर र ४ वटा नेटवर्क र्‍याक छन् । टियर ३ मापदण्डका लागि तोकिएका सर्त पूरा गर्न आवश्यक ब्याकपसहितको अविच्छिन्न विद्युत् आपूर्ति (एन प्लस वान पावर सप्लाई), चिस्यान (कुलिङ), स्वचालित अग्नि नियन्त्रण, सीसीटीभी निगरानी, सञ्चालन तथा सुरक्षाको अनवरत निगरानीलगायतको व्यवस्था गरिएको छ । अविछिन्न विद्युत् आपूर्तिका लागि बहुवैकल्पिक व्यवस्था गरिएको छ ।

स्थानीय तथा देशको विद्युत् प्रणालीमै समस्या आई विद्युत् आपूर्ति बन्द भए डेटा सेन्टरलाई सुरक्षित रुपमा सञ्चालन गर्न १ मेगावाट क्षमताका दुईवटा जेनेरेटर तयारी हालतमा राखिएको छ । तीन सय केभीए क्षमताका दुई थान मोड्युलर युपिएस जडान गरिएको छ । यूपीएसको विश्वसनीयतालाई ध्यान दिएर लिथियम आयन ब्याट्री प्रयोग गरिएको छ । मर्मतसम्भार तथा उपकरण प्रतिस्थापन गर्दा सेन्टरलाई बन्द गर्नुपर्दैन ।

प्राधिकरणको रत्नपार्कमा रहेको प्रधान कार्यालय र डेटा सेन्टरलाई जोड्न वैकल्पिक मार्गसहितको अप्टिकल फाइबर जडान गरिएको छ । प्राधिकरणको प्रधान कार्यालय र डेटा सेन्टरलाई टेकु र बालाजुतर्फबाट अप्टिकल फाइबरमार्फत जोडिएको हो । डेटा सेन्टरलाई २४ घण्टा सञ्चालन गर्न कर्मचारीहरू खटाइएको छ ।

डेटा सेन्टरका अतिरिक्त सेन्टरबाट काठमाडौं उपत्यकाको विद्युत् वितरण प्रणालीलाई स्वचालित बनाउन निर्माणाधीन भूमिगत वितरण प्रणालीलाई अनुगमन, नियमन र नियन्त्रण गर्न सकिने पूर्वाधार संरचना निर्माण गरिएको छ । यसमा उपत्यकाका सबस्टेसन तथा स्विचिङ स्टेसन जोडिनेछन् । केन्द्रबाटै ११ केभीभन्दा मुनिका ग्राहकको घरसम्म पुग्ने विद्युत् वितरण प्रणालीको व्यवस्थापन, अनुगमन र नियन्त्रण गर्न सकिनेछ । डेटा सेन्टर परिसरमा तीन वटा विद्युतीय गाडी एकैपल्ट चार्ज गर्न मिल्ने गरी चार्जिङ स्टेसन पनि सञ्चालनमा ल्याइएको छ ।

 



पुरा हेर्नुहोस्

गण्डकीमा फ्लोर क्रस गर्ने देवकोटा पदमुक्त

गण्डकी प्रदेश । गण्डकीका मुख्यमन्त्री सुरेन्द्र पाण्डेलाई विश्वासको मत दिने क्रममा माओवादीको ह्विप उल्लंघन गरेका फणीन्द्र देवकोटा प्रदेश सभा सदस्यबाट पदमुक्त गरिएका छन् । 

माओवादीको चुनाव चिह्नमा निर्वाचन लडेका नेपाल समाजवादीका नेता देवकोटाले २९ जेठमा फ्लोर क्रस गरेपछि मुख्यमन्त्री पाण्डेले विश्वासको मत पाएका थिए । लगत्तै ऊर्जामन्त्रीसमेत बनेका देवकोटालाई माओवादीको सिफारिसमा सभामुख कृष्ण धितालले पदमुक्त गरिएको व्यहोराको पत्र शुक्रबारको प्रदेश सभा बैठकमा पढेर सुनाए । 

माओवादीले देवकोटालाई २९ जेठमा २४ घण्टाको समय दिएर स्पष्टीकरण सोधेको थियो । देवकोटाले आफू माओवादी नभई नेपाल समाजवादीको सांसद भएको व्यहोराको जवाफ दिएका थिए । देवकोटाले भने आफ्नो कानुनी अधिकार र संवैधानिक हकमाथि प्रहार भएको बताउँदै अदालत जाने चेतावनी दिए । ‘म माओवादी सांसद होइन, नेसपाको हो । कसैको रैती बन्न नचाहँदा ममाथि कारबाही भएको हो । कानुनी उपचारमा जान्छु,’ उनले भने ।



पुरा हेर्नुहोस्

टी-२० विश्वकप : प्रधानमन्त्री प्रचण्ड र सदस्य–सचिव घिसिङ क्रिकेट हेर्दै

काठमाडौं । राष्ट्रिय खेलकुद परिषद् (राखेप) का संरक्षक प्रधानमन्त्री पुष्पकमल दाहाल ‘प्रचण्ड’ र राखेपका सदस्य–सचिव टंकलाल घिसिङले वेस्ट इन्डिजमा भइरहेको आईसीसी टी– २० विश्वकप अन्तर्गत नेपाल र दक्षिण अफ्रिकाबीचको खेलसंगै  बसेर हेरिरहेका छन् ।

प्रधानमन्त्री प्रचण्ड र सदस्य–सचिव घिसिङले प्रधानमन्त्री निवास बालुवाटारमा संगै बसेर खेल हेरिरहेका छन् । टस जितेर फिल्डिङ गर्ने निर्णय लिएको नेपालले दक्षिण अफ्रिकालाई मध्यम योगफलमा रोक्न सफल भएको छ ।

दक्षिण अफ्रिकाले निर्धारित २० ओभरमा ७ विकेट गुमाउँदै नेपाल सामू १ सय १६ रनको लक्ष्य प्रस्तुत गरेको छ । नेपालका लागि स्पिनरद्वय कुशल भुर्तेल र दीपेन्द्रसिंग ऐरीले उत्कृष्ट बलिङ गर्दै क्रमशः ४ र ३ विकेट लिए । नेपालले अहिले ब्याटिङ गरिरहेको छ ।



पुरा हेर्नुहोस्


विद्युत् प्राधिकरणको आफ्नै डेटा सेन्टर

काठमाडौँ । नेपाल विद्युत् प्राधिकरणले अन्तर्राष्ट्रियस्तरको डेटा सेन्टर सञ्चालनमा ल्याएको छ । प्राधिकरणले भविष्यमा व्यावसायिक कम्पनीलाई समेत सेवा उपलब्ध गराउन सक्ने गरी काठमाडौंको स्युचाटारस्थित भार प्रेषण केन्द्रसँगै सुविधासम्पन्न डेटा सेन्टर सञ्चालनमा ल्याएको हो ।

‘प्रि–फेब्रिकेटेड कन्टेनर’ प्रयोग गरी तयार गरिएको तीन तलाको भवनको भुइँतलामा काठमाडौं उपत्यकाको भूमिगत विद्युत् वितरण प्रणाली अनुगमन, नियमन तथा नियन्त्रण र सुरक्षा सञ्चालन कक्ष छन् । पहिलो तलामा कार्यालय तथा नेटवर्क सञ्चालन कक्ष र सबैभन्दा माथिल्लो तलामा डेटा सेन्टर छन् ।

टियर ३ अन्तर्राष्ट्रिय मापदण्डलाई पालना गरी डेटा सेन्टर निर्माण गरिएको छ । आफ्नो सेवा प्रवाहलाई डिजिटल तथा आधुनिक बनाउने उद्देश्यलाई पूरा गर्न डिजिटल एनईए कार्यक्रमअन्तर्गत निर्माण गरिएको यो मोडलको डेटा सेन्टर नेपालमै पहिलो रहेको प्राधिकरणको दाबी छ । डेटा सेन्टरमा प्राधिकरणका सूचना प्रविधिसँग सम्बन्धित सर्भरलगायतका सबै डेटा एकीकृत भण्डार गरी क्रमशः राखिने बताइएको छ ।

डेटा सेन्टर सञ्चालनमा आएसँगै प्राधिकरणले अब डेटा भण्डारणका लागि आफ्नो छुट्टै प्राइभेट क्लाउड बनाउन लागेको प्राधिकरणका कार्यकारी निर्देशक कुलमान घिसिङले जनाए । डेटा सुरक्षाका लागि नवलपरासीको सुनवलस्थित नयाँ बुटवल सबस्टेसनमा विपद् रिकभरी सेन्टर निर्माण गर्ने प्रक्रिया अगाडि बढेको कार्यकारी निर्देशक घिसिङले उल्लेख गरे । उक्त विपद् रिकभरी सेन्टर निर्माण नहुन्जेल हाल प्राधिकरणको प्रधान कार्यालयमा रहेको पुरानो डेटा सेन्टरलाई रिकभरी सेन्टरका रूपमा सञ्चालन गरिनेछ ।

सञ्चालनमा ल्याइएको डेटा सेन्टरमा ४० वटा सूचना प्रविधि र्‍याका छन् । जसमा ३६ वटा सर्भर र ४ वटा नेटवर्क र्‍याक छन् । टियर ३ मापदण्डका लागि तोकिएका सर्त पूरा गर्न आवश्यक ब्याकपसहितको अविच्छिन्न विद्युत् आपूर्ति (एन प्लस वान पावर सप्लाई), चिस्यान (कुलिङ), स्वचालित अग्नि नियन्त्रण, सीसीटीभी निगरानी, सञ्चालन तथा सुरक्षाको अनवरत निगरानीलगायतको व्यवस्था गरिएको छ । अविछिन्न विद्युत् आपूर्तिका लागि बहुवैकल्पिक व्यवस्था गरिएको छ ।

स्थानीय तथा देशको विद्युत् प्रणालीमै समस्या आई विद्युत् आपूर्ति बन्द भए डेटा सेन्टरलाई सुरक्षित रुपमा सञ्चालन गर्न १ मेगावाट क्षमताका दुईवटा जेनेरेटर तयारी हालतमा राखिएको छ । तीन सय केभीए क्षमताका दुई थान मोड्युलर युपिएस जडान गरिएको छ । यूपीएसको विश्वसनीयतालाई ध्यान दिएर लिथियम आयन ब्याट्री प्रयोग गरिएको छ । मर्मतसम्भार तथा उपकरण प्रतिस्थापन गर्दा सेन्टरलाई बन्द गर्नुपर्दैन ।

प्राधिकरणको रत्नपार्कमा रहेको प्रधान कार्यालय र डेटा सेन्टरलाई जोड्न वैकल्पिक मार्गसहितको अप्टिकल फाइबर जडान गरिएको छ । प्राधिकरणको प्रधान कार्यालय र डेटा सेन्टरलाई टेकु र बालाजुतर्फबाट अप्टिकल फाइबरमार्फत जोडिएको हो । डेटा सेन्टरलाई २४ घण्टा सञ्चालन गर्न कर्मचारीहरू खटाइएको छ ।

डेटा सेन्टरका अतिरिक्त सेन्टरबाट काठमाडौं उपत्यकाको विद्युत् वितरण प्रणालीलाई स्वचालित बनाउन निर्माणाधीन भूमिगत वितरण प्रणालीलाई अनुगमन, नियमन र नियन्त्रण गर्न सकिने पूर्वाधार संरचना निर्माण गरिएको छ । यसमा उपत्यकाका सबस्टेसन तथा स्विचिङ स्टेसन जोडिनेछन् । केन्द्रबाटै ११ केभीभन्दा मुनिका ग्राहकको घरसम्म पुग्ने विद्युत् वितरण प्रणालीको व्यवस्थापन, अनुगमन र नियन्त्रण गर्न सकिनेछ । डेटा सेन्टर परिसरमा तीन वटा विद्युतीय गाडी एकैपल्ट चार्ज गर्न मिल्ने गरी चार्जिङ स्टेसन पनि सञ्चालनमा ल्याइएको छ ।

 

पुरा हेर्नुहोस्


२० वर्षपछि सौर्य आँधी पृथ्वीसँग ठोक्कियो, लद्दाखदेखि फ्लोरिडासम्म रङ्गीन प्रकाश देखियो

शक्तिशाली सौर्य आँधी २० वर्षपछि शुक्रबार मे १० मा पृथ्वीमा आइपुगेको छ । आँधीका कारण तस्मानियादेखि बेलायतसम्मको आकाशमा कडा चट्याङ परेको थियो । धेरै स्याटेलाइट र पावर ग्रिडमा पनि क्षति पुगेको छ । सौर्य आँधीका कारण विश्वका धेरै ठाउँमा अरोरा(ध्रुवीय प्रकाश) पनि देखियो । सो समयमा सौर्य आँधीका कारण आकाशमा विभिन्न रङ देखिन थालेको थियो ।

अमेरिकी वैज्ञानिक संस्था ‘नेसनल ओशिनिक एन्ड एटमोस्फेरिक एडमिनिस्ट्रेशन’ (एनओएए)का अनुसार यो सौर्य आँधीको प्रभाव हप्ताको अन्त्यसम्म रहनेछ। यो मुख्यतया विश्वको उत्तरी र दक्षिणी भागहरूमा देख्न सकिन्छ। तर यदि यो तीव्र रहेछ भने यो अन्य धेरै ठाउँहरूमा देख्न सकिन्छ। यसका कारण विश्वभरका स्याटेलाइट अपरेटरहरू, एयरलाइन्स र पावर ग्रिड अपरेटरहरू अलर्टमा छन्।
 
सौर्य आँधी आउने कारण सूर्यबाट निस्कने कोरोनल मास इजेक्शन हो। वास्तवमा, कोरोनल मास इजेक्शनको समयमा, सूर्यबाट आउने कणहरू पृथ्वीको चुम्बकीय क्षेत्रमा प्रवेश गर्छन्। कणहरू पृथ्वीमा प्रवेश गरेपछि एक प्रतिक्रिया हुन्छ, जसको कारण कणहरू उज्यालो रंगीन बत्तीको रूपमा देखा पर्दछ। सरल शब्दमा कोरोनल मास इजेक्शन भनेको सूर्यको सतहबाट प्लाज्मा र चुम्बकीय शक्ति निस्कनु हो।

सौर्य आँधीले पृथ्वीको चुम्बकीय क्षेत्रलाई असर गर्छ। त्यस्ता हावाहुरीका कारण पावर ग्रिड पनि बिग्रन्छ । साथै, विमानहरूमा टर्ब्युलेन्सको समस्या पनि आउँछ। यसका कारण नासाले पनि आफ्ना अन्तरिक्ष यात्रीहरूलाई आँधीबेहरीको समयमा अन्तरिक्ष स्टेशन भित्रै बस्न सल्लाह दिन्छ।

यसअघि अक्टोबर २००३ को 'हेलोवीन स्टर्म'नामक सौर्य आँधी आएको थियो। हेलोवीन आँधीले स्वीडेनमा ब्ल्याकआउट निम्त्याएको थियो। आँधीका कारण दक्षिण अफ्रिकामा ग्रिडहरू अवरुद्ध भएका थिए।  

वैज्ञानिकहरूले पनि यस सौर्य आँधीको बारेमा जानकारी दिंदै आगामी दिनमा धेरै सीएमई कणहरू पृथ्वीमा प्रवेश गर्न सक्ने बताएका छन्।

संसारको सबैभन्दा शक्तिशाली सौर्य आँधी १८५९ मा पृथ्वीमा ठोक्किएको थियो। यसको नाम क्यारिंटोन इभेन्ट राखिएको थियो। यस आँधीका कारण टेलिग्राफ लाइनहरू पूर्ण रूपमा क्षतिग्रस्त भएका थिए। धेरै टेलिग्राफ लाइनमा पनि आगो पनि लागेको  थियो। 

पुरा हेर्नुहोस्


गीतकार प्रमिला बस्नेतको नयाँ गीत ‘यो जिन्दगीको‘ सार्वजनिक

काठमाण्डौं । गीतकार प्रमिला बस्नेतको नयाँ गीत ‘यो जिन्दगीको‘ बजारमा आएको छ । ‘यो जिन्दगीको‘ शिर्षकमा रहेको गीतमा गायिका अन्जु विश्वकर्मा ले स्वर दिएकी छन ।

सरोज प्याकुरेलको संगीत , फडिन्द्र  राईको एरेन्जमा गीतमा निमार्ण गरिएको छ ।  प्रेमील जोडि विचको भावनात्मक सम्वन्धलाई निकै कलात्मक रुपमा प्रस्तुत गरिएको छ ।आफनो मनको कुरा बुझने मायालाई आफुले पाएको कुरा लाई गीतमा ब्यक्त गरिएको छ ।सुरेन्द्र श्रेष्ठको छायाँकन तथा सम्पादनमा भिडियो निमार्ण गरिएको छ ।  

भिडियो लिङ्क्

https://www.youtube.com/watch?v=51L1Cdiy9w8

पुरा हेर्नुहोस्