मुख्य पृष्ठ हटलाइन समाचार शिक्षा / स्वास्थ्य राजनिती खेलकुद समाज अपराध अर्थ / व्यापार अन्तराष्ट्रिय भिडियो लेख तथा रचना

ने.का.


ललितपुर । नेपाली काँग्रेस केन्द्रीय कार्यसमिति बैठक ६ मिनेटमात्र बस्यो । बैठकमा सभापति शेरबहादुर देउवाले पदाधिकारीसहित केन्द्रीय सदस्यहरु राखेर ३७ सदस्यीय कार्यसम्पादन समिति अनुमोदन गरेका छन् ।

कार्यसम्पादन समितिमा देउवाले पार्टीका सबै पक्षलाई समेटेका छन् । उनले बैठकमा कार्यसम्पादन समितिमा रहेकाहरुको नाम प्रस्ताव गरी अनुमोदन गराए हुन । जसमा पदाधिकारीबाहेक २४ केन्द्रीय सदस्य छन् । कार्यसम्पादनमा कुल ३७ जना रहेका छन् ।

काँग्रेस कार्यसम्पादन समिति
१.शेरबहादुर देउवा, सभापति
२.पूर्णबहादुर खड्का, उपसभापति
३.धनराज गुरुङ, उपसभापति
४.गगन थापा, महामन्त्री
५.विश्वप्रकाश शर्मा, महामन्त्री
६.फरमुल्लाह मन्सुर, सहमहामन्त्री
७.उमाकान्त चौधरी, सहमहामन्त्री
८.महालक्ष्मी उपाध्याय डिना, सहमहामन्त्री
९.भीष्मराज आङदम्बे, सहमहामन्त्री
१०.महेन्द्र यादव, सहमहामन्त्री
११.किशोर सिंह राठौर, सहमहामन्त्री
१२.बद्री पाण्डे, सहमहामन्त्री
१३.जीवन परियार, सहमहामन्त्री

केन्द्रीय सदस्यहरुबाट
१४.रामचन्द्र पौडेल
१५.गोपालमान श्रेष्ठ
१६.प्रकाशमान सिंह
१७.विमलेन्द्र निधि
१८.विजयकुमार गच्छेदार
१९.कृष्णप्रसाद सिटौला
२०.डा. सशांक कोइराला
२१.चित्रलेखा यादव
२२.डा. रामशरण महत
२३.अर्जुननरसिंह केसी
२४.डा. प्रकाशशरण महत
२५.डा. शेखर कोइराला
२६.सुनिलबहादुर थापा
२७.बलबहादुर केसी
२८.बालकृष्ण खाँड
२९.ज्ञानेन्द्रबहादुर कार्की
३०.उमा रेग्मी
३१.रमेश रिजाल
३२.डा. नारायण खड्का
३३.जिपछिरिङ लामा
३४.सुजाता कोइराला
३५.एनपी साउद
३६.जीवनबहादुर शाही
३७.आनन्दप्रसाद ढुंगाना

पुरा हेर्नुहोस्

ललितपुर । नेपाली काङ्ग्रेसकाे १४ अाैँ महालक्ष्मी नगर अधिवेशनबाट नगर सभापतिमा दिवाकर सिलवाल विजयी भएका छन् । साेमबार विहान ११ बजेबाट सिद्धिपुर पार्टी प्यालेसमा भएकाे नगर अधिबेशनमा नेता सिलवाल विजयी भएका हुन् । 

सभापतिका प्रत्यसी उमेदवार शुशिल खड्कालाई ८०-८२ ले पछि पार्दै महालक्ष्मी नगर सभापतिमा विजयी भएका सिलवाल यस अघि पनि महालक्ष्मी नगर सभापति भएर काम गरिसकेका अनुभबी नेता हुन् । यसैगरी उपसभापति र सचिवमा पनि सिलवाल प्यानलकै उम्मेदवारहरु विजयी भएका छन् । उपसभापतिमा सुमन केसी ९४ र विवेक कुमार कार्की ८४ मत सहित बिजयी भएका छन् । सचिवमा भने नन्द केसी ९२ र बिष्णु कुमार चन्द ८२ मत सहित बिजयी भएका हुन् । सहसचिवमा सिलवाल समूहबाट सञ्चिता परियार ७८ मत र खड्का समूहबाट अवशेष श्रेष्ठ ७७ मत सहित बहुमतले बिजयी भएका छन् ।

नगर पदाधिकारीमा १४ जनाको उमेद्वारी मनोनयन दर्ता भएको थियो जसबाट दिवाकर समुहको ६ जना र सुशील खड्का समुहको १ जना सहसचिव गरी ७ जना उमेदवार बिजयी भएका छन् । चुनावमा १६९ जनाको मत खसेको थियो ।

नेपाली कांग्रेसको १४ औँ महाधिवेशन अन्तर्गत ललितपुर जिल्लाका स्थानीय तहहरुको अधिवेशन सोमबार सम्पन्न भएकाे छ । अधिवेशन बाट गोदावरी नगरपालिका, बाग्मती गाउँपालिका र महाङ्काल गाउँपालिकामा सर्वसम्मत कमिटि चयन भएकाे थियाे । भने ललितपुर महानगरपालिका, महालक्ष्मी नगरपालिका र कोञ्ज्योसोम गाउँपालिकामा मतदान प्रक्रियामार्फत नेतृत्व चुनिएका हुन् ।

पुरा हेर्नुहोस्

बुटवल । लुम्बिनी प्रदेशमा राष्ट्रिय सभा सदस्यका लागि भएको निर्वाचनमा नेपाली कांग्रेससहितको गठबन्धनका उम्‍मेदवार दृगनारायण पाण्डे विजयी भएका छन् ।
पाण्डेले सत्तारुढ नेकपा एमालेका उम्‍मेदवार चन्द्रबहादुर खड्कालाई पराजित गरे । कांग्रेसका उम्मेदवार  पाण्‍डेले १६० मत पाए भने एमालेका खड्काले १२३ मत पाए । विजयी भएको घोषणा भने हुन बाँकी छ । पाण्डेलाई नेकपा माओवादी केन्द्र, जसपा उपेन्द्र पक्ष, राष्ट्रिय जनमोर्चाको समर्थन थियो ।

कुल ३ सय मतदाता रहेकोमा २ सय ९७ मत खसेको थियो ।  बाँकेको नेपालगञ्ज उपमहानगरका मेयर धवलशंसेर राणा, बांकेकै नरैनापुर गाउँपालिकाका अध्यक्ष ईस्तियाक अहमद शाह र गुल्मीको गुल्मीदरवार गाउँपालिकाका अध्यक्ष अशोक थापाले मतदान गरेनन् ।

पुरा हेर्नुहोस्

ललितपुर । प्रमुख प्रतिपक्षी दल नेपाली काँग्रेसका सभापति एवं पूर्वप्रधानमन्त्री शेरबहादुर देउवाले आफ्नो पार्टीका सङ्घीय सांसदलाई दशैँ भत्ता फिर्ता गर्न निर्देशन दिनुभएको छ ।

काँग्रेस सङ्घीय संसदीय दलका नेतासमेत रहनुभएका सभापति देउवाले सांसदहरुको दशैँ खर्च सरकारले कोभिड–१९ सङ्क्रमणको उपचार र व्यवस्थापनमा खर्च गरोस् भनेर फिर्ता गर्नका लागि आज बिहान निर्देशन दिनुभएको हो ।

काँग्रेस संसदीय दलको बैठकले पछि अनुमोदन गर्ने गरी सभापति देउवाले दिनुभएको निर्देशनबमोजिम आजै सबैलाई पत्राचार गरेेेेकाे छ । पार्टीका प्रमुख सचेतक बालकृष्ण खाँणले विज्ञप्ति मार्फत जानकारी दिनुभएकाे छ । प्रमुख सचेतक खाँणले कोरोना सङ्क्रमण महामारीमा नागरिकको जीवनरक्षा गर्ने पहलो दायित्व र कर्तव्य सरकारको भएको बताउनुभयो । उहाँले यस्तो सङ्कटका अवस्थामा कोरोना सङ्क्रमितलाई अस्पताल नआउनुस् भन्ने र परीक्षण तथा उपचार पनि निःशुल्क नगर्ने भन्ने सरकारको निर्णय गैरजिम्मेवार र अनुत्तरदायी भएको बताउँदै उक्त निर्णय तत्काल फिर्ता लिन सरकारसँग माग गर्नुभयो । काेराेना भाइरस राेकथाम,नियन्त्रण तथा उपचार काेषमा जम्मा हुने गरी ब्यबस्था मिलाईदिन संंसद सचिवालयलाई अाग्रह गरेका छन ।

 

पुरा हेर्नुहोस्

ललितपुर । नेपाली कांग्रेसका प्रवक्ता विश्वप्रकाश शर्माले प्रदेश ५ मा सांसदहरूलाई घिसारेर निकाल भनेर भन्ने कानुनमन्त्रीकाे अभिव्यक्ति गलत भनेर किन नबाेल्ने भन्दै नेकपालाई प्रश्न गरेका छन् । उनले केहिबेरअघि ट्विट गर्दै नेकपा प्रवक्ता नारायणकाजी श्रेष्ठलाई यस्ताे प्रश्न गरेका हुन् ।

उनले श्रेष्ठलाई ट्विटमा मेन्सन गर्दै लेखेका छन् , 'अरुले गरे बेठिक आफ्नाले गरे ठिक ?'
कता हुनुन्छ नेकपा प्रवक्ता ?
'कुर्सी तोडफोड गलत' कांग्रेस प्रवक्ता बोल्ने, 'मन्त्रीको उत्तेजक आदेश गलत' नेकपा प्रवक्ता किन नबोल्ने ? संसदमा सभामुखको रुलिङ चल्ने हो कि मन्त्रीको जंगी आदेश प्रवक्ताज्यु ?'

पुरा हेर्नुहोस्

भदौ ३०, ललितपुर ।
नेपाली काँग्रेसका नेता तथा पुर्व उपसभापति प्रकाशमान सिंहले सहमतिमा नै आफू सभापतिको लागि उम्मेद्वार हुने कुरा बताएका छन् ।

नेता सिंहले सबैसँग कुरा गर्दैछु, सबै मिलेर र मिलाएर सहमतिमा नै आफू सभापतिको लागि उम्मेदवार हुने कुरा बताएका हुन । नेपाली काँगेस जतिको नेपाल र नेपालीको लागि योगदान गरेको पार्टी अरु कुनै नभएको, सिद्धान्त, सोच र अन्य कुरा सबै ठीक छ तर पार्टीलाई हाल सँस्थागत रुपमा विकास गर्न नसकेको मात्र कमजोरी भएको बताएका छन्  । हाम्रो पार्टीले गाउँ देखि केन्द्रसम्म अधिवेशन, पार्टीका निकाय, पार्टीसँग संबद्ध पेशागत र अन्य सँस्थाहरुलाई बैठक, भेला जास्ता कुरा नियमित गर्नुपर्छ  । उनिहरुलाई सकृय बनाउनुपर्छ  । पार्टीको महाधिवेशनपछि गर्नुपर्ने मनोनयन र बिभागहरुको गठन पनि ६ महिना बिधानले भने पनि ३ महिनामा नै सक्नुपर्छ । पार्टीका आठै तह र आम नेपाली जनताको कुरा सुनेर सबै निकाय चलायमान गर्नुपर्छ अनि मात्र हामीले सहि मानेमा काम गरेको देखिनेछ र नागरिकहरुले हामीलाई म्याण्डेट दिनेछन, नेता सिंहले भने ।

आफू १४ औं महाधिवेशनमा सभापतिको लागि आकांक्षी हो कि भन्ने प्रश्नमा नेता सिंहले भने, म गणेशमानको छोरा भएर एकै पटक आएको होइन मेरो आफ्नै राजनीतक इतिहास छ । नेपाल बिधार्थी संघ देखि, पार्टीको जिल्ला हुँदै केन्द्र सम्म निर्वाचित हुँदै आएको अनुभव छ  । पार्टीमा सहमहामन्त्री, उपसभापति भएको समेत अनुभव छ । रामचन्द्रजी संसदीय दलको नेता हुँदा आफू उपनेता भएको मात्र होइन संसदीय निर्वाचनमा पनि पटक-पटक जितेको छु । संसदीय दलमा नेताको लागि पनि शेरबहादुर देउबासँग प्रतिस्पर्धा गरेको नै हो । सरकारमा गएर पटक-पटक मन्त्री र उपप्रधानमन्त्री सम्म भएको अनुभव भैसक्यो  ।

अब बाँकी भनेको सबैसँग सल्लाह गरेर, टिम मिलेर सभापतिका लागि जाने नै हो । पार्टीलाइनमा आफू त्यसका लागि योग्य भएको तर यो एकल कुरा होइन, टीमवर्क हो । त्यसैले सबै मिलेर जाने हो । सबैसँग सल्लाह गर्दैछु, सबै शुभचिन्तक र साथीभाइहरुको सल्लाह लिएर निर्णय गर्नेछौं, नेता सिंहले परिपक्व रुपमा बताए ।

नेपाली काँग्रेसले पार्टीका स्थानीय देखि केन्द्र सम्म सबै तहलाई दुरुस्त र क्रियाशील बनाएर तयारी अवस्थामा राख्नुपर्छ । यसबाट परेको बेला चुनावमा जान होस् या कुनै पनि काम गर्न नै किन नहोस पार्टी शक्तिशाली र आम नागरिकमा पुगेको हुन्छ । हामीले संबिधान निर्माण होस् या अरु काम होस् अरु पाटीको भन्दा तुलनात्मक रुपमा धेरै योगदान गरेका छौ । तर अहिले आएर आम नागरिकमाझ नपुग्दा निर्वाचनमा हामीले पराजय भोग्नुपर्यो । यो केवल हाम्रो पार्टीलाई संस्थागत बिकास नगरेका कारण नै भएको हो । अब पार्टीको सबै तहलाई सकृय बनाउनुको विकल्प छैन यो नै मेरो प्रमुख एजेण्डा हो, नेता सिंहको जवाफ थियो  ।

पुरा हेर्नुहोस्

भदाै २८,ललितपुर । 
नेपाली काँग्रेसका सभापति तथा पूर्व प्रधानमन्त्री शेरबहादुर देउवाद्वारा सिन्धुपाल्चोकको बाह्रबिसे नगरपालिका, घुम्थाङ - ७ का नागफुजे, भिरखर्क र नेवार टोलमा पहिरो जाँदा ७ को मृत्यु र २४ जना बेपत्ता तथा बाग्लुङमा एक जनाको मत्यु भएको घटनाप्रति गहिरो दुःख व्यक्त गरेका छन् । साथै उनले सम्पूर्ण पीडितको संवेदनशीलताप्रति पार्टी र आफ्नो व्यक्तिगततर्फबाट सहानुभूति प्रकट गरेका छन् ।

उनले आज विज्ञप्तिमार्फत प्राकृतिक विपत्तिको यस घडीमा बेपत्ताको तीव्रताका साथ खोजी गर्न, घाइतेलाई उपचारको प्रबन्ध गर्न तथा पीडितका परिवारलाई अति आवश्यक सामग्री खाद्यान्न, लत्ताकपडा, भाँडाकुँडा, औषधि र अस्थायी बसोबासको तत्काल व्यवस्था गर्न सरकारसँग आग्रह गरेका छन् ।
पूर्वप्रधानमन्त्री देउवाले सिन्धुपाल्चोकमा पछिल्लो समय पटकपटक पहिराले क्षति गरेको तथ्य अवगत गर्दै भूगर्भविद्ले औँल्याएका जोखिमयुक्त बस्तीका नागरिकलाई सुरक्षित स्थानान्तरणकाे लागि  प्रधानमन्त्रीको ध्यानाकर्षण गराउँदै सरकार समक्ष माग गरेका छन् ।
उद्धार र राहतको मानवीय कर्तव्यमा थप सक्रियताका लागि पार्टीका सम्पूर्ण नेताकार्यकर्तामा अपिल गर्दै उनले पहिराेमा जीवन गुमाउनेहरुको आत्माको चिरशान्तिको कामनाका साथ शोकसन्तप्त परिवारजनमा समवेदना प्रकट गरेका छन् ।

पुरा हेर्नुहोस्

ताजा समाचार


ऐतिहासिक पदकसहित नेपाली बक्सिङ टोली स्वदेश फर्कियाे

काठमाडौं । एसियन बक्सिङ्ग कन्फेरेडसन (ASBC) को आयोजनामा थाईल्याण्डको राजधानी बैंककमा यहि जनवरी १६ देखि २७ तारिखसम्म भएको एएसबीसी अन्डर २२ मेन एन्ड उमन बक्सिङ च्याम्पियनसिप २०२३ मा ऐतिहासिक रजत पदक जित्न सफल सुष्मा तामाङ र कांस्य पदक जित्न सफल अन्य खेलाडीहरु लगाएत नेपाली बक्सिङ टोलिलाई त्रिभूवन अन्तर्राष्ट्रिय विमानस्थलमा राष्ट्रिय खेलकुद परिषदका सदस्यसचिव टंकलाल घिसिङ, नेपाल बक्सिङ संघका अध्यक्ष राम अवालेलगायतको टोलीले हिजो भव्य स्वागत गरेकाे छ ।

मिनिमम ४८ किलो तौल समुहका सुष्माले एशियनस्तरमा बलियो मानिएका भियतनाम र मंगोलियाका खेलाडीलाई ५ः० र आर एस सी को आधारमा पराजित गर्दैे फाईनल खेलमा उज्वेकिस्तानका आईवा युथ विश्व च्याम्पियनसंग अंकको आधारमा पराजित भएका थिए । उनले पहिलो राउण्डमा निकै राम्रो प्रर्दशन गर्दै ४ः१ को स्प्लिट डिसिजनमा पछाडि पारेकी थिईन भने देस्रो र तेस्रो राउण्डमा उज्वेकिस्तानका खेलाडीकाे खेल रणनीति परिवर्तन पछि उनको निरन्तर आक्रमण र अंक बटुल्ने प्रयास असफल रहेको थियो र नतिजा उज्वेकिस्तानका खेलाडीको पक्षमा गएको थियो ।

पदक विजेता अन्य खेलाडीहरुमा महिला तर्फको फेदर वैट ५४ देखि ५७ किलो तौल समुहमा हेमा राईले कास्य, महिला लाईट हेभीवेटमा ७५ देखि ८१ किलो तौल समुहमा त्रिशा जवेगुले कास्य र पुरुष तर्फ क्रुजर वैट ८० देखि ८६ किलो तौल समुहमा विजय बाटाले काश्य पदक प्राप्त गरेका छन् । २० वटा देशको सहभागिता रहेको उक्त एएसबीसी एसियनस्तरको अन्डर २२ बक्सिङ्ग प्रतियोगितामा नेपालबाट पुरुष १३ ताैल समुहमा ३ ताैल समुमा र महिला १२ ताैल समुहमा ३ ताैल समुहमा गरि जम्मा ६ ताैल समुहमा मात्र सहभागीता जनाई एक रजत पदक र तीन कास्य गरी चार पदक जित्दै वरीयताक्रममा सातौं स्थान ओगट्न सफल रहेको छ ।

सोहि प्रतियोगिताका समयमा अन्तराष्ट्रिय बक्सिङ्ग संघ आईवाबाट सञ्चालन भएको ईन्टरनेशनल टेक्निकल अफिर (आईटिओ) कोर्ष परिक्षामा नेपाल बक्सिङ्ग संघका केन्द्रीय सदस्य पुष्कर राज पन्त र आईबा टू स्टार रेफ्री/जज कोर्ष परीक्षाको लागि नेपालका आईबा वान स्टार अन्तराष्ट्रिय रेफ्री/जज राम चन्द्र थापामगर र धनकुमार मैनालीले समेत सहभागिता जनाएका थिए ।

उक्त खेलमा ऐतिहासिक रजत पदक जित्न सफल नेपालका उदीयमान खेलाडी सुष्मालगायत सम्भावना भएका उत्कृष्ट खेलाडीहरुलाई तत्काल बैदेशिक प्रशिक्षण र बढी भन्दा बढी अन्तर्राष्ट्रिय प्रतियोगितामा सहभागि गराएमा आगामी १९ औँ एशियन गेम्समा पनि ऐतिहासिक सफलता प्राप्त गर्न सकिने कुरा उक्त टिमका प्रशिक्षक आईबा थ्री स्टार प्रशिक्षक एवम् १६ औं एशियन गेम्सका काश्य पदक विजेता दिपक महर्जनले जानकारी गराए ।

मित्र राष्ट्र भारतमा आयाेजना हुन लागेकाे वल्र्ड बक्सिङ च्याम्पियनसिप तथा एशियन गेम्सको तयारीको रुपमा लिइएको उक्त प्रतियोगिताबाट नेपाली खेलाडीहरुले प्रायोजकका रुपमा नेपाल एयरलाईन्स, इन्फिनिट वेयर, फुड हब बाई यच टु ओ ले सहयोग गरेका थिए ।

नेपाली टिमलाई राखेपका सदस्य सचिव टंकलाल घिसिंगले बिदाई गरेका थिए र उनले वाचा गरे बमाेजिम विमानस्थलमा ऐतिहासिक विजयका साथमा स्वागत गर्ने वाचा पुरा गर्दे सदस्य सचिवले उनी लगायत विजेता खेलाडीहरुलाई नगद पुरस्कारद्वारा सम्मान गर्ने घोषणा गरे । सोही अवसरमा राम्रो प्रदर्शन गर्दा गर्दै पनि पदक जित्न नसकेका दुई मुक्केबाज लालप्रसाद उप्रेती र ईन्द्र बहादुर सुनारलाई पनि जनही रु. २५,००० को दरले सम्मान गर्ने घोषणा निवर्तमान प्रमुख प्रशिक्षक प्रकाश थापामगरले गरेका थिए ।

उक्त विदाई कार्यक्रममा नेपाल बक्सिंग संघका अध्यक्ष राम अवाले, महासचिव सविन भट्टाचार्य, केन्द्रीय सदस्यहरु रामबहादुर गिरी, मानबहादुर भण्डारी, स्यामकाजी अवाले, पुस्करराज पन्त, ओम नारायण श्रेष्ठ, लगायत प्रशिक्षक तथा खेलाडीहरुको उपस्थिति रहेको थियो । उक्त प्रतियोगितालाई नेपाल एयरलाईन्स, इन्फिनिटि स्पोर्टस वेयर, फुड हबले सह प्रायोजन गरेका थिए ।



पुरा हेर्नुहोस्

थाई स्थित नेपाली दुतावासमा बक्सिङ टाेलीलाई भब्य स्वागत

काठमाडौं । थाइल्याण्डमा भएको एएसबीसी एसियन यू–२२ बक्सिङ च्याम्पियनसिपमा सहभागी नेपाली टाेलीलाई थाईल्याण्ड स्थित नेपाली दुतावासकाे क्वाटरमा भब्य स्वागत गरेकाे छ । थाईल्याण्डका लागि नेपाली राजदुत गणेश प्रसाद ढकाले बक्सिङ टाेलीलाई औपचारिक रुपमा निमन्त्रणा गर्दै डिनर सहित भब्य स्वागत गर्नुभएकाे हाे ।

थाइल्याण्डको राजधानी बैंककस्थित ह्वामार्क इन्डोर स्टेडियममा जारी एएसबीसी एसियन यू २२ बक्सिङ च्याम्पियनसिप २०२३ मा नेपाली मुक्केबाज सुस्मा तामाङकाे फाईनल खेल हेर्न समेत पुग्नुभएका नेपाली राजदुत गणेश प्रसाद ढकालले ऐतिहासिक रजत पदक जितेकी नेपाली बक्सर सुष्मा तामाङ सहित काँस्य पदक जितेका खेलाडीहरु हेमा राई, त्रिशा जवेगु, बिजय बाटा सहित खेलाडीहरु लाल प्रसाद उप्रेती, ईन्द्र बहादुर सुनार, टिम प्रशिक्षक दिपक महर्जन, सहायक प्रशिक्षक सन्दिप श्रेष्ठ, ब्यबस्थापक नेपाल बक्सिङ संघका सदस्य ओमनारायण श्रेष्ठ अन्तर्राष्ट्रिय रेफ्री/जज रामचन्द्र थापामगर र धनकुमार मैनाली र नेपाल बक्सिङ संघका सदस्य तथा अन्तर्राष्ट्रिय काेअडिनेटर श्याम काजी अवाले सहितकाे टाेलीलाई आफ्नै निवासमा बाेलाएर बधाई तथा उज्वल खेल भविश्यकाे शुभकामना दिदै खेलाडीहरुसंग खुशी साट्न पाउँदा खुशी लागेकाे बताउनु भएकाे छ । 

नेपाल बक्सिङ संघका सदस्य तथा अन्तर्राष्ट्रिय काेअडिनेटर श्यामकाजी अवालेले बक्सिङ टाेलीलाई स्वागत गर्दै खेलाडीहरुकाे मनाेबल उच्च बनाई दिनुभएकाेमा धन्यवाद समेत व्यक्त गर्नुभएकाे थियाे । साे भेटमा एनआरएनए (NRNA) का काेषाध्यक्ष अतिस श्रेष्ठ, थाई नेपाली संघ (TNA) महासचिव  दिपक पराजुली लगाएतकाे विशिष्ट व्यक्तिहरुकाे समेत उपस्थिति रहेकाे थियाे । उहाँहरुले आगामी दिनहरुमा नेपाली खेलकुदलाई थप विकास गर्न आबश्यक र सहकार्य गर्ने समेत बताउनुभएकाे थियाे ।



पुरा हेर्नुहोस्

कराते महासंघको नेतृत्वमा राखेप पूर्व सदस्य–सचिव लामा

काठमाडौं । करातेका संस्थापक मध्येका एक युवराज लामाको अध्यक्षतामा नेपाल कराते महासंघ केन्द्रीय कार्यसमितिको तदर्थ समिति बिहीबार गठन गरिएको छ । राष्ट्रिय खेलकुद परिषद् (राखेप) का पूर्व सदस्य–सचिव समेत रहेका लामाको अध्यक्षतामा २१ सदस्यीय केन्द्रीय कार्य समिति गठन गरिएको हो ।

अघिल्लो तर्दथ समितिमा कार्यावाहक अध्यक्षको जिम्मेवारीमा रहेका दावा गुरुङ सह–अध्यक्ष बने । उपाध्यक्ष्मा पुरेन्द्रविक्रम लाखे, महासचिवमा हरिशरण केसी, सह–महासचिवमा ओमकृष्ण प्रसाईं, सचिवमा श्याम शेर्पा र विआर मित्र तथा कोषाध्यक्षमा सानुलाल श्रेष्ठ रहेका छन् ।

सदस्यमा राजेन्द्र बराल, देव लामा, मजेन्द्र सिंह, नारायणबहादुर मगर, यादव काफ्ले, ध्वजमान मोक्तान, निवासगोपाल वैद्य, ध्रुवविक्रम मल्ल, तारा वली, दुर्गागोतम परियार, रवि महर्जन, डोल्मा लामा शाह र किशोरप्रसाद भट्टराई रहेका छन् ।

उनीहरुलाई राखेपका सदस्य–सचिव टंकलाल घिसिङले बिहीबारै एक कार्यक्रमबीच मनोनयन पत्र हस्तान्तरण गरे ।

महासंघले ३ महिना भित्र विधान मस्यौदा तयार गरी राखेपबाट स्वीकृत गराइ साधारण सभा तथा निर्वाचन गर्नु पर्ने छ । अघिल्लो तदर्थ समितिका अध्यक्ष शम्भु आचार्यलाई २०७५ फागुन १४ गते ३ महिना भित्र महासंघको विधान संशोधन गरी निर्वाचन गर्ने गरी तदर्थ समिति गठन गरिएकोमा जिम्मेवारी प्रदान गरिएको ४ वर्षसम्म उक्त समितिले महासंघको विधान संशोधन तथा निर्वाचन समेत गर्न सकेको थिएन ।

कार्यक्रमलाई सम्बोधन गर्दै सदस्य–सचिव घिसिङले ऐतिहासिक आवश्यकताका हिसाबले लामालाई अध्यक्षको जिम्मेवारी दिइएको बताउदै गौरवपूर्ण इतिहास बोकेको कारतेलाई गति दिनु पर्नेमा जोड दिए ।

अध्यक्ष लामाले संस्था र खेलाडीको हितलाई ध्यानमा राखेर अगाडि बढ्ने प्रतिबद्धता व्यक्त गर्दै परिषद्ले दिएको ३ महिना भन्दा धेरै अगाडि निर्विवाद रुपमा चुनाव सम्पन्न गर्ने वाचा पनि गरे । उनले आस्था र फरक स्टायलका कराते कसैलाई पनि निषेध नगर्ने बताउदै कार्यसमितिका प्रत्येकले काम गर्ने अवसर प्राप्त गर्ने बताए ।

सह–अध्यक्ष गुरुङले सम्बन्धित विज्ञले सम्बन्धित संस्थाको नेतृत्व गरे मात्र संस्थाको विकास हुने मान्यतालाई आत्मासात् गरी अध्यक्ष हुँदा हुँदै पनि स्थायित्वका लागि खुशी साथ अध्यक्षको पद छाडेको बताए । उनले अनेक बहानामा खेल संस्थालाई बन्धक बनाउन नहुने विचार व्यक्त गरे ।



पुरा हेर्नुहोस्


राधाकृष्ण खानेपानी संस्थाद्वारा पुर्व प्रदेश सभा सदस्य पाैडेल सम्मानित

ललितपुर । राधाकृष्ण खानेपानी तथा सरसफाई उपभोक्ता समिति महालक्ष्मी -५ टिकाथली ललितपुरद्वारा पुर्व बागमती प्रदेश सभा सदस्य तथा बागमती प्रदेश सभा संसदीय मामिला समिति सभापति माननीय माधव प्रसाद पाैडेल सम्मानित भएका छन् । उनले खानेपानी समस्या समाधानकाे लागी संस्थालाई स्थापनाकाल देखि नै अतुलनीय याेगदान गरेका कारण संस्थाले उच्च कदर गर्दै सम्मान पत्रद्वारा सम्मान गरेकाे हाे ।

महालक्ष्मी -५ साविक टिकाथली वडा नम्बर ४ र ५ मा अनाैपचारिक रुपमा विगत १० वर्ष अघिदेखि  खानेपानीकाे समस्या समाधान गर्न मेहनतरत संस्था राधाकृष्ण खानेपानी तथा सरसफाई उपभोक्ता समितिकाे छैटौं वार्षिक साधरण सभामा पुर्व प्रदेश सांसद माधव प्रसाद पाैडेल सम्मानित भएकाे हाे । 

सम्मानित भएका पाैडेलले राधाकृष्ण खानेपानी तथा सरसफाई उपभोक्ता समितिकाे याेजना अन्तरर्गतकाे चारलाख पचास हजार लिटर क्षमताकाे ओभरहेड ट्याङ्की, १८ किलोमिटर अन्डरग्राउण्ड पाईपलाईन बिस्तार, फिल्टर प्लान, १३ सय घर धुरीमा डिजिटल मिटर जडान गर्ने लगाएतकाे कार्यहरुकाे लागि आबश्यक बजेटकाे लागि पहल गर्दै करिब १३ कराेड बजेट निकासा गराउन महत्त्वपूर्ण पहल कदमी गरेकाले उनी सम्मानित भएका हुन् । 

राधाकृष्ण खानेपानी तथा सरसफाई उपभोक्ता समितिका अध्यक्ष सुमन कुमार केसीकाे अध्यक्षता तथा प्रदेश सभा सदस्य माननीय रामेश्वर श्रेष्ठकाे प्रमुख आतिथ्यतामा सम्पन्न छैटौं वार्षिक साधरण सभामा माेतेश्वर समाजका अध्यक्ष माेहन खत्री, त्रिपुरा संगम समाजका अध्यक्ष अर्जुन बहादुर केसी, संस्थापक अध्यक्ष सानुभाई सुवेदी, नेपाल सरकारका पुर्व सचिव अनुपराज उपाध्याय, निवर्तमान वडा अध्यक्ष राजकुमार सिलवाल, संस्थाका निवर्तमान उपाध्यक्ष भैरव केसी लगाएतलाई संस्थामा महत्वपुर्ण याेगदान पुराए बापत संस्थाले सम्मान गरेकाे सचिव महेशवर घिमिरेले जानकारी दिएका छन् ।

राधाकृष्ण खानेपानी संस्थाले हाल तेह्र सय घरधुरीलाई पानी बितरण गरेकाे छ । संस्थामा कुल बचत एककराेड नाैँ लाख बचत रहेकाे छ भने कार्यालय र नियमित खानेपानी संचालनका लागि सात जना कर्मचारी रहेका छन् ।

पुरा हेर्नुहोस्


विश्व बक्सिङ संघ (आइबा) काे अध्यक्षमा उमार क्रेकलेभलाई निरन्तरता

काठमाडौं । अन्तर्राष्ट्रिय बक्सिङ संघ (आइबा)को अध्यक्षमा पुनः उमर क्रमलेभले नै निरन्तरता पाएका छन् । यसअघि मे १३–१४ मा टर्कीको इस्तानबुलमा सम्बन्न आइबाको विशेष साधारण सभाबाट उमार अध्यक्ष पदमा चुनिएका थिए ।

तर, अध्यक्षका अर्का प्रत्यासी वोरिश मान डी भोसेले स्वीटजरल्यान्डको खेलकुद सम्बन्धी अदालतमा उजुरी हालेसँगै पुनः निर्वाचन गर्न आदेश आएको थियो । सोही अनुसार अर्मेनियाको राजधानी येरेभानमा आइतबार भएको विशेष साधारण सभामा पुनः निर्वाचन गर्नु पर्दैन भन्ने पक्षमा बहुमत आएपछि उमारले नै निरन्तरता पाएका हुन् ।

भौतिक रुपमा उपस्थित ९९ र अनलाइनबाट सहभागी भएका ५६ सदस्य राष्ट्रका प्रतिनिधिबीच फेरि चुनाव गर्ने किन नगर्ने भन्ने पक्षमा मतदान भएको थियो । उक्त निर्वाचनमा १ सय ६ राष्ट्रले पर्दैन, ३८ वटाले फेरि गर्नुपर्छ र चार मुलुकले तटस्थ बस्ने पक्षमा मतदान गरे । बाँकी सात मत बदर भएको थियो ।

करिब ७५ प्रतिशत सदस्यबाट विश्वासको मत पाएसँगै उमारले नै आइबाको आगामी चार वर्षको बागडोर सम्हाल्ने भएका छन् ।

पुरा हेर्नुहोस्


कुनै एकदिन कुनै पुस्ताले सानुकान्छा श्रेष्ठको योगदानको इतिहास खोजी गर्नेछ ।

समाजसेवी क.सानुकान्छा श्रेष्ठ 

✍️ अनुराग अरुण 

२०५२ सालमा लुभुमा खानेपानीको साह्रै समस्या थियो । बिहान टोल टोलमा रहेको सार्वजनिक धारामा एक दुई घण्टा पानी आउँथ्यो । टोलभरिका महिलाहरु गाग्री लाइनमा लश्करै राखेर आफ्नो पालो अनुसार पानी थाप्थे । कुनैबेला पानीको लागि टोल टोलमा महिलाहरु आपसमै झगडा गरिरहेको दृश्य यदाकदा देखिन पाईन्थ्यो । कुनै टोलमा टोकन अनुसार पालैपाला पानी थाप्थे । कुनै बेला चार पाँच दिन धाराबाट पानी आउँथेन । तब मान्छेहरु साइकल, गाडी र मोटरसाइकलमा पानी राख्ने ग्यालेन लिएर लामाटार ढुगिंनसम्म पानी लिन जान्थे ।

त्यतिबेला लुभुबासीहरु नुहाउन र लुगा धुन इनारको पानी र गोदावरी खोलाको पानी प्रयोग गर्थे । चैत्र बैसाखको गर्मीमा इनारमा पानी पनि उतिसारो हुन्थिएन । नुहाउन र लुगा धुने झन समस्या थियो । एक एक थोपा पानीको अति नै अमुल्य महत्व थियो ।

तर आज अधिकांश लुभुबासीहरुको घर घरमा खानेपानीको धारा जडान भएको छ । बिहान बेलुका धारामा पानी आइरहन्छ । अब पहिले जस्तो नुहाउन, लुगाधुन र पिउन पानीको कुनै समस्था छैन । पहिले जस्तो टोल टोलमा खानेपानीको लागि झगडा गरिरहनुपर्ने अब अवस्था छैन । 

जब म पानी पिउँछु । पिउने पानीको गिलासमा क.सानुकान्छा श्रेष्ठको पसिनाले लतपतिएको अनुहार झल्झल देख्छु । यिनैको भगिरथ त्याग, तपश्या र अथक प्रयासले आज लुभुभरिमा खानेपानीको सर्व सुलभता भएको छ । अहिले लुभु खानेपानीको सञ्चालक समितिमा सबै पार्टीका मान्छेहरु सञ्चालक हुनुहुन्छ । उहाँहरु सबैलाई यो कुरा विदितै छ, लुभुमा खानेपानीको लागि सानुकान्छा श्रेष्ठले के कति गरे ? सधैं दिन रात आफै खटेका छन् । यति मात्र होइन, खानेपानीलाई आफ्नो करौडौं मुल्यपर्ने जग्गा समेत दिएका छन् ।

दु:ख लाग्छ, हामी कुनै अमुक दलका कार्यकर्ता वा मतदाता त भयौं । तर हामीमा राजनीतिको उच्च सभ्य संस्कार भएन । चेतना आएन । मलाई लाग्छ, आज नभए भोलि कुनै न कुनै एकदिन कुनै पुस्ताले क.सानुकान्छा श्रेष्ठको यो योगदानको इतिहास खोजी गर्नेछ, र त्यसको निष्पक्ष मुल्याकंन अवस्य गर्नेछ ।

पुरा हेर्नुहोस्