अल नेपाल नाेभिस बक्सिङ प्रतियोगिता सुरु
काठमाडौं । बागमती प्रदेशकाे राजधानी हेटौंडामा अल नेपाल नोभिस बक्सिङ प्रतियोगिता सुरु भएको छ । हेटौंडा-४, परिजातपथस्थित कभर्ड हलमा सुरु भएकाे प्रतियोगितामा २५ जिल्लाका ३४ टिमका करिब १ सय ५० जनाभन्दा बढी खेलाडीहरुको सहभागिता रहेकाे छ ।
नेपाल बक्सिङ संघकाे तत्वावधान तथा प्रदेश खेलकुद विकास परिषद् बागमती प्रदेश र मकवानपुर जिल्ला बक्सिङ संघको संयुक्त आयोजनामा सुरु भएकाे प्रतियोगिताको मंगलबार बागमती प्रदेश सरकारकी सामाजिक विकास मन्त्री कुमारी मोक्तानले उद्घाटन गरे ।
कार्यक्रममा बोल्दै मन्त्री मोक्तानले खेलले राष्ट्रलाई चिनाउने र व्यक्ति स्वच्छ बनाउने बताईन् । बागमती प्रदेश सरकारले खेल क्षेत्रमा सहयोग गरिरहेको बताईन् ।
यस्तै प्रदेश खेलकुद विकास परिषद्, बागमती प्रदेशका सदस्य सचिव सुर्यलाल भण्डारीले नयाँ पुस्ताका युवाहरुलाई बक्सिङ खेल तर्फ आकर्षित गराउने प्रयासले प्रतियोगिता आयोजना गरेको बताउदै प्रतेक वर्ष यस खालकाे प्रतियोगिताहरु आयाेजना गर्ने बताए ।
प्रतियोगितामा खेलाडीहरुको तर्फबाट मकवानपुरका सोहन राई र निर्णायकहरुको तर्फबाट इन्द्र बहादुर श्रेष्ठले सपथ लिएका थिए । प्रतियोगितामा १७ बर्षदेखि २१ बर्ष उमेरसम्मका खेलाडीहरुले प्रतिस्पर्धा गरिरहेका छन् । प्रतियोगितामा सहभागी खेलाडीहरुले पुरुषतर्फ ९ र महिलातर्फ ७ वटा तौल समूह गरि कुल १६ विधामा प्रतिस्पर्धा गर्नेछन् । प्रतेक ताैल समुहमा प्रथम, द्वितीय र तृतीय हुने खेलाडीले क्रमशः १० हजार, ५ हजार र ३ हजार रुपैयाँ प्राप्त गर्नेछन् । साथै प्रतेक दिन भएकाे बाउटहरु मध्ये उत्कृष्ट खेल खेल्ने खेलाडीलाई प्रतेक दिन ट्रफ्री र नगत तीन हजार पुरस्कार आयाेजक एवम् अन्तर्राष्ट्रिय खेलाडी हेटाैँडा उपमहानगरपालिका वडा नम्बर ५ का वडा अध्यक्षले प्रायाेजन गरेका छन् । प्रतियोगिता चैत्र ४ गतेसम्म चल्नेछ ।
प्रतियाेगिताकाे टेक्निकल डेलिगेटमा आईटिओ पुस्करराज पन्त, अब्जर्भरमा किरण बहादुर श्रेष्ठले जिम्मेवार बहन गरेका छन् भने प्रतियोगिता सम्पन्न गर्न नेपाल बक्सिङ संघका महासचिव सविन भट्टचार्य, प्रतियोगिता संयाेजक दिपेश जाेशी, लाल बहादुर पाैडेल र परिषद् सदस्य धनकुमार मैनाली सहित एक सचिवालय रहेकाे छ ।
मंगलबार २५ वटा बाउटहरु सफलता पुर्वक सम्पन भएकाे थियाे । मंगलबार सम्पन्न २५ बाउटहरु मध्ये उत्कृष्ट खेल खेल्दै H2O ५१ केजीका असिम धमलाले नगद तीन हजार र ट्रफि प्राप्त गरे ।
प्रतियोगिता उद्घाटन कार्यक्रममा जिल्ला समन्वय समिति मकवानपुरका प्रमुख ललित घलान, प्रदेश खेलकुद विकास परिषद् बागमती प्रदेशका सदस्य सचिव सूर्यलाल भण्डारी, नेपाल बक्सिङ संघका अध्यक्ष राम अवाले, हेटौंडा उपमहानगरपालिकाका निवर्तमान प्रमुख हरी बहादुर महत, हेटौंडा–४ का वडाध्यक्ष नवीन सिग्देल, ५ नम्बर वडाध्यक्ष सुशील घिमिरे, ११ नम्बर वडा अध्यक्ष जुना दाहाल, नेपाल बक्सिङ संघका निवर्तमान अध्यक्ष राजिप श्रेष्ठ, परिषदका बाेर्ड सदस्य धनकुमार मैनाली, माधव तिमल्सिना, ओलम्पियन रामवहादुर गिरी, नेपाल बक्सिङ संघका काेषाध्यक्ष गाैतम सुजखु, संघका केन्द्रीय सदस्य तथा वीर गणेशमान बक्सिङ प्रतियोगिताका संयाेजन मान बहादुर भण्डार, दुर्गा गहतराज, जिल्ला खेलकुद विकास समिति मकवानपुरका अध्यक्ष भेष खड्गी, पुर्व अन्तरास्ट्रिय खेलाडी सेनानी विशाल शमशेर थापा लगायतको आतिथ्य रहेको थियो ।
ताजा समाचार
नेपाली बक्सिङ टाेली ईतिहास रच्दै स्वदेश फिर्ति
ललितपुर । भारतको नयाँ दिल्लीमा मार्च १६ देखि २६, २०२३ सम्म सन्चालन भएकाे आईबीए महिला विश्व बक्सिङ च्याम्पियनसिप-२०२३ मा सहभागी नेपाली बक्सिङ टाेली स्वदेश फर्किएका छन् ।
आईबिएले आयाेजना गरेकाे विश्व महिला बक्सिङ प्रतियोगिता २०२३ मा नेपालबाट सहभागी अञ्जनी तेलीले ५२ केजी तौल समुहमा डोमीनिकन रिपब्लिककी मुक्केवाज हेर्नान्डेज गारसिया मेगुईनालाई ३:२ अंककाे आधारमा र हैटीकी बक्सर विरुद्ध ५-० को जित हासिल गर्दै दाेस्राे बाउट जित्दै ईतिहास बनाउन सफल भएकी थिईन । उनी संगै नेपालबाट सुस्मा तामाङ ४८ केजी, अस्मिता दुवाल ५० केजी, मिनु गुरुङ ५४ केजी चन्द्रकला थापा ५७ केजी संगीता सुनार ६० केजी र सरस्वती राणा ७० केजीमा सहभागी रहेकाे थियाे ।
नेपालबाट ७ शीर्ष महिला मुक्केबाजहरु सहित मुख्य प्रशिक्षक प्रचण्ड शर्मा, पुर्व मुख्य प्रशिक्षक प्रकाश थापामगर, दिपक महर्जन र अनुराधा लामा आईबीए महिला विश्व बक्सिङ च्याम्पियनसिप-२०२३ सहभागी भएका थिए । नेपाली खेलाडीहरुले हाई प्रोफाइल क्युबाली प्रशिक्षकसँग पञ्जाब इन्स्टिच्युट अफ स्पोर्ट्समा ३ हप्ताको उन्नत प्रशिक्षण समेत लिएका थिए ।
महिला विश्व बक्सिङ च्याम्पियनसिप-२०२३ मा सहभागी भै फर्किएका नेपाल टाेलीलाई नेपाल बक्सिङ संघका अध्यक्ष राम अवाले, केन्द्रीय सदस्य मान बहादुर भण्डारी, पुष्करराज पन्त आईबिए टु स्टार रेफ्री तथा प्रदेश खेलकुद विकास परिषद, बागमती प्रदेशका बाेर्ड सदस्य धनकुमार मैनाली सहितकाे टाेलीले स्वागत गरेका थिए ।
बागमती प्रदेशबाट प्राे बक्सिङमा सहभागी तिनै जना मुक्केबाजले जित हासिल गरे
काठमाडौं । नेपाल प्राेफेशनल बक्सिङ संघकाे तत्वावधानमा यूनाईटेड प्राेफेशनल बक्सिङ क्लबले लुम्बिनी टाईगर प्यालेस रिसाेर्टमा आयाेजना गरेकाे यूनाईटेड प्राेफेशनल बक्सिङ फाईट क्लब नेपाल एडिशनमा नेपालबाट सहभागी तिनै जना मुक्केबाजहरु बिजय भएका छन् ।
बागमती प्रदेशका बक्सिङ खेलाडीहरुले देशकाे प्रतिनिधित्व गर्दै सहभागी मुक्केबाजहरु लक्ष्मण राईले ५० केजी ताैल समुहमा भारतका मुक्केबाज शुभम चाैहानलाई ३:० अंककाे आधारमा त्यसैगरी शुलभ मालाकारले ५७ केजी ताैल समुहमा भारतका मुक्केबाज बिनय चाैहानलाई नकआउटकाे आधारमा र मनाेज तामाङले ७६ केजी ताैल समुहमा भारतमा मुक्केबाज कुल्दिप सिंहलाई टेक्निकल नकआउटकाे आधारमा जित हासिल गरेका थिए ।
नियमित रुपमा बक्समाण्डु बक्सिङ क्लबमा प्रशिक्षण गरिरहेका बागमती प्रदेशका बक्सिङ खेलाडीहरुले नेपालकाे प्रतिनिधित्व गर्दै लुम्बिनी टाईगर प्यालेस रिसाेर्टमा आयाेजना भएकाे यूनाईटेड प्राेफेशनल बक्सिङ फाईट क्लब नेपाल एपिसाेडमा जित हासिल गरेकाे प्राेफेशनल बक्सिङ ईतिहासकाे पहिलाे जित हाे ।
सहभागी तीन मुक्केबाज सहित प्रशिक्षक सन्दिप श्रेष्ठ, उमेश कटुवाल र चन्द्र तामाङ सहितकाे नेपाली टाेलीलाई प्रदेश खेलकुद विकास परिषद, बागमती प्रदेशका बाेर्ड सदस्य धनकुमार मैनालीले जितकाे अग्रिम शुभकामना सहित यात्रा सफलताकाे कामना गर्दै बक्समाण्डु बक्सिङ क्लबमा २०२३ मार्च २३ मा
बिदाई गरेका थिए । आज सम्पन्न खेलमा बिजेता मुक्बेबाजहरुले जनहि १५ हजार नगद, मेडल र प्रमाणपत्र पाउनेछ ।
युवा मुक्केबाजहरु विशेष प्रशिक्षणका लागि भारत प्रस्थान
ललितपुर । भारतीय बक्सिङ संघकाे आयाेजनामा यही २०२३ मार्च २५ देखि अप्रिल ६ तारिख सम्म भारतकाे राेतक शहर हरियानामा शुरुहुन गईरहेकाे बहुराष्ट्रिय बक्सिङ प्रशिक्षण शिबिरमा सहभागी हुन नेपाली युवा मुक्केबाजहरु भारत प्रस्थान गरेका छन् ।
राष्ट्रिय खेलकुद परिषद्का सदस्य सचिव टंकलाल घिसिङले युवा मुक्केबाजहरु वाङ्दि छिरिङ शेर्पा, रिजन गुरुङ, आयुस थापा, प्रवल उप्रेती, राेशन ठाकुरलाई खादामाला लगाई यात्रा सफलता सहित राम्राे प्रशिक्षण लिनका लागि शुभकामना दिनुभएका थियाे ।
सदस्य सचिव घिसिङले युवा खेलाडीहरु यसरी खेलकुदमा देखा पर्दा आफू पनि युवा नै रहेकाे र आफुमा अझ बढि जाेसजाँगर पैदाहुने बताए । उहाँले खेलाडीहरुले स्फुर्तरुपमा खेल खेल्न पाउने वातावरण बनाउन संघ, परिषद र सरकार कामदारकाे भुमिकामा रहेकाेले खेलाडीले आफ्नाे ध्यान आकर्ष गराई हामीलाई पछि-पछि दाैडिने वातावरण बनाउन युवा खेलाडीहरुलाई हाैसल प्रदान गर्नुभएका थियाे ।
नेपाल बक्सिङ संघका अध्यक्ष राम अवालेकाे अध्यक्षतामा आयाेजित खेलाडी बिदाई कार्यक्रममा सदस्य सचिव घिसिङले बक्सिङ खेलले एक पछि अर्काे सफलता हासिल गर्दै अगाडि बढेकाे र बक्सिङ प्रशिक्षणकाे लागि अतिआबश्यबक अन्तर्राष्ट्रिय स्तरकाे बक्सिङ कभर्डहल निर्माणमा आफ्नाे चासाे र चिन्ता भएकै कारण डिपिआर गर्न आबश्यक जनशक्ति परिचालन गरेकाे र आगामी वर्ष बजेट समेत बिनियाेजन गर्ने बताउनु भयाे ।
सन् २००४ र २००५ मा जन्म भएका उदयमान युवा खेलाडीहरुकाे लागि तयार पारिएकाे उक्त बिशेश बक्सिङ प्रशिक्षणमा नेपाल लगाएत अन्य थुप्रै राष्ट्रहरुकाे सहभागीता रहने छ । उक्त प्रशिक्षण शिबिरलाई नेपाल बक्सिङ संघले एएसबिसी यूथ मेन एण्ड उमन्स बक्सिङ च्याम्पियनसिपकाे तयारीकाे रुपमा राखेकाे बताएकाे छ ।
उक्त शिबिरमा एएसबिसी जुनियर बक्सिङ च्याम्पियनसिपमा काँस्य पदक विजेता तथा राष्ट्रिय खेलकुद परिषदद्वारा प्रदान गरिएकाे राष्ट्रिय तथा अन्तर्राष्ट्रिय पदक विजेता खेलाडी पुरस्कार -२०७८ काे पुरस्कार (नगद एक लाख पचास हजार) विजेता वाङ्दि छिरिङ शेर्पा (टाेलि नेता) सहित प्रदेश खेलकुद विकास परिषद, बागमती प्रदेश र मकवानपुर जिल्ला बक्सिङ संघकाे आयाेजनामा भर्खरै सम्पन्न अल नेपाल नाेभिस बक्सिङ प्रतियोगिता -२०७९ मा स्वर्ण पदक विजेता खेलाडीहरु प्रबल उप्रेती र आयुस थापा सहित रिजन गुरुङ, राेशन ठाकुर र बरिस्ठ बक्सिङ प्रशिक्षक ओलम्पियन डम्बर दत्त भट्ट सहभागी रहेकाछन् ।
खेलाडी बिदाई कार्यक्रममा संघका उपाध्यक्ष किरण बहादुर श्रेष्ठ, सदस्यहरु मान बहादुर भण्डारी, श्यामकाजी अवाले, आईटिओ पुष्करराज पन्त, प्रदेश खेलकुद विकास परिषद, बागमती प्रदेशका बाेर्ड सदस्य तथा आईबा टु स्टार रेफ्री/जज धनकुमार मैनाली लगाएत खेलप्रेमी महानुभावहरुकाे उपस्थिति रहेकाे थियाे ।
काठमाडौं, २७ फागुन । बाराको कोल्हवी नगरपालिका-५ का वडाध्यक्ष पक्राउ परेका छन् । वडाध्यक्ष नन्दकिशोर चौधरीलाई प्रहरीले आज पक्राउ गरेको हो ।
वन डिभिजन कार्यालय बाराका वन अधिकृतलाई दुर्व्यवहार गरेको आरोपमा चौधरी पक्राउ परेका हुन् । वन डिभिजन कार्यालयले अतिक्रमण हटाएर वृक्षारोपण गरेको जमीनको विषयमा छलफल गर्ने क्रममा वडाध्यक्ष चौधरीले अपशब्द प्रयोग गरेका थिए ।
घटनाको अनुसन्धानका लागि उनलाई प्रहरीले नियन्त्रणमा लिएको हो ।
सी जिनपिङ तेस्रो कार्यकालका लागि चीनको राष्ट्रपति चयन
काठमाडौं । सी जिनपिङ तेस्रो कार्यकालका लागि चीनको राष्ट्रपति बनेका छन् । उनी १४औं राष्ट्रिय जनकंग्रेसको जारी अधिवेशनबाट शुक्रबार सर्वसम्मतिले राष्ट्रपतिमा निर्वाचित भएका हुन् ।
ग्रेट हल अफ द पिपलमा उपस्थित नेशनल पिपुल्स कंग्रेस (एनपीसी) का झण्डै तीन हजार सदस्यहरूले ६९ वर्षीय सीलाई सर्वसम्मत रूपमा राष्ट्रपतिमा चयन गरेको समाचार एजेन्सी सिन्ह्वाले जनाएको छ । योसँगै उनले माओत्सेतुङपछिको सबैभन्दा शक्तिशाली नेताका रूपमा आफ्नो पकड बलियो बनाएका छन् ।
सीविरुद्धमा कोही प्रतिस्पर्धी थिएनन् । उनी देशको केन्द्रीय सैन्य आयोगको अध्यक्षमा पनि तेस्रो कार्यकालका लागि सर्वसम्मत निर्वाचित भएका छन् । झाओ लेजी संसदका नयाँ सभामुख र हान झेंग उपाध्यक्षमा निर्वाचित भएका छन् ।
सुनचाँदीको मुल्य स्थिर, प्रतितोला कति ?
काठमाडौं, १६ फागुन । मंगलबार नेपाली बजारमा सुनचाँदीको मुल्य स्थिर छ । आज छापावाला सुन प्रतितोला एक लाख १ हजार ८ सय रुपैयाँमा कारोबार भैरहेको छ । त्यस्तै तेजावी सुन प्रतितोला एक लाख १ हजार तिन सय रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ । चाँदी प्रतितोला एक हजार दुई सय ५५ रुपैयाँमा कारोबार भैरहेको छ ।
