मुख्य पृष्ठ हटलाइन समाचार शिक्षा / स्वास्थ्य राजनिती खेलकुद समाज अपराध अर्थ / व्यापार अन्तराष्ट्रिय भिडियो लेख तथा रचना

प्रचण्ड प्रधानमन्त्री बन्दै गर्दा नेपाल श्रीलंका बन्छ भन्थे, छोड्दै गर्दा २० खर्ब सञ्चित



News Title

असार २७ बिहिवार २०८१

काठमाडौं । प्रधानमन्त्री प्रचण्डले सरकारको नेतृत्व गर्दै गर्दा नेपाल श्रीलंका हुँदैछ भन्दै एकथरी अर्थविद्हरुले हल्ला चलाएका थिए । हुन पनि विदेशी विनिमय सञ्चिति सबैभन्दा कम रहेको थियो । केही संचारमाध्यम र विश्लेषकहरुले प्रचण्ड नेतृत्वको सरकारले अर्थतन्त्र समाल्न नसक्ने, आयत रोकिएर नागरिक श्रीलंकामजस्तै गरी सडकमा आउने, सिंहदरबार र बालुवाटारबाट शासकहरुलाई गलत्याउने विश्लेषण गरेका थिए । उनीहरुको उक्त मनगढन्ते विश्लेषण एकपछि अर्को झुट सावित हुँदै गयो ।

प्रधानमन्त्री प्रचण्डले अर्थतन्त्र सुधारको लागि आफैले नेपाल राष्ट्र बैंक, निजि क्षेत्र, व्यावसायी, उद्योगी, निर्माण क्षेत्रका सम्बन्द्ध सरोकारवाला निकायसँग पटकपटक छलफल गरे । प्रधानमन्त्री सरकारी खर्च कटौतीदेखि ओभर स्टाफिङ कम गर्नेलगायतका सबै उपाय लगाएर ओरालो लागेको अर्थतन्त्रलाई उकालोतिर फर्काएका थिए ।

श्रीलंका बन्दबाट जोगिएर उभो लागेको नेपालको अर्थतन्त्र प्रधानमन्त्री प्रचण्डले सरकारको नेतृत्वबाट बिदा हुँदैगर्दा सबै सूचक उल्लेख्यरुपमा सबैले देख्ने गरी सुधार भएका छन् । विदेशी विनिमय पनि झण्डै २० खर्ब पुगेको छ । त्यस्तै व्यापार घाटा पनि थोरै भएपनि घटेको छ ।

नेपाल राष्ट्र बैंकले बुधबार सार्वजनिक गरेको देशको पछिल्लो आर्थिक स्थितिको तथ्यांकअनुसार आर्थिक सूचकहरू सकारात्मक दिशातिर लम्किँनुको साथै महंगी पनि घटेको छ । केन्द्रीय बैंकका अनुसार जेठसम्म मूल्यवृद्धि ४.१७ प्रतिशत रहेको छ । विप्रेषण आप्रवाह १९.३ प्रतिशत बढेको छ । शोधनान्तर स्थिति ४ खर्ब २५ अर्ब ६७ करोडले बचतमा छ ।

कुल विदेशी विनिमय सञ्चिति १९ खर्ब ६७ अर्ब १९ करोड र अमेरिकी डलरमा १४ अर्ब ७२ करोड छ । सरकारको खर्च ११ खर्ब ८१ अर्ब ३० करोड र राजस्व परिचालन ९ खर्ब १९ अर्ब १९ करोड छ ।

चालू आर्थिक वर्षको जेठसम्म मूल्यवृद्धि ४.१७ प्रतिशत कायम छ । गत वर्षको वार्षिक बिन्दुगत उपभोक्ता मुद्रास्फीति ६.८३ प्रतिशत थियो । समीक्षा अवधिमा खाद्य तथा पेय पदार्थ समूहको मुद्रास्फीति ५.७६ प्रतिशत र गैर–खाद्य तथा सेवा समूहको मुद्रास्फीति २.९४ प्रतिशत रहेको छ । यस्तै खाद्य तथा पेय पदार्थ समूहअन्तर्गत तरकारी उप–समूहको वार्षिक बिन्दुगत मूल्य सूचकांक १६.०२ प्रतिशत, दाल तथा गेडागुडीको ११.७६ प्रतिशत, खाद्य तथा खाद्यजन्य पदार्थको ७.३२ प्रतिशत, चिनी तथा चिनीजन्य वस्तुको ६.९८ प्रतिशत र गैर–मदिराजन्य पेय पदार्थको ५.९५ प्रतिशतले बढेको छ भने घ्यू तथा तेल उप–समूहको वार्षिक बिन्दुगत मूल्य सूचकांक ५.५१ प्रतिशतले घटेको छ ।

गैर–खाद्य तथा सेवा समूहअन्तर्गत विविध वस्तु तथा सेवाहरू उप–समूहको वार्षिक बिन्दुगत मूल्य सूचकांक १२.४७ प्रतिशत, शिक्षाको ५.६४ प्रतिशत र कपडाजन्य तथा जुत्ता चप्पलको ३.४६ प्रतिशतले बढेको छ भने सञ्चार उप–समूहको वार्षिक बिन्दुगत मूल्य सूचकांक ०.४८ प्रतिशत र यातायातको ०.१८ प्रतिशतले घटेको छ ।

काठमाडौं उपत्यकाको वार्षिक बिन्दुगत उपभोक्ता मुद्रास्फीति ४.२५ प्रतिशत, तराईको ३.८२ प्रतिशत, पहाडको ४.६३ प्रतिशत र हिमालको ४.७७ प्रतिशत रहेको छ । अघिल्लो वर्षको सोही महिनामा उक्त क्षेत्रहरूको यस्तो मुद्रास्फीति क्रमशः ७.१९ प्रतिशत, ६.९३ प्रतिशत, ६.२८ प्रतिशत र ६.३९ प्रतिशत रहेको थियो ।

त्यसैगरी राष्ट्र बैंकले सार्वजनिक तथ्याङ्कअनुसार चालु खाता र शोधनान्तर स्थितिमा बलियो बन्दै गएको छ । जेठसम्म २ खर्ब ३९ करोडले चालु खाता बचतमा रहेको राष्ट्र बैंकले जनाएको छ । अघिल्लो वर्षको सोही अवधिमा चालु खाता ७९ अर्ब ५३ करोड रुपैयाँले घाटामा रहेको थियो । अमेरिकी डलरमा अघिल्लो वर्षको सोही अवधिमा ६१ करोड ३२ लाखले घाटामा रहेको चालु खाता समीक्षा अवधिमा १ अर्ब ५१ करोडले बचतमा रहेको छ ।

११ महिनाको अवधिमा पुँजीगत ट्रान्सफर २५.७ प्रतिशतले कमी आई ५ अर्ब ४६ करोड रुपैयाँ कायम भएको छ भने खुद प्रत्यक्ष वैदेशिक लगानी ८ अर्ब १६ करोड रुपैयाँले धनात्मक रहेको छ । अघिल्लो वर्षको सोही अवधिमा पुँजीगत ट्रान्सफर ७ अर्ब ३५ करोड रुपैयाँ कायम भएको थियो । त्यस्तै, खुद प्रत्यक्ष वैदेशिक लगानी ४ अर्ब ६५ करोड रुपैयाँले धनात्मक रहेको थियो ।

समीक्षा अवधिमा शोधनान्तर स्थिति ४ खर्ब २५ अर्ब ६७ करोड रुपैयाँले बचतमा रहेको छ । अघिल्लो वर्षको सोही अवधिमा शोधनान्तर स्थिति २ खर्ब २४ अर्ब ९० करोड रुपैयाँले बचतमा रहेको थियो । अमेरिकी डलरमा अघिल्लो वर्षको सोही अवधिमा १ अर्ब ७१ करोडले बचतमा रहेको शोधनान्तर स्थिति समीक्षा अवधिमा ३ अर्ब २० करोडले बचतमा रहेको छ ।

राष्ट्र बैंका अनुसार विदेशी विनिमय सञ्चिति अमेरिकी डलरमा १४ अर्ब ७२ करोड पुगेको छ । यो नेपाली रुपैयाँ १९ खर्ब ६७ अर्ब १९ करोड हुन आउँछ । यसअघि वि.सं २०८० असारसम्म १५ खर्ब ३९ अर्ब ३६ करोड रुपैयाँ बराबर रहेको थियो । यो अवधिमा २७.८ प्रतिशतले विदेशी विनिमय सञ्चिति बढेको राष्ट्र बैंकले जनाएको छ ।

नेपाल राष्ट्र बैंक बाहेकसँग रहेको विदेशी विनिमय सञ्चिति २०८० असार मसान्तमा १ खर्ब ९३ अर्ब ५९ करोड रुपैयाँ रहेको थियो भने २०८१ जेठ मसान्तमा १०.८ प्रतिशतले वृद्घि भई २ खर्ब १४ अर्ब ४२ करोड रुपैयाँ जम्मा भएको छ । यो अवधिमा विदेशी विनिमय सञ्चितिमा भारतीय मुद्राको अंश २२.३ प्रतिशत रहेको छ ।

प्रचण्डले सरकारको नेतृत्व गरेपछि हुण्डी कारोबारलाई निरत्साहित गर्ने र वैधानिक बाटोबाट रेमिट्यान्स पठाउन सहज वातावरण बनाइएको थियो । त्यसैको परिणम हो एकपछि अर्को रेमिट्यान्समा नयाँनयाँ रेकर्ड बन्दै गएका छन् ।
राष्ट्र बैंका अनुसार पछिल्लो ११ महिनाको अवधिमा १३ खर्ब २७ अर्ब ५१ करोड रुपैयाँ रेमिट्यान्स भित्रिएको छ । समीक्षा अवधिमा विप्रेषण आप्रवाह १९.३ प्रतिशत बढेको देखिएको छ ।

त्यसैगरी कुल वस्तु व्यापार घाटा पनि घटेको राष्ट्र बैंकले जनाएको छ । आर्थिक वर्ष २०८०÷८१ को ११ महिनामा कुल वस्तु व्यापार घाटा १.७ प्रतिशतले कमी आई १३ खर्ब १४ अर्ब ४४ करोड रुपैयाँ कायम भएको राष्ट्र बैंकले जनाएको छ ।

ताजा समाचार


प्रधानमन्त्री ओलीको नियुक्तिविरुद्ध सर्वोच्चमा अर्को रिट दर्ता

काठमाडौं। प्रधानमन्त्री केपी शर्मा ओलीको नियुक्ति बदरको माग गर्दै सर्वोच्च अदालतमा अर्को रिट दर्ता भएको छ। बिहीबार अधिवक्ता विजय हमालले संविधानको धारा ७६ (३) वमोजिम प्रधानमन्त्री नियुक्तिको माग गर्दै सर्वोच्चमा रिट दायर गरेका हुन्।

राष्ट्रपति रामचन्द्र पौडेलले संविधानको धारा ७६ (२) अनुसार ३० असारमा एमाले अध्यक्ष ओलीलाई प्रधानमन्त्रीमा नियुक्त गरेका थिए। संविधानको धारा ७६ को उपधारा ३ बमोजिम नयाँ सरकार गठन हुनुपर्ने रिट निवेदकले गरेका छन्। रिटमा राष्ट्रपति कार्यालय, प्रधानमन्त्री केपी शर्मा ओली तथा मन्त्रीपरिषदरको कार्यालय, नेकपा एमाले संसदीय दलको कार्यालय, नेपाली कांग्रेस संसदीय दल कार्यालयलाई विपक्षी बनाइएको छ। उक्त रिटमाथि सुनुवाइका लागि साउन ६ गते पेसी तोकिएको छ।

यस अघि पनि असार ३१ गते केपी ओलीको नियुक्ति गैरसंवैधानिक भएको भन्दै सर्वोच्च अदालतमा रिट दर्ता भएको थियो। अधिवक्ताहरू दीपक अधिकारी खगेन्द्रप्रसाद चापागाईं र शैलेन्द्रकुमार गुप्ताले उत्प्रेषणयुक्त परमादेश माग गर्दै सर्वोच्चमा रिट दायर गरेका थिए।

 



पुरा हेर्नुहोस्

सुकुम्बासी बस्ती हटाउन बालेनलाई बाटो खुल्यो

साउन २ गते बुधबार, २०८१ 
काठमाडौं । काठमाडौं महानगरपालिकाका मेयर बालेन्द्र शाहको नदी किनारमा रहेका सुकुम्बासी बस्ती हटाउने योजना कार्यान्वयनका लागि बाटो खुलेको छ । यसका लागि गत पुसमा अदालतलेगरेको फैसलाको पूर्णपाठ सार्वजनिक भएको छ ।


यससँगै अब मेयर बालेन शाहले आफ्नो योजना कार्यान्वयन गर्न पाउने छन् । यसअघि पटक पटक सुकुम्बासी बस्ती हटाउन खोजे पनि अदालतको आदेशले उनको काम रोकिँदै आएको थियो ।

सर्वोच्च अदालतका न्यायाधीशद्वय आनन्दमोहन भट्टराई र विनोद शर्माको संयुक्त इजलासले नदीमा प्रदूषण नियन्त्रण गर्न तथा नदी किनाराका जग्गाको अतिक्रमण हटाउन परमादेश जारी गरेको हो।

जनहित संरक्षण मञ्चका तर्फबाट अधिवक्ताहरू प्रकाशमणि शर्मा, नारायण बेल्बासे, रमा पन्त खरेलसहितका ६ जनाले २०६८ को बैशाखमा रिट दायर गरेका थिए । उक्त रिटमा न्यायाधीशद्वयले गत पुसमा नै फैसला गरेका थिए । उक्त फैसलाको पूर्णपाठ हालै सार्वजनिक भएको हो ।

फैसलाको पूर्णपाठले भने सुकुम्बासीहरूलाई विकल्प दिएर नदी किनारका बस्ती हटाउन बाटो खोलिदिएको छ ।

सर्वोच्चको परमादेशमा भनिएको छ, “वास्तविक सुकुम्बासीहरूको पहिचान गरी इचंगुनारायणमा बनाइएको आवासमा स्थानान्तरण गर्न, त्यसले नपुगे आवश्यक संख्यामा अन्यत्र आवास निर्माण गर्न र ती स्थानहरूमा जान नचाहने, तत्काल वैकल्पिक व्यवस्था नभएका वास्तविक सुकुम्बासीहरूको हकमा स्थानान्तरणको सहजीकरणका लागि तत्काल राहतको रूपमा नगद प्रदान गरी अतिक्रमण हटाउनू ।”



पुरा हेर्नुहोस्

बागमती प्रदेश स्केटिङ तथा स्केट्बोर्डिङ्ग संघ को ८१/८२ को कार्ययोजना सार्बजनिक

साउन २ गते बुधबार, २०८१

काठमाडौं । बागमती प्रदेश स्केटिङ तथा स्केट्बोर्डिङ्ग संघ को ८१/८२ को कार्ययोजना सार्बजनिक भएकाे छ । बागमती प्रदेशका अध्यक्ष श्रेष्ठले ८१/८२ को कार्ययोजना सार्बजनिक गरेकाछन् । 

बागमती प्रदेश स्केटिङ तथा स्केट्बोर्डिङ सङ्घका ८१/८२ कार्ययोजनाहरु यसप्रकार रहेकाे छ ।
१. बाग्मती प्रदेशका १३ जिल्लामा रहेका सम्पुर्ण क्लवहरुलाई यस सङ्घ सम्बन्धन लिन पर्ने ।
२.अब प्रत्यक क्लव ,स्कुल ले बाग्मती प्रदेश बाट सर्टिफाइड कोच हरु मात्र राख्न पाउने।
३.यस खेलमा सद्भाव राख्नेहरुलाई आजिवन सदस्य बन्न पेरित गर्ने।
स्केट् को प्लयेर हरुलाई उप्त्यका को स्कुल , कलेजमा छात्रवृत्ति को ब्यावस्था मिलाउने ।
४.बागमती प्रदेश बाट बाहिर देश खेल्न जाने खेलाइडिहरुलाई सङ्ग ले केन्द्र , रा. खे . प. संघ  समन्य गरेर निशुल्क पठाउने ।
५.बागमती प्रदेश अन्तरगत पर्ने स्थानमा स्केट पार्क पालिका या ब्यापरिक परियोजन को लागि बनाउन्दा यस संघ  सङ्ग स्वीकृति लिनु पर्ने र संघ को  गाइड लाइन्स अनुसार बनाउने पर्ने ।
६.संघ को जर्सी अनिवार्य रुपमा कम्तिमा ५ वटा आफ्नो आउट्लेट्मा राख्नु पर्ने।
७.यस ८१/८२ आर्थिक बर्ष पालिका,वडा सङ्ग समन्य गरेर दुइटा स्केट पार्क बनाउने (रसुवाको रेड पान्डा पार्क भित्र ,भक्तपुर को चिल्ड्रेन पार्क भित्र) र दुइटा सरकारी स्कुलमा स्केट मैदान बनाउने काभ्रेको को बिधालय र भक्तपुर को बिधालयमा)
८.रसुवा जिल्लाको गोसाइँकुण्ड मा फिगर स्केटिङ्ग र आईस हकि गराउने आफ्नो कार्यकाल अवधि भरीमा।
बाग्मती प्रदेश को खेलाडी निर्जरा श्रेष्ठले रोलर स्केट्को  केही झलकहहरु प्रदर्शन गरका थिए । भने प्रत्येक जिल्लामा एक कोच राख्ने, संघकाे कार्यकाल अवधिमा २२ जना प्रदेशको खेलाडी बनाउने र खेलाडिले पाउने सम्पुर्ण सुबिधाहरु उप्लब्ध गराउने, स्केट खेलाडि स्वास्थ बिमा गराउने समेत याेजना रहेकाे बताएकाछन् ।

प्रदेश संघका सहयाेगी (स्पोन्सर) प्रतिनिधिहरु इ. परिवेष कोइराला र रोजन भासिमाले संघलाई सधै आबश्यक आर्थिक सहयोग गर्ने, स्केट खेल ब्यक्तिगत खेल्न मिल्ने हुनाले चाडै नै नेपालमा लोकप्रीय हुने बताएका छन् ।

बागमती कोच रोनित पुजारीले आफ्नो १५ बर्ष यस खेललाई रात दिन नभनिकन एक चित भएर महेनत गरेकाे अनुभव ब्यक्त गरेका थिए । 

प्रमुख अतिथी डा. ई. दहाल ले  नि आफ्नो समर्थन र देशलाई पर्यटकिय महत्वको कोणबाट नि  यस खेलले टेवा पुर्याउने र आइस हकि गराउनु पर्नेमा जोड दिएका छन् ।

संघकाे वार्षिक याेजनामा केन्द्रका प्रतिनिधि महा सचिव ई. सत्य थापाले बागमती प्रदेशलाई सक्दो सयोग गर्ने कुरा बताए ।

कार्यक्रमको सन्चालन बागमति प्रदेश मह सचिव साजन देउजाले गरेका थिए भने स्वागत मन्तव्य उपाध्यक्ष बिकाश लामाले गरेका थिए ।

ललितपुरको आइलिव बर्गर एण्ड बारबिक्युमा आषाढ ३१ गते बागमती प्रदेशका अध्यक्ष  ई. प्रकाश श्रेष्ठकाे अध्यक्षतामा प्रमुख अतिथि डा. ई. राजकुमार दाहल, विशिष्ट अतिथी केन्द्रका महासचिव ई. सत्य थापा, विशिष्ट अतिथी रोनित पुजारी (बागमती प्रदेश कोच),  अतिथी सुमित के.सि. (मकवानपुर अध्यक्ष ), अतिथी नवारज खड्का (दोलखा अध्यक्ष), अतिथी प्रेम थिङ, अतिथी व्हाइट रयाविट स्टुडियो का सि.इ.ओ. ई. परिवेष कोइराला(स्पोन्सर), डाइनमिक स्केट क्लब का  सि.इ.ओ. रोजन भासिमा(स्पोन्सर)काे आतिथ्यता तथा 
संघका उपाध्यक्ष बिकाश लामा, ई. सुमन कट्टेल, महासचिव साजन देउजा, कोषाध्यक्ष अनिष बानिया, सहसचिव माईकल पर्जा, सदस्यहरु सन्जिव भट्टराई, बिपिन कुइकेल, राम दहाल, आरती लामा लगाएतकाे उपस्थिति रहेका थियाे ।



पुरा हेर्नुहोस्


सुकुम्बासी बस्ती हटाउन बालेनलाई बाटो खुल्यो

साउन २ गते बुधबार, २०८१ 
काठमाडौं । काठमाडौं महानगरपालिकाका मेयर बालेन्द्र शाहको नदी किनारमा रहेका सुकुम्बासी बस्ती हटाउने योजना कार्यान्वयनका लागि बाटो खुलेको छ । यसका लागि गत पुसमा अदालतलेगरेको फैसलाको पूर्णपाठ सार्वजनिक भएको छ ।


यससँगै अब मेयर बालेन शाहले आफ्नो योजना कार्यान्वयन गर्न पाउने छन् । यसअघि पटक पटक सुकुम्बासी बस्ती हटाउन खोजे पनि अदालतको आदेशले उनको काम रोकिँदै आएको थियो ।

सर्वोच्च अदालतका न्यायाधीशद्वय आनन्दमोहन भट्टराई र विनोद शर्माको संयुक्त इजलासले नदीमा प्रदूषण नियन्त्रण गर्न तथा नदी किनाराका जग्गाको अतिक्रमण हटाउन परमादेश जारी गरेको हो।

जनहित संरक्षण मञ्चका तर्फबाट अधिवक्ताहरू प्रकाशमणि शर्मा, नारायण बेल्बासे, रमा पन्त खरेलसहितका ६ जनाले २०६८ को बैशाखमा रिट दायर गरेका थिए । उक्त रिटमा न्यायाधीशद्वयले गत पुसमा नै फैसला गरेका थिए । उक्त फैसलाको पूर्णपाठ हालै सार्वजनिक भएको हो ।

फैसलाको पूर्णपाठले भने सुकुम्बासीहरूलाई विकल्प दिएर नदी किनारका बस्ती हटाउन बाटो खोलिदिएको छ ।

सर्वोच्चको परमादेशमा भनिएको छ, “वास्तविक सुकुम्बासीहरूको पहिचान गरी इचंगुनारायणमा बनाइएको आवासमा स्थानान्तरण गर्न, त्यसले नपुगे आवश्यक संख्यामा अन्यत्र आवास निर्माण गर्न र ती स्थानहरूमा जान नचाहने, तत्काल वैकल्पिक व्यवस्था नभएका वास्तविक सुकुम्बासीहरूको हकमा स्थानान्तरणको सहजीकरणका लागि तत्काल राहतको रूपमा नगद प्रदान गरी अतिक्रमण हटाउनू ।”

पुरा हेर्नुहोस्


कोलम्बियालाई हराउँदै अर्जेन्टिना लगातार दोस्रोपल्ट कोपा अमेरिका च्याम्पियन

असार ३१, २०८१
काठमाडौँ । सब्स्टिच्युट लउटारो मार्टिनेजले अतिरिक्त समयमा गरेको गोलमा अर्जेन्टिनाले कोपा अमेरिकाको फाइनलमा कोलम्बियालाई १–० ले पराजित गर्दै सोमबार उपाधि जितेको छ । यससँगै डिफेन्डिङ च्याम्पियन अर्जेन्टिनाले उपाधिको रक्षा पनि गरेको छ ।

विश्व च्याम्पियन पनि रहेको अर्जेन्टिनाले कोपा अमेरिका जितेको यो लगातार दोस्रो पल्ट हो । निर्धारित समयको खेल गोलरहित बराबरीमा टुंगेपछि प्रतिस्पर्धा अतिरिक्त समयमा गएको हो ।

यसको १ सय १२ औं मिनेटमा जियोभानी लो सेल्सोको सटिक पासमा इन्टर मिलानका फरवार्ड मार्टिनेजले गोल गरेका हुन् । यस जितसँगै अर्जेन्टिना कोपा अमेरिकाको सबैभन्दा सफल टिम भएको छ ।

उसले दक्षिण अमेरिकी फुटबलका सबैभन्दा ठूलो प्रतियोगिता जितेको यो १६ पटक हो । यसअघि १५ पटक जितेर उरुग्वेसँग बराबरीमा रहेको थियो ।

अर्जेन्टिनाका लागि एन्जेल डी मारियाले अन्तिम पटक खेले र यससँगै उनले अन्तर्राष्ट्रिय फुटबलबाट सन्यास लिएका छन् । सम्भवतः आफ्नो अन्तिम कोपा अमेरिका खेलिरहेका लियोनल मेसी भने पूरा समय मैदानमा रहेनन् । चोटका कारण खेलको ६५ औं मिनेटमा उनी मैदान छाड्न बाध्य रहे ।

पुरा हेर्नुहोस्


गीतकार आङ्बुहाङको चार गीति भिडियो सार्वजनिक

साउन १ गते, मंगलबार २०८१ 

काठमाडौँ– गीतकार कल्पना आङ्बुहाङको चार गीति भिडियो सार्वजनिक भएको छ ।

जमलस्थित राष्ट्रिय नाचघरमा गीतकार सङ्घ नेपालको आयोजनामा गरिएको कार्यक्रममा वरिष्ठ गायिका मीरा राणा, सङ्गीतकार बुलु मुकारुङ, नारायण गोपाल सङ्गीत कोष एवं तारा देवी स्मृति फाउन्डेसनका अध्यक्ष दीपक केसी, गीतकार सङ्घका अध्यक्ष बसन्त वित्यासी थापा, निवर्तमान अध्यक्ष शुभ मुकारुङ लगायतको उपस्थितिमा गीतका भिडियोहरु सार्वजनिक गरिएको हो ।

सार्वजनिक भिडियोहरुमा ‘पेलि फाक् सेवारो,’ ‘परदेशी जीवन,’ ‘पत्थर कोइला,’ र ‘हुलाकी दाई’ हुन् । सार्वजनिक गीत अनि भिडियोको समीक्षा सङ्गीतकार मुकारुङले गरेका थिए ।

कार्यक्रममा संघका अध्यक्ष थापाले हरेक गीतकारहरुले आफ्नो मनसँगै आफ्नोपन, परिवार, समाज, समुदाय, भेग, परम्परा संस्कृति एवं जागरण, चेतना, सन्देश, ज्ञान दिलाउने गीतहरु लेख्नुपर्ने धारणा राखे ।

उनले भने, ‘रहर र मनोरञ्जनको रूपमा मात्रै गीतलाई लिनु हुँदैन यो बौद्धिक सम्पत्ति हो । गीत सिर्जनाले आर्थिक आय आर्जन पनि गर्दछ र समाजलाई समृद्धिको बाटो साथै देशको विकासमा पनि टेवा पुर्‍याउँछ ।’

कार्यक्रममा गीत सङ्गीत, साहित्य, कलाकर्मी, पत्रकार क्षेत्रका प्रतिष्ठित व्यक्तित्वको उपस्थित रहेको थियो ।

पुरा हेर्नुहोस्



शिक्षा / स्वास्थ्य


अरु हेर्नुहोस्


लेख तथा रचना


अरु हेर्नुहोस्


अन्तराष्ट्रिय


  • ⇒ कोलम्बियालाई हराउँदै अर्जेन्टिना लगातार दोस्रोपल्ट कोपा अमेरिका च्याम्पियन
  • ⇒ अमेरिकी पूर्वराष्ट्रपति ट्रम्प गोली प्रहारबाट घाइते, दुईको मृत्यु
  • ⇒ युक्रेनसँग शान्ति वार्ता सुरु गर्न पुटिनले राखे दुई शर्त
  • ⇒ २० वर्षपछि सौर्य आँधी पृथ्वीसँग ठोक्कियो, लद्दाखदेखि फ्लोरिडासम्म रङ्गीन प्रकाश देखियो
  • ⇒ रामेछापका पाण्डेद्वारा अफ्रिकाको सर्वोच्च शिखर किलिमञ्जारोको सफल आरोहण
  • अरु हेर्नुहोस्


    अन्य


  • ⇒ प्रधानमन्त्री ओलीको नियुक्तिविरुद्ध सर्वोच्चमा अर्को रिट दर्ता
  • ⇒ बागमती प्रदेश स्केटिङ तथा स्केट्बोर्डिङ्ग संघ को ८१/८२ को कार्ययोजना सार्बजनिक
  • ⇒ कोलम्बियालाई हराउँदै अर्जेन्टिना लगातार दोस्रोपल्ट कोपा अमेरिका च्याम्पियन
  • ⇒ डा रुइतलाई श्रीपति समाजसेवा पुरस्कार
  • ⇒ मानव सेवा आश्रमलाई नबिल बैंकले दियो २ थान उद्धार वाहन
  • अरु हेर्नुहोस्