मुख्य पृष्ठ हटलाइन समाचार शिक्षा / स्वास्थ्य राजनिती खेलकुद समाज अपराध अर्थ / व्यापार अन्तराष्ट्रिय भिडियो लेख तथा रचना

कृषि तथा सहकारी


ललितपुर । ललितपुर जिल्ला बचत तथा ऋण सहकारी संघकाे २८ औं साधारण सभाबाट पुन: अध्यक्षमा रामहरि बजगाई निर्वाचित भएकाे छ । अध्यक्षमा बिजयी भएका बजगाईले २२५ मत ल्याएका थिए । भने उनका प्रत्यासी उम्मेदवार नरेन्द्र महर्जनले १३३ मत ल्याएका थिए ।

बरिस्ठ उपाध्यक्ष, उपाध्यक्ष र काेषाध्यक्षमा रामहरि बजगाई प्यानलकै उम्मेदवारहरु क्रमश: करुणारत्न बज्राचार्य २३३ मत, लक्ष्मी शाक्य २३८ मत र वसन्त माली २०४ मत ल्याई बिजयी भएका छन् । सचिवमा भने स्वतन्त्र उम्मेदवार श्यामकृष्ण महर्जन १९२ मत ल्याई बिजयी भए । स्वतन्त्रमा उम्मेदवारमा बियय भएका महर्जन यस अघिकाे कार्यकालमा पनि संघका सचिव थिए ।

संघकाे संचालकमा
१. सानुकाजी महर्जन २५३ मत
२. रमिला महर्जन २४५ मत
३. सरिता महर्जन अवाले २४२ मत
४. नवराज बस्ताकाेटी २१९ मत
५.  उर्मिला सापकोटा शाक्य २१२ मत
६.  बिनाेद महर्जन २०३ मत
७. कृष्ण देशार २०३ मत
८. राजेन्द्र घिमिरे १९७ मत
९. देवेन्द्र श्रेष्ठ १९३ मत
१०. राजकृष्ण महर्जन १८२ मत
मत ल्याई बिजयी भएका छन् ।

लेखा सुपरिवेक्षण संयाेजक सानुकाजी महर्जन २३५ मत ल्याई बिजयी भए ।  भने सदस्यमा लक्ष्मी श्रेष्ठ १८४ कान्छा बज्राचार्य २१८ मत ल्याई बिजयी भएकाे निर्वाचन समितिका संयाेजक लक्ष्मण महर्जनले बताए ।

ललितपुर जिल्ला बचत तथा ऋण सहकारी संघमा ४ सय ८१ वटा सहकारी संस्था सदस्य छन् । त्यसमध्ये ३ सय ६८ वटा प्रतिनिधि साधारण सभामा सहभागी  भएकाेमा ३ सय ६३ मत मात्र खसेकाे थियाे । ७ वटा विद्युतिय मतदानबाट मतदान भएकाे थियाे ।

ललितपुर महालक्ष्मीस्थान स्थित डिलाईट पार्टी प्यालेसकाे सभा हलमा राष्ट्रिय सहकारी महासंघका अध्यक्ष मिनराज कडेलकाे प्रमुख आतिथ्यतामा संघकाे २८ औं साधारण सभा सम्पन भएकाे थियाे ।

पुरा हेर्नुहोस्

ललितपुर । ललितपुर जिल्ला बचत तथा ऋण सहकारी संघकाे २८ औं साधारण सभाबाट पुन: अध्यक्षमा रामहरि बजगाई निर्वाचित भएकाे छ । अध्यक्षमा बिजय भएका बजगाईले २२५ मत ल्याएका थिए भने प्रत्यासी उम्मेदवार नरेन्द्र महर्जनले १३३ मत ल्याएका थिए ।

ललितपुर जिल्ला बचत तथा ऋण सहकारी संघमा ४ सय ८१ वटा सहकारी संस्था सदस्य छन् । त्यसमध्ये ३ सय ६८ वटा प्रतिनिधि साधारण सभामा सहभागी  भएकाेमा ३ सय ६३ मत मात्र खसेकाे थियाे । ७ वटा विद्युतिय मतदानबाट मतदान भएकाे थियाे ।

ललितपुर महालक्ष्मीस्थान स्थित डिलाईट पार्टी प्यालेसकाे सभा हलमा राष्ट्रिय सहकारी महासंघका अध्यक्ष मिनराज कडेलकाे प्रमुख आतिथ्यतामा संघकाे २८ औं साधारण सभा सम्पन भएकाे थियाे ।

पुरा हेर्नुहोस्

संघमा चुनावी सरगर्मी : बजगाई र महर्जनको प्यानलसहित भिडन्त भाेटिङ हुँदै 

ललितपुर । ललितपुर जिल्ला बचत तथा ऋण सहकारी संघकाे २८ औं साधारण सभा संघका अध्यक्ष रामहरि बजगाईकाे अध्यक्षतामा राष्ट्रिय सहकारी महासंघका अध्यक्ष मिनराज कडेलकाे प्रमुख आतिथ्यतामा महालक्ष्मीस्थान स्थित डिलाईट पार्टी प्यालेसकाे सभाहलमा सुभारम्भ भएकाे छ । 

संघका सचिव श्यामकृष्ण महर्जनकाे संचालनमा सुभारम्भ भएकाे उद्घाटन सत्रमा विशेष अथितिकाे रुपमा राष्ट्रिय सहकारी महासंघका उपाध्यक्ष ओमदेवी मल्ल, सहकारी अभियानका नेतृत्वकर्ताहरु रामप्रसाद आचार्य, केदार गाेर्खाली, रामशरण बस्नेत, कृष्ण सापकोटा, अम्बिका थापा, राेहिणी जाेशी, चन्द्रलाल डंगाेल, तेज प्रसाद बजगाई लगाएतका व्यक्तिहरुकाे उपस्थिति रहेकाे थियाे ।

उपस्थित सम्पूर्ण व्यक्तित्वहरुलाई  संघका बरिस्ठ उपाध्यक्ष करुणाराज बज्राचार्यले स्वगत मन्तब्यद्वारा स्वागत गरेका थिए । सर्वसम्मत नेतृत्व चयनकाे कसरत टुङ्गिएकाले नयाँ नेतृत्व चयनका लागि चुनाब हुने निश्चित भएकाे छ ।

सहकारी चुनावी सरगर्मी सुरु भएको छ । सहमतिमा नेतृत्व छनोट गर्ने प्रयास भएपनि वर्तमान अध्यक्ष रामहरी बजगाई र सञ्चालक नरेन्द्र महर्जनले प्यानलसहित उम्मेदवारी दिएपछि चुनाव हुन लागेको हो । संघको भदौं २७ गते आज हुने २८ औं वार्षिक साधारणसभाले नयाँ नेतृत्व चयन गर्नेछ । 

समाचार स्रोतका अनुसार बजगाईले महर्जनलाई वरिष्ठ उपाध्यक्ष वा सचिव बन्नका प्रस्ताव गरेका थिए । तर, महर्जनले अघिल्लो पटकको साधारणभामै सचिव छोडेको भन्दै यसपाली अध्यक्ष नै चाहिने अडान लिएपछि सहमति हुन सकेन ।

बजगाईको प्यानलबाट वरिष्ठ उपाध्यक्षमा करुणारत्न बर्जाचार्य, उपाध्यक्षमा लक्ष्मी शाक्य, सचिवमा दिपक घिमिरे र कोषाध्यक्षमा बसन्त माली छन् ।

यस्तै महर्जनको प्यानलमा वरिष्ठ उपाध्यक्ष कर्ण देसार, उपाध्यक्षमा उजला बज्राचार्य शाक्य, सचिवमा राजु ताम्राकार र कोषाध्यक्षमा विभोषण शाक्य छन् । अध्यक्षका उम्मेदवारमध्ये बजगाई सहकारी अभियानमा पूरानो, अनुभवी र खारिएका व्यक्ति मान्छिन् ।

उनको प्यानलमा रहेका पदाधिकारीको संस्था समेत ठूला र अब्बल रहेको बजगाई बताउँछन् । ‘सहमतिका लागि अन्तिमसम्म बसियो तर उहाँहरु सहमतिमा जान मान्नुभएन, पहिल्यैदेखि तयारी रहेछ ।’ उनले भने, ‘बाँकी काम पूरा गर्न एक कार्यकालमा नेतृत्व गर्ने चाहाना गरेको छु।’ यो कार्यकालमा रचनात्मक काम गरेको र आगामी कार्यकालमा अझ राम्रोसँग काम गर्ने उनको दावी छ। 

बजगाईले संघबाट आधुनिक ब्यवस्थापन सहित बित्तिय सेवा दिने, ५५ करोडको कारोबारलाई २ अर्ब १२ करोड पुर्याउने, नियमित शिक्षा तालिम तथा नियमन निकायसँग बहस पैरवी गर्ने योजना रहेको बताए ।

यस्तै स्थानीय सरकारसँग साझेदारी कार्यक्रम, समस्याग्रस्त सहकारीमा बिज्ञ सहित आर्थिक सहायता, चुस्त  अनुगमन, न्यायोचित कार्य बिभाजन र उपसमिति परिचालन, बित्तिय  साक्षरता कार्यक्रम, नीति विधि र प्रविधि मैत्री संस्था निर्माणमा जोड दिने उनको योजना छ । 

यसैगरी संस्था एकीकरण प्रक्रियामा जोड, सुशासनका लागि सञ्चालकहरुको क्षमता अभिवृद्दि गर्ने, अन्तर जिल्ला समन्वय क्रियाकलाप, बैक नेफ्सकुन र बचत संघबिच समन्वयात्मक कार्यक्रम, जिल्ला संघ र बिषयगत  संघसँग अन्तरंग बहस पैरवी, न्यायोचित  संस्था सम्मान  तथा प्रोत्सान कार्यक्रम, निरन्तर सहकारी अभियानको पहरेदार, निशुल्क प्रशिक्षणलगायतका काम गर्ने बजगाईको योजना छ ।

अध्यक्षका अर्का दावेदार महर्जन आफुले नेतृत्व गर्दा सहकारीमा समस्या सम्बोधन गर्न पहल गर्ने, तरलता अभाव हटाउने बताउँछन् । ‘केही खराब संस्था पनि छन्, भ्रम चिर्न नसक्दा पनि सबै सहकारी समस्यामा छन्’ उनले भने, ‘सहकारीको बदमासी रोक्दै सुशासन ल्याउन मेरो पहल हुनेछ ।’

संघको वर्तमान नेतृत्वले काम गर्न नसकेकाले आफुले नेतृत्व गर्न लागेको पनि उनले दावी गरे । ‘नेतृत्वले धेरै काम गर्न सक्थ्यो तर खासै केही काम गरेन’ उनले भने । बचत संघमा ४ सय ८१ वटा सहकारी संस्था सदस्य छन् । त्यसमध्ये ३ सय ६८ वटा प्रतिनिधि रहेका छन् ।

पुरा हेर्नुहोस्

ललितपुर । २०७८ बैसाख ३० गते सम्पन्न स्थानीय तहकाे निर्वाचनमा ललितपुर महालक्ष्मी नगरपालिका ५ वडा अध्यक्षमा निर्वाचित कपिल केसीलाई आधारशिला बचत तथा ऋण सहकारी संस्थाले सम्मान गरेकाे छ ।

वडा अध्यक्षमा निर्वाचित अधिवक्ता कपिल केसी २०७१ साल साउन २ गते बाट संस्थाकाे सेयर सदस्यकाे रुपमा आबद्ध भै साेही साल भदाै १ गते देखि संचालन समिति सदस्य भएका थिए । संस्थाकाे नबाैँ साधरण सभाबाट संचालन समितिकाे उपाध्यक्षमा निर्वाचित भै ४ वर्षे कार्यकाल पूरा गर्दै २०७७ अाश्विन ३ गते सम्पन्न दशाैँ साधरण सभाबाट संस्थाकाे अध्यक्षमा निर्वाचित भएका थिए । अध्यक्षमा निर्वाचित भए पश्चात् सहकारी भवन निर्माण गर्ने देखि लिएर संस्थालाई उत्कृष्ट र सफल बनाउन विभिन्न महत्त्वपूर्ण र एतिहासीक कार्य गर्न सफल भएकाे साे संस्थाका कार्यकारी निर्देशक इन्द्र श्रेष्ठले बताए ।

आधारशिला बचत तथा ऋण सहकारी संस्थाका अध्यक्ष  अधिवक्ता कपिल केसी गत बैसाख ३० मा सम्पन्न स्थानीय चुनावमा वडा अध्यक्षमा निर्वाचित भए पश्चात् अध्यक्ष केसीले सार्वजनिक पदमा निर्वाचित भएको कारण देखाई  प्रचलित सहकारी ऐन कानुन अनुसार संचालक अध्यक्ष पदबाट दिएकाे राजीनामा संस्थाकाे आजकै बैठकबाट स्विकृत गरी आगामी साधारण सभा सम्मलाई उपाध्यक्ष प्रेम ब कार्कीलाई कार्यवाहक अध्यक्ष तोक्ने र निवर्तमान  अध्यक्ष एवं वडाध्यक्ष कपिल के.सी. लाई सल्लाहकार सदस्यमा नियुत्त गर्ने निर्णय समेत गरेकाे छ ।

संस्थाले निवर्तमान अध्यक्ष कपिल के.सी महालक्ष्मी न.पा.को वडा नं.५ को वडाध्यक्षमा निर्वाचित भएकोमा संस्थाको तर्फबाट सम्मान पत्र, मायाकाे चिनाेबाट सम्मान सहित हार्दिक बधाई तथा सफल कार्यकालको शुभकामना समेत व्यक्त गरेकाे छ ।

पुरा हेर्नुहोस्

ललितपुर । सम्माननीय उपराष्टपति नन्द बहादुर पुनकाे प्रमुख आतिथ्यतामा ललितपुर जिल्ला बचत तथा ऋण सहकारी संघ लिमिटेडकाे  चाैथाे ललितपुर साकाेस समिट-२०७८ सुरु भएकाे छ ।

चाैथाे ललितपुर साकाेस समिटकाे उद्घाटन सम्माननीय उपराष्ट्रपति नन्द बहादुर पुनले पानसमा दीप बालेर सुभारम्भ गर्नु भएकाे थियाे । कार्यक्रममा विशिष्ट अथितिकाे रुपमा नेपाल सरकारका उर्जा, जलस्रोत तथा सिचाई मन्त्री माननीय पम्फा भुषाकाे  उपस्थिति रहेकाे थियाे ।

चाैथाे साकाेस समिट कार्यक्रममा सम्माननीय उपराष्टपति पुनले ३ दिने समिटकाे भब्य सफलताकाे शुभकामना दिनुहुदै नेपाली जनताले राजनैतिक परिवर्तनका लागि झण्डै सात दशक लामाे संघर्ष गरे सबै खालका क्रान्ति तथा आन्दाेलनबाट नेपालमा गणतन्त्र, संघियता धर्म निरपेक्षता, सामाजिक न्याय सहितकाे समानुपातिक समावेशी ब्यवस्थालाई नयाँ संविधानले संस्थागत गरेकाे छ । नयाँ संविधान मार्फत प्रतेक नेपाली जनताकाे आर्थिक सामाजिक रुपान्तरण सहित सुन्दर र समृद्ध समाज निर्माणकाे परिकल्पना गरेकाे बताउनुभयाे ।
शाेषण रहित समाज निर्माण गर्न, राष्ट्रिय अर्थतन्त्रलाई आत्मनिर्भर स्वतन्त्र  तथा उन्नतिशील बनाउदै समाजवाद प्रति प्रतिबद्ध, समाजवाद उन्मुख स्वतन्त्र र समृद्ध अर्थतन्त्रको विकास गर्ने राज्यकाे आर्थिक उद्देश्य हाे । त्यसका लागी सरकारले  सार्वजनिक, निजि र सहकारी क्षेत्रकाे सहभागी रहने गरि तीन खम्बे अर्थ नीति लिएकाे कुरा सबैलाई जानकारी रहेकाे बताउनु भयाे । 

सार्वजनिक, निजी र सहकारी क्षेत्रकाे सहभागी तथा  विकास मार्फत उपलब्ध साधन स्राेतकाे अधिकतम परिचालन गरि तिब्र आर्थिक वृद्धि हासिल गर्दै दिगाे आर्थिक विकास गर्ने र न्यायाेचित बितरण गरी आर्थिक असमानताकाे अन्त गर्दै समाजवाद उन्मुख अर्थतन्त्रको विकास गर्ने लक्ष्य रहेकाे बताउनुभयाे ।

नेपाल सरकारले बाेकेकाे आकांक्षाहरुलाई पूरा गर्ने तीन खम्बा मध्य एक खम्बा सहकारी हाे । जसकाे विषयमा यहाँ धेरै चर्चापरिचर्चा भईसकेकाे  छ । याे कुरा सार्वभौम नयाँ संविधानमा पनि उल्लेख छ । देशकाे अर्थतन्त्र विकासकाे लागि सहकारी एउटा मेरुदण्ड हाे ।देशमा भएका विभिन्न प्रकारका सहकारी मध्य बचत तथा ऋण सहकारी साकाेस हाे । बचत तथा ऋण सहकारीहरु सदस्यहरुकाे बैंककाे रुपमा स्थापीत छ ।तसर्थ याे समुदायकाे बैंक हाे । सहकारी आफ्नै सदस्यहरुकाे पहुच र चाहान अनुरुप निर्भिक रुप संचालनहुने हुदा सदस्यहरुकाे सुख दुखकाे सारथिहरु पनि हुन् । सहकारीले देशकाे अर्थतन्त्र विकासका लागि धेरैठुलाे भुमिका निर्वाह गर्दै आएकाे छ । स-साना पुँजीहरु एकिकृत गर्ने र लगानी गर्ने विशेषता भएकाे सहकारी बाट लाखौं नेपालीहरु लाभान्वित भएकाे बताउनुभएकाे थियाे ।

समाजवाद उन्मुख अर्थतन्त्रकाे विकास गर्न, समाजवाद प्रतिकाे प्रतिबद्धता पूरा गर्न र समृद्ध राष्ट्र निर्माण गर्न सहकारी क्षेत्रकाे विकास गर्नुकाे विकल्प नभएकाे र सहकारी प्रति जनताकाे विश्वास बढ्दाे छ याे विश्वासलाई टिकाई राख्न र सहकारी मार्फत जनताकाे आर्थिक  सामाजिक सामाजिक जिवनमा परिवर्तन ल्याउन राज्यले सहकारीलाई गर्दै आएकाे प्राेत्साहन सराहनीय भएकाे र त्यसलाई अझै बढाउनु पर्नेमा सम्माननीय उपराष्ट्रपति पुनले जाेडदिनुभएकाे थियाे ।

कार्यक्रमका विशिष्ट अतिथि माननीय मन्त्री भुषालले काेभिड-१९ काे बिकराल अबस्थामा पनि निरन्तर जनताकाे सुख-दु:खमा सहयात्री बनी जनताकाे सेवामा निरन्तर अघिबढ्ने कार्य एकदमै सराहनीय रहेकाे बताउनु भयाे । मन्त्री भुषालले समाजवादकाे आधार तयारकाे महत्वपूर्ण खम्बा सहकारी क्षेत्र नै रहेकाे समेत बताउनुभयाे ।

मन्त्री भुसालले बिधुत्तिय चुलाे, विधुत्तिय सवारी साधन खरीद गरि प्रयाेग गरी राष्ट्रिय पुँजीलाई बाहिर जान राेक्न समेत अपिल गर्नुभयाे । सहकारीकाे आबश्यकता अनुसार सधै साथ रहने बताउनु भयाे ।

बागमती गाउँपालिका अध्यक्ष वीर बहादुर लाेप्चन, काेन्जाेसाेम गाउँपालिका अध्यक्ष गाेपिलाल सिङ्तान, नेप्सुनका अध्यक्ष परिताेस पाैडेल, सहकारी विभागका रजिस्ट्रार झलकराम अधिकारी, गाेदावरी नगरपालिका का मेयर गजेन्द्र महर्जन, राष्ट्रिय सहकारी बैंकका अध्यक्ष के बी उप्रेती, राष्ट्रिय सहकारी महासंघका अध्यक्ष मिनराज कडेल लगाएतले सफलताकाे शुभकामना सहित शुभकामना मन्तव्य राख्नुभएकाे थियाे ।

संघका बरिस्ठ उपाध्यक्ष करुणारत्न बज्राचार्यले कार्यक्रममा उपस्थित प्रमुख अतिथि, विशिष्ट अतिथि, अतिथि र उपस्थित सम्पूर्ण सहभागी प्रतिनिधिहरुलाई शब्दद्वारा स्वागत गर्नुभएकाे थियाे । साथै कार्यक्रममा कुमारी चरीया नित्य समेत प्रस्तुत भएकाे थियाे ।

ललितपुर जिल्ला बचत तथा ऋण सहकारी संघका सचिव श्याम महर्जनकाे संचालन तथा संघका अध्यक्ष  रामहरि बजगाईकाे सभापतित्वमा मंसिर ८ गते देखि १० गते सम्म संचालन हुने चाैथाे ललितपुर साकाेस समिटमा विभिन्न विषयका विज्ञहरूबाट सहकारीसंग सम्बन्धित विभिन्न विषयका कार्यपत्र तथा प्रतिवेदनहरू पेश गर्ने कार्यक्रम रहेकाे छ । 

राष्ट्रिय सहकारी बैंकका संचालक तथा ललितपुर जिल्ला बचत तथा ऋण सहकारी संस्थाकाे अध्यक्ष  साकाेस समिट-२०७८ काे अाैचित्य प्रकाश पार्नुभएकाे थियाे ।

कार्यक्रममा प्रमुख अतिथिद्वारा ललितपुर जिल्ला अन्तर रहेकाे स्थानीय तहका प्रमुखहरु, ज्याेती लाईफ ईन्सुरेन्सका सि.ओ. प्रकाश बिक्रम खत्री, राष्ट्रिय रमेश रघुबंशी, राष्ट्रिय सहकारी बैंकका अध्यक्ष  प्रसम्सा पत्रद्वारा सम्मान गर्नुभएकाे थियाे ।

राष्ट्रिय सहकारी महासंघका संस्थापक अध्यक्ष सहकारी अभियान्ता दिपक प्रकाश बास्काेटालाई उपराष्टपति पुनद्वारा अभिनन्दन गर्नुभएकाे थियाे । संस्थापक अध्यक्ष बास्काेटाले अभिनन्दित हुन पाउँदा अत्यन्तै खुशी भएकाे र यसले मलाई निरन्तर सहकारी अभियानमा लाग्न प्रेरित गरेकाे र अभिनन्दन पत्रमा उल्लेख गर्नुभए जस्तै  निरन्तर सहकारी क्षेत्रमा उब्जिएको समस्यालाई समाधान गर्न उपायहरुकाे खाेजी गर्न लाग्ने बताउनु भयाे । साथै उहाँले विदेशी सहयाेग र ऋण तिर भन्दा राष्ट्रिय पुजीलाई राम्राे संग संचालन गर्न स्पस्ट निति बनाउनु पर्नेमा जाेड समेत दिनुभयाे ।

कार्यक्रमकाे अन्तमा प्रमुख अतिथि, विशिष्ट अतिथि , अतिथि र सम्पूर्ण सहभागी प्रनिधिहरुलाई आफ्नाे अमुल्य समय सहित उपस्थिति हुनु भएकाेमा धन्यवाद सहित धन्यवाद ज्ञापन संघका उपाध्यक्ष लक्ष्मी शाक्यले धन्यवाद मन्तव्य राख्नुभएकाे थियाे ।

ललितपुर जिल्ला बचत तथा ऋण सहकारी संघले पहिलाे साकाेस समिट नगरकाेटमा दाेस्राे साकाेस समिट धुलिखेलमा र तेस्रो साकाेस समिट नगरकाेटमा सम्पन्न गरेकाे थियाे ।

पुरा हेर्नुहोस्

ललितपुर । ललितपुर महालक्ष्मी नगरपालिका - ५ टिकाथलीमा "स्वावलम्बन, समुन्नती र पारस्परिकताका लागि अाधारशिला" भन्ने स्लाेगनका साथ संचालन भएकाे अाधारशिला बचत तथा ऋण सहकारी संस्थाकाे नवनिर्मित भवन उद्घघाटन तथा ११ अाैँ वार्षिक साधरण सभा सम्पन्न भएकाे छ ।

महालक्ष्मी नगर प्रमुख मेयर रामेश्वर श्रेष्ठकाे प्रमुख अातिथ्यता तथा ललितपुर बचत संघका अध्यक्ष रामहरि बजगाईकाे विशेष अातिथ्यतामा सम्पन्न भएकाे नवनिर्मित भवन उद्घाटन तथा ११ अाैँ साधरण सभामा प्रमुख अतिथि श्रेष्ठ र विशेष अतिथि बजगाईले संस्थाले सहकारीकाे सिद्धान्त, मुल्य मान्यता र नितिलाई पुर्णरुपमा पालना गर्दै प्रविधिलाई भरपुर प्रयाेग गर्दै सहकारीलाई नगरपालीका कै नमुनाकाे सहकारीकाे रुपमा स्थापित गर्न सफल भएकाेमा धन्यवाद ब्यक्त गर्दै अागमी दिनमा जिल्ला, प्रदेश र देशकै नमुनाकाे सहकारी बन्न सफल हुनेमा विश्वास ब्यक्त गर्दै सफलताकाे शुभकामना ब्यक्त गर्नु भएकाे थियाे । साथै नगरपालिकामा मात्रै ८७ वटा सहकारी रहेकाेले सहकारी मर्ज गर्दै विश्वासनिय, अाकर्षक, भरपर्दाे र ब्यवस्थित सहकारी बनाउन अपिल समेत गर्नुभएकाे थियाे । प्रमुख अतिथि, विशेष अतिथि, अतिथि गणद्वारा  सहकारी भवनकाे कार्यालयहरुकाे समेत अनुगमन गर्नुभएकाे थियाे ।

अाधारशिला बचत तथा ऋण सहकारी संस्थाकाे कार्यकारी प्रमुख ईन्द्र बहादुर श्रेष्ठले संस्थाकाे वार्षिक प्रतिवेदन प्राेजेक्टर मार्फत प्रस्तुत गर्दै संस्थाकाे सुरुवाती चरण देखि अाज सम्मकाे अबस्थाकाे चित्रण गर्नुभएकाे थियाे । भने साधरण सभामा सहभागी सम्पुर्ण महानुभावहरुलाई सदस्य सत्यवती थापाले स्वागत गर्नुभएकाे थियाे ।

संस्थाका सचिव गुरु प्रसाद काफ्ले काे संचालनमा सम्पन्न भएकाे ११ अाैँ  वार्षिक साधरण सभामाले उत्कृष्ट कर्मचारी सर्मिला धिमाल, उत्कृष्ट सदस्य दुर्गा के सी र ध्रुव थापा, भवन निर्माण कन्ट्याक्टर ईन्जिनियर दिनेश बिक्रम श्रेष्ठ, नयाँ सेयर सदस्यहरुलाई प्रमुख अतिथि र विशेष अतिथिकाे हात बाट प्रमाण पत्र तथा खादाद्वारा सम्मान समेत गरेकाे थियाे । साथै संस्थाका अध्यक्ष कपिल केसीले प्रमुख अतिथि, विशेष अतिथि र अतिथि वर्गलाई मायाकाे चिनाे प्रदान गरी सम्मान ब्यक्त गर्नुभएकाे थियाे ।

साधरण सभामा महालक्ष्मी - ५ का वडा अध्यक्ष राजकुमार सिलवाल, माेतेश्वर समाजका अध्यक्ष माेहन के सी, राधाकृष्ण खानेपानी सरसफाई उपभोक्ता समितिका अध्यक्ष सुमन कुमार के सी, महालक्ष्मी -५ टिकाथली क्षेत्रमा सक्रिय सहकारी संस्थाका अध्यक्ष तथा प्रतिनिधिहरु तथा उक्त संस्थाका संचालक समिति र कर्मचारीहरुकाे उपस्थितिमा अाज सम्पन्न भएकाे हाे । 

काेराेना भाईरस  काेभिड-१९ काे भयावह अबस्थालाई मध्य नजर गर्दै भाद्र २४ बाट सुरु भएकाे ११ अाैँ वार्षिक साधरण सभा अाज अाैपचारीक रुपमा नवनिर्मित भवन उद्घाटन तथा संथाकाे वार्षिक प्रतिवेदन र अागामी कार्ययाेजना  पास गर्दै सम्पन्न भएकाे संस्थाका अध्यक्ष कपिल केसीले बताउनु भयाे  ।

पुरा हेर्नुहोस्

ताजा समाचार


ओलम्पिक क्वालीफाइङ बक्सिङमा चन्द्रको विजयी सुरुवात

ओलम्पिक क्वालीफाइङ बक्सिङमा नेपाली खेलाडी चन्द्र बहादुर थापाले विजयी सुरुवात गरेका छन् ।

आगामी अगस्तमा फ्रान्सको पेरिसमा हुन गईरहेको ३३औं ग्रीस्मकालीन ओलम्पिकका ईटलीको बुस्टो आरिस्जीयो, मिलान शहरमा भईरहेको ओलम्पिक क्वालीफाईङ बक्सिङमा उनले बिजयी सुरुवात गरेका हुन् ।

यहि मार्च ३ देखि ११ तारिख सम्म ओलम्पिक क्वालीफाईङ बक्सिङ प्रतियोगितामा चन्द्रले पुरुष ५१ किलो तौल समुहमा ताजकिस्तानका शाफिएभ मेहरोनलाई ३ः२ को स्पिलिट डिसिजनको आधारमा पराजित गर्दै विजयी सुरुवात गरे ।

थापाको अर्को भिडन्त भियतनाम र क्यानडाविचका विजयी खेलाडीसंग हुनेछ । भने अर्का नेपाली खेलाडी अन्जनी तेलीको भिडन्त महिला ५४ किलो तौल समुहमा भोली मार्च ४ तारिखमा पोल्याण्डका खेलाडी द्राविक सान्द्रासंग बेलुकीको शत्रमा प्रतियोगिता हुनेछ ।



पुरा हेर्नुहोस्

गौतमबुद्ध क्रिकेट रंगशाला निर्माणका लागि सवा अर्बको टेण्डर आह्वान

चितवन । चितवनको भरतपुरमा बजेट अभावले निर्माण अलपत्र बनेको गौतम बुद्ध अन्तर्राष्ट्रिय क्रिकेट रंगशालाको थप पूर्वाधार निर्माणका लागि टेण्डर आह्वान भएको छ ।

महानगरपालिकाका उपनिर्देशक जगन्नाथ अर्यालले ३० दिनको म्याद राखेर एक अर्ब १० करोडको ठेक्का आह्वान गरिएको जानकारी दिए ।

उनले रंगशालालाई महानगरले उच्च प्राथमिकतामा राखेर काम गरिरहेको भन्दै यसलाई तोकिएको मितिभन्दा अगाडि नै पूरा गर्ने अर्यालले बताए ।

महानरपालिकाका वरिष्ठ इन्जिनियर सन्तोष आचार्यले थप १० हजार क्षमताको प्याराफिटसहित मैदानलगायतका भौतिक पूर्वाधार निर्माणका लागि ३० महिनाभित्र काम गरिसक्ने गरी टेण्डर निकालिएको बताए ।

सुरुमा रंगशाला निर्माण थालेको धुर्मस सुन्तली फाण्डेशनले ५ हजार बस्ने प्याराफिट तयार गरिसकेको छ । वरिष्ठ इन्जिनियर आचार्यका अनुसार मैदानसहित ५ वटा पिच, मैदानमा ड्रेनऐजसहित पछिल्लो प्रविधि अपनाएर मैदान निर्माण, २ वटा ३ /३ तलाको टावर बनाइने छ ।

एउटामा भीआईपी र खेलाडी रहनेछन् भने अर्कोमा मिडिया, अम्पायर र कर्पोरेट बक्सहरु हुनेछन् ।

यस्तैं, गेट, कम्पाउण्डवाल लगायतका थप पूर्वाधार पनि यही भित्र बन्ने आचार्यले जानकारी दिए ।

३० महिना ठेक्काको म्याद तोकिए पनि सोभन्दा अगाडि नै रंगशालाको काम सक्ने गरी महानगरले सहजीकरण गर्ने वरिष्ठ इन्जिनियर आचार्यले बताए ।

यसअघि रंगशाला सम्बन्धी नै कामकाज गरेको ५८ करोडभन्दा बढी टर्न ओभर गरेको अनुभवी ठेकेदार कम्पनी हुनुपर्ने मापदण्डमा राखिएको छ ।

महानगरपालिका प्रमुख रेनु दाहालले रंगशालाको निर्माण महानगरको गौरवको परियोजना भएको बताइन् । उनले ठेक्का आह्वानसँगै रंगशाला निर्माण सम्पन्न गर्ने आफ्नो संकल्प अब पूरा हुने बताइन् ।

‘रंगशाला निर्माणको काम विभिन्न कारणले रोकिंदा म निकै दुःखी थिए । यसलाई जसरी पनि बनाउनुपर्छ भनेर लागे । महानगरपालिकाले मात्रै गरेर केही हुने अवस्था थिएन, सबै पक्षलाई मिलाउनुपर्ने झन्झट नै थियो,’ उनले भनिन्, ‘धेरै ठूला बाधाहरु फुकाएर रंगशाला बन्ने कुरा सुनिश्चित भएको छ, सारा क्रिकेटप्रेमीहरु, भरतपुरवासीहरु खुसी हुनुपर्ने दिन हो, मेरो संकल्प थियो, त्यो पूरा हुँदैछ ।’

यसअघि गत माघ २३ गते बसेको बागमती प्रदेश सरकारको मन्त्रिपरिषद् बैठकले रंगशाला निर्माणका लागि आवश्यक ७५ करोड रुपैयाँको ७० प्रतिशत अर्थात ५२ करोड ५० लाख रुपैयाँ दिने निर्णय गरेको थियो । बाँकी रकम भरतपुर महानगरपालिकाले खर्च गर्ने छ ।

संघीय सरकारसँग पनि रंगशाला निर्माणका लागि रकम माग गरिएको महानगरपालिकाले जनाएको छ ।

संघीय मन्त्रिपरिषद्को गत कात्तिक २३ गते बसेको बैठकले गौतम बुद्ध क्रिकेट रंगशालालाई राष्ट्रिय गौरवको परियोजनाभित्र समेटेर बाँकी काम तीनै तहका सरकारहरु मिलेर पूरा गर्ने निर्णय गरेको थियो । सो निर्णयमा रंगशालाको निर्माणको मुख्य पहलकदमी र समन्वय भने महानगरपालिकाले गर्ने उल्लेख छ ।

महानगरले संघीय सरकारसँग पनि रंगशालाको बाँकी कामका लागि रकम माग गरेको महानगरका उपनिर्देशक अर्यालले जानकारी दिए ।

उनका अनुसार रंगशालाका सम्पूर्ण डकुमेन्ट र प्रक्रिया पूरा गरिएको छ । रंगशालाको पहिलो फेजको काम लागि टेण्डरमा आह्वान गरिएको बताउँदै उपनिर्देशक अर्यालले यो निर्माणको प्रकृयामा रहँदा दोस्रो फेजको कामका लागि पूर्वतयारी गर्ने जानकारी दिए ।

धुर्मस सुन्तली फाण्डेशनले बनाउन सुरु गरेको रंगशाला बजेट अभाव भएको भन्दै २०७८ साउन २२ गतेबाट पूर्ण रुपमा काम रोकिएको थियो ।

फाउण्डशेनले बनाएको विस्तृत परियोजना प्रतिवेदनलाई (डीपीआर) रिभाइज गरिएको महानगरका उपनिर्देशक अर्यालले जानकारी दिए ।

रिभाइज गरिएको डीपीआरमा केही पूर्वाधारहरु थप्नुपर्ने र केही हटाउनुपर्ने देखिएको अर्यालले जानकारी दिए ।

त्रिभुवन विश्वविद्यालयको नाममा रहेको तथा कृषि तथा वन विज्ञान विश्वविद्यालयले भोगचलन गरेको २० विगाहा १९ कठ्ठा जग्गामा धुर्मस सुन्तली फाउण्डेशनले निर्माण थालेको रंगशालाको काम ३९ प्रतिशत काम सकिएपछि बजेट अभाव भएको बन्दै निर्माण रोकिएको थियो ।

कुल ३० हजार दर्शक क्षमताको रंगशालाको प्याराफिटमा ३ हजार दर्शक बस्न मिल्ने प्याराफिट बनिसकेको छ । प्याराफिटका लागि २८६ पिलर उभ्याइएको छ ।

थप निर्माणमा स्रोत जुटाउन नसकेपछि धुर्मस सुन्तली फाउण्डेशनले २०७८ पुस २ गते महानगरपालिकालाई स्वामित्व लिन अनुरोध गर्दै पत्र लेखेको थियो ।



पुरा हेर्नुहोस्

गाेर्खाली रग्बी क्लब राष्ट्रिय फिफ्टिन्स रग्बी लिग च्याम्पियन

काठमाडौं । राष्ट्रिय फिफ्टिन्स रग्वी लिग च्याम्पियनसिपको उपाधि गोर्खाली रग्वी क्लबले शनिबार जितेको छ । दशरथ रंगशालामा त्रिभुवन आर्मी क्लबलाई ६६–७ को स्कोरमा हराउँदै गोर्खालीले उपाधि उचालेको हो ।

अपराजित रहँदै च्याम्पियन बनेको गोर्खालीले पहिलो खेलमा पुलिस क्लबलाई ५४–३ को स्कोरमा र दोस्रो खेलमा एपीएफलाई ४९–२० को स्कोरमा पराजित गरेको थियो । गोर्खाली रग्वी ९ अंक सहित च्याम्पियन बनेको हो । गोर्खाली रग्वीले रनिङ ट्रफी सहित १ लाख रुपैयाँ नगद पुरस्कार जितेको छ ।

प्रतियोगितामा सशस्त्र प्रहरी बलको एपीएफ क्लब दोस्रो बन्यो । लिग चरणको आफ्नो अन्तिम खेलमा नेपाल पुलिस क्लबलाई ७७–६ को स्कोरमा हराउँदै एपीएफ उपविजेता बनेको हो । एपीएफले ७ अंक जोड्यो । एपीएफले ट्रफी, मेडल सहित ५० हजार रुपैयाँ नगद प्राप्त गर्यो । च्याम्पियनसिपमा तेस्रो भएको आर्मीले ५ अंक जोड्यो । नेपाल प्रहरी ३ अंकसाथ ४ टिम सहभागी लिगमा अन्तिममा रह्यो ।

प्रतियोगितामा एपीएफका प्रमेश चौधरी उत्कृष्ट खेलाडी घोषित भए । उनले ५ हजार नगद पुरस्कार हात पारे ।



पुरा हेर्नुहोस्


२ पूर्वसचिवसहित १३१ दोषी ठहर, ३ पूर्वमन्त्री र १ पूर्वसचिवलाई सफाइ

काठमाडौँ । ललिता निवास परिसरको करिब २ सय ८४ रोपनी जग्गा कानुनसम्मत मुआब्जा दिएर २०२१ सालमा अधिग्रहण भएकामा त्यसको करिब ३० वर्षपछि योजनाबद्ध रूपमा व्यक्तिका नाममा फर्काइएको थियो । २०५० देखि हिनामिना गरिएको जग्गा ३० वर्षपछि फेरि सरकारका नाममा ल्याउने गरी विशेष अदालतले फैसला गरेकाेछ ।

ललिता निवास जग्गा प्रकरणमा १३१ जना दोषी ठहर हुनेगरी विशेष अदालतले गरेको फैसलाको मुख्य सन्देश के हो ?

९३ वर्षअघि विसं १९८७ मा तत्कालीन राजा त्रिभुवनसँग मागेर प्रधानमन्त्री भीमशमशेरले हालको बालुवाटार क्षेत्रको २ सय ९९ रोपनी जग्गा आफ्नो नाममा पाएका थिए । ‘देवाली’, ‘सानु’, ‘तलेजु’ र ‘इन्द्रजात्रा’ गुठीका नाममा रहेको र केही किसानले जोतभोग गर्दै आएको यो जग्गा भीमशमशेरले पाएपछि उनले पर्खाल लगाएर घेरेका थिए । पर्खालमा लेखाइएको थियो– ललितादेवी । ललितादेवी राणाहरूकी कुलदेवीका नाममा पुजिन्थिन् । कुलका नाममा आएको जग्गा भीमशमशेरबाट छोरा हिरण्यशमशेर र उनका पनि छोरा सुवर्णशमशेरका नाममा सरेको थियो । २०१६ पुस १ मा ‘बिर्ता उन्मूलन ऐन’ जारी भएसँगै जग्गा प्राप्ति ऐनअनुसार तत्कालीन भोगाधिकारी सुवर्णशमशेरको परिवारबाट १४ रोपनी ११ आना जफत गरिएको थियो भने दुई सय ८४ रोपनी जग्गा अधिग्रहण गरेको थियो । अधिग्रहण गर्दा सरकारले सुवर्ण परिवारलाई १६ लाख रुपैयाँभन्दा बढी मुआब्जा दिएको थियो । सरकारले प्राप्त गरेको जग्गा गृह मन्त्रालयअन्तर्गतको समरजंग कम्पनीका नाममा राखिएको थियो ।

पञ्यायतकालमा राजकाज मुद्दा लगाएर जफत गरिएका जग्गा फिर्ता गर्न भनेर ०४७ मा मन्त्रिपरिषद्ले गरेको निर्णयलाई अपव्याख्या गरेर मुआब्जा तिरेर अधिग्रहण गरिएका हदबन्दीभन्दा माथिका जग्गा पनि फिर्ता गर्ने योजना सफल पारिएको थियो ।

सरकारी अधिकारी र भूमाफियाको मिलेमतोमा हिनामिना गरिएको ललिता निवास परिसरको यो जग्गा अब भने सरकारका नाममा फिर्ता हुने भएको छ । यो प्रकरणमा अख्तियारले दायर गरेको मुद्दामा बिहीबार फैसला दिँदै विशेष अदालतले नेपाल सरकारका २ पूर्वसचिव र तत्कालीन भोगाधिकारी राणा परिवारका ५ सदस्यसहित १३१ जनालाई दोषी ठहर गरेको छ । सरकारका नाममा भएको जग्गा सुनियोजित रूपमा हडपिएकामा ती सबै प्रक्रिया खारेज गर्दै अदालतले दोषीलाई बिगो, कैद र जरिवाना तथा हिनामिना भएको जग्गा जफत गरेर सरकारकै नाममा ल्याउने गरी फैसला सुनाएको हो ।

विशेष अदालतका न्यायाधीशहरू खुसीप्रसाद थारू, रामबहादुर थापा र रितेन्द्र थापाको इजलासले पूर्वभूमिसुधार सचिव छविराज पन्त र पूर्वभौतिक योजना सचिव दीपबहादुर बस्न्यात तथा ललिता निवासका तत्कालीन भोगाधिकारीहरू सुनीति राणा, शैलजा राणा, हेमनशमशेर, हाटकशमशेर र रुक्मशमशेरसहितलाई दोषी ठहर गर्दै बिगोबमोजिम जरिवाना र कैद सजाय हुने गरी फैसला सुनाएको हो । विशेष अदालतका प्रवक्ता एवं उपरजिस्ट्रार धनबहादुर कार्कीले विभिन्न निर्णय प्रक्रियामा सामेल २ पूर्वसचिवसहित तत्कालीन भोगाधिकारी, नक्कली मोही, जग्गा हिनामिनामा संलग्न कर्मचारी र मतियारका रूपमा काम गर्नेसहितलाई दोषी ठहर र हिनामिना भएको १ सय ३६ रोपनी जग्गा पनि जफत हुने फैसला भएको बताए ।

जग्गा किनबेचमा संलग्न भाटभटेनी सुपरमार्केटका सञ्चालक मीनबहादुर गुरुङ तथा भूमाफिया किटान गरिएका शोभाकान्त ढकाल र रामकुमार सुवेदीलाई जग्गा हिनामिना प्रकरणको मुख्य मतियारका रूपमा अदालतले दोषी ठहर गरेको छ । जग्गा हिनामिनासम्बन्धी मन्त्रालयबाट फाइल सदर गरेर मन्त्रिपरिषद्मा पेस गर्ने ३ जना तत्कालीन मन्त्री र १ सचिवसहित केही हाइप्रोफाइलले भने कसुरबाट सफाइ पाएका छन् । पूर्वउपप्रधान तथा भौतिक योजनामन्त्री विजयकुमार गच्छदार, पूर्वभूमिसुधारमन्त्रीद्वय चन्द्रदेव जोशी र डम्बरबहादुर श्रेष्ठ तथा पूर्वभूमिसुधार सचिव दिनेशहरि अधिकारीलाई विशेषले कसुरबाट सफाइ दिएको हो ।

विसं २०४९ देखि २०६९ को अवधिमा गुठी संस्थान, मालपोत, नापी, भूमिसुधार विभाग र मन्त्रालयबाट गैरकानुनी निर्णय गराएर ललिता निवास परिसरको १ सय ३६ रोपनीभन्दा बढी जग्गा हिनामिना गरेको कसुरमा अख्तियार दुरुपयोग अनुसन्धान आयोगले २०७६ माघ २२ मा १ सय १० जनाविरुद्ध बिगो, कैद र जरिवाना तथा ६५ जनाविरुद्ध जग्गा जफत प्रयोजनका लागि प्रतिवादी बनाएर विशेष अदालतमा मुद्दा दायर गरेको थियो । पछिल्लो पटक लगातार २२ दिनसम्म मुद्दालाई नियमित सुनुवाइमा राखेर अदालतले बिहीबार किनारा लगाएको प्रवक्ता कार्कीले बताए ।

विशेष अदालतका पूर्वअध्यक्ष गौरीबहादुर कार्कीले विशेषको फैसलाले राजनीतिक व्यक्तिलाई सफाइ दिए पनि यो फैसला समग्रमा साहसिक र ऐतिहासिक नै रहेको टिप्पणी गरे । ‘सरकारी जग्गा पद र शक्ति तथा प्रलोभनमा खाने/मास्ने काम जुनसुकै बेला भए पनि त्यस्तो अपराधमा संलग्नले एक दिन कानुनको कठघरामा आउनैपर्छ भन्ने सन्देश यसले दिएको छ,’ कार्कीले भने । हाल अख्तियार प्रमुख रहेका प्रेमकुमार राई गृह सचिव भएका बेला पूर्वसचिव शारदाप्रसाद त्रितालको संयोजकत्वमा छानबिन समिति गठन गरिएको थियो । समितिले दिएको प्रतिवेदनका अनुसन्धानका लागि सरकारले अख्तियार र प्रहरीमा पठाएको थियो । त्यसका लागि अधिवक्ता युवराज कोइरालाले थुप्रै तथ्य र प्रमाण सरकारलाई दिनुका साथै जग्गा हिनामिनामाथि अनुसन्धानका लागि डेढ दशकदेखि सक्रियता देखाएका थिए ।

२०४६ पछि बनेको मन्त्रिपरिषद्ले पञ्चायतकालमा जफत जग्गा छानबिन गरी फिर्ता गर्ने निर्णय गरेको थियो । तर, यही निर्णयको गलत व्याख्या गरेर मुआब्जा दिएर अधिग्रहण गरिएका जग्गा पनि फिर्ता गराउने प्रपञ्च रचिएको थियो । सुवर्णशमशेरको परिवारबाट २ सय ८४ रोपनी १४ आना ३ पैसा जग्गा तत्कालीन सरकारले उचित मुआब्जा दिएर कानुनसम्मत अधिग्रहण गरेको ठहर पनि विशेष अदालतले गरेको छ ।

२०२१ मंसिर १५ मा ललिता निवासको जग्गा अधिग्रहण गर्ने निर्णय भएको र १७ मा यो विषय राजपत्रमा प्रकाशित भएकाले यसलाई अन्यथा भन्न नमिल्ने अदालतको टिप्पणी छ । ‘सुवर्णशमशेर र उनका छोरा कञ्चनशमशेरका नाममा रहेको १४ रोपनी ११ आना जग्गा मात्रै जफत भएको हो, २ सय ८४ रोपनी जग्गा कानुनसम्मत अधिग्रहण भएको ठहर्छ’ अदालतले भनेको छ । सरकारी निर्णयको अपव्याख्या गरेर अधिग्रहण भएको जग्गालाई पनि जफतकै सूचीमा राखेर हडपिएको फैसलामा उल्लेख छ ।

२०६६/६७ मा प्रधानमन्त्री कार्यालय विस्तारका नाममा नक्कली मोही र जग्गा धनीलाई ललिता निवासको जग्गा सट्टाभर्नाबापत दिने प्रस्ताव मन्त्रिपरिषद्मा लगेर अनुमोदन गराइएको थियो । मन्त्रीहरू गच्छदार, श्रेष्ठ, जोशीले लगेको प्रस्तावका आधारमा ललिता निवासको करिब ५ रोपनी जग्गा पशुपति टिकिन्छा गुठीका नाममा कायम गरेर नक्कली मोहीमा जाने गरी निर्णय भएका थिए ।

तलबाट आएका प्रस्तावलाई मन्त्रिपरिषद्सम्म पुर्‍याउने काम गरेको भन्दै सचिव अधिकारीलाई सफाइ दिइएको छ । मन्त्रिपरिषद्को निर्णय नीतिगत भएको र नीतिगत निर्णयमा अख्तियारको क्षेत्राधिकार नरहने भन्ने अभियोगपत्रमै उल्लेख भएका लगायत कारण देखाएर गच्छदार, श्रेष्ठ र जोशीलाई सफाइ दिइएको हो । २०४९ र २०६२ मा जग्गा राणा परिवारका नाममा लैजान भएको निर्णयमा डिल्लीबजार मालपोतका तत्कालीन प्रमुखद्वय कलाधर देउजा र टीकाराम घिमिरेसहित १८ लाई अदालतले दोषी ठहर गरेको छ । सरकारी जग्गामा गलत दावीसहित राणा परिवारका ५ जना सदस्यहरू सुनीति राणा, शैलजा राणा, हेमनशमशेर, हाटकशमशेर र रुक्मशमशेर राणा तथा मालपोत र भूमिसुधारका कर्मचारीहरू कलाधर देउजासहित ५ कर्मचारी तथा भूमाफिया रामकुमार सुवेदी र शोभाकान्त ढकाललाई दोषी ठहर गर्दै जनही ७५ लाख रुपैयाँ जरिवाना र २ वर्ष कैद सजाय सुनाइएको छ । मालपोतबाट छुट दर्ताका नाममा थप १२ आना ०६२ मा राणा परिवारका नाममा गएको थियो । यसमा प्रमुख मालपोत अधिकृत टीकाराम घिमिरेसहित ५ कर्मचारी र सुनीतिलाई ६ महिना कैद र जनही ७ लाख रुपैयाँ जरिवाना तोकिएको छ ।

नक्कली जग्गाधनी र नक्कली मोहीलाई सट्टाभर्ना दिने गरी गैरकानुनी रूपमा मन्त्रालय र मालपोतबाट भएका निर्णय प्रक्रियामा सामेल तत्कालीन सचिवद्वय बस्न्यात र पन्तसहित १२ जना दोषी ठहर भएका छन् । दुई सचिवसहित १२ कर्मचारी र व्यापारी मीनबहादुर गुरुङलाई जनही ८० लाख ४८ हजार रुपैयाँ जरिवाना र २ वर्ष कैद, जग्गा जफतको फैसला सुनाइएको छ । सट्टाभर्नामा नक्कली मोही दाबी गर्ने श्रीकृष्ण महर्जनसहित १२ जनालाई पनि दोषी ठहर गरी २ वर्ष कैद र बिगोबमोजिम जरिवानाको फैसला भएको छ ।

५७ जनालाई नक्कली मोही बनी जग्गामा हकदाबी गरेकाले कसुरदार ठहर गरिएको छ । उनीहरूलाई जनही २ वर्ष कैद र जरिवानाको फैसला भएको छ । घूसबापत जग्गा बकस लिएका १५ जनालाई पनि २ वर्ष कैद र जरिवानाको फैसला भएको छ ।

टिकिन्छा गुठीमा लगेर नक्कली मोही कायम गर्ने तत्कालीन गुठी प्रशासक बलिरामप्रसाद साह तेलीसहित १७ जनाविरुद्ध १ वर्ष कैद र जनही ४१ लाख ६७ हजार ५ सय २९ जरिवानाको फैसला भएको छ । गुठीमा जग्गा लगेर भूमाफियाका नाममा कायम गराएको अभियोगमा तेलीसहित हरिबोल आचार्य, रामेश्वर बिडारी, सेवन्तराज चापागाईं, हेमराज सुवेदी, तेजराज पाण्डे, तुल्सी पोखरेल, हरिप्रसाद जोशी, दिलीपकुमार भट्ट, नवराज पौडेल, जयप्रसाद रेग्मी, शैलेन्द्र पौडेल, फणीन्द्रप्रसाद दाहाल, मणिकुमार राना, बद्रीबहादुर कार्की, लक्ष्मीनारायण उप्रेती र दिनेशप्रसाद शर्मा दोषी ठहर भएका हुन् । त्यसैगरी प्रधानमन्त्री निवास विस्तारका नाममा भएका निर्णयमा पनि कर्मचारीहरू दोषी ठहर भएका छन् । यसमा मालपोत कार्यालयबाट निर्णय गर्दा नै जग्गा सट्टाभर्नास्वरूप जग्गा धनी र मोहीको नाम नामसारी दाखिला खारेज प्रक्रिया सम्पन्न गरेर मन्त्रालयमा पेस गरिएको र मन्त्रालयबाट यसमा थप नाम हेरफेर गर्ने काम सचिवले गरेको भन्दै निर्णय प्रक्रियामा कर्मचारीका कारण जग्गा व्यक्तिका नाममा पुगेको फैसलामा उल्लेख छ ।

पुरा हेर्नुहोस्


रामेछापका पाण्डेद्वारा अफ्रिकाको सर्वोच्च शिखर किलिमञ्जारोको सफल आरोहण

१५ कात्तिक, काठमाडौं । रामेछाप निवासी युवा पर्वतारोही प्रकाशराज पाण्डेले अफ्रिकाको सर्वोच्च शिखर किलिमञ्जारो सफल आरोहण गरेका छन्। यही अक्टुबर ३१ तारिखका दिन बिहान ६स्ः४० बजे उनले तान्जेनियाको किलिमाञ्जारो हिमाल आरोहण‍ गरेका हुन्। पाण्डेले किलिमञ्जारोमा नेपालको राष्ट्रिय झण्डासमेत फहराएका छन् । उक्त हिमाल पाँच हजार ८ सय ९५ मिटर अग्लो छ। पर्वतारोही पाण्डेले आधार शिविरबाट तीन दिनमा आरोहण पूरा गरेको रामेछाप न्युजलाइ बताए ।

पाण्डेले सातै महादेशका उच्च हिमाल आरोहण गरी सेभेन समिट पूरा गर्ने लक्ष्यका साथ गत जुन २९ तारिखका दिन बिहान ९ बजे युरोपको सर्वोच्च शिखर रुसमा रहेको माउन्ट एलब्रस हिमाल पनि आरोहण गरेका थिए। उनले यस अगाडि सगरमाथा, मनास्लु, आमादब्लमलगायत नेपालका ६ वटा हिमालको सफल आरोहण गरिसकेका छन् । सात वटा महादेशका अग्ला हिमाल चढ्ने तयारी गरिरहेका पाण्डेले सबैभन्दा पहिला युरोपकै अग्लो हिमाल रुसको माउन्ट एल्ब्रसबाट आफूले अभियान सुरु गरेकोगरेको बताए । 

हाल पाण्डेले अफ्रिकाको सर्वोच्च शिखर किलिमञ्जारोको पनि सफल आरोहण गरेका छन् । उनी गत अक्टुबर २३ मा आरोहरणका लागि नेपालबाट त्यसतर्फ प्रस्थान गरेका थिए।रामेछाप लिखु तामाकोसी गाउँपालिका निवासी पाण्डेले सात वटै प्रदेशका उच्च हिमाल आरोहण गरेर विश्व रेकर्ड कायम गर्ने उद्देश्य लिएका छन्।

पुरा हेर्नुहोस्


गायक गणेश थापाको ‘आखाँमा झुम्न थाल्यो’मा रंगिए कमल र स्नेहा

काठमाण्डौं । प्रेम र रोमान्स समेटिएको गीत "आखाँ झुम्न थाल्यो"सार्वजनिक गरिएको छ ।

बरिष्ठ गायक गणेश थापाको स्वर रहेको यो गीतमा सुदन लुईटेलको शब्द, सुवर्ण कुमारको संगीत छ । २५ बर्षको अमेरिका बसाई पछि नेपाल फर्किएका गायक थापाले नेपाली मौलिक भाकामा गीत प्रस्तुत गर्न पाउनु आफैमा माटो र मातृत्व प्रतिको लगाव भएको बताए ।

सार्वजनिक गीतको भिडियोमा कमल सिंह र स्नेहा जोशीको अभिनय छ । सन्तोष तामाङ्गको छायाँकन, विजय राज भुर्तेलको सम्पादन तथा  निर्देशन गीतमा रहेको छ ।

सार्वजनिक भिडियोमा कमल र स्नेहा रोमान्टिक बनेका छन् । यो गीत माया गर्ने जोडीहरुले मन पराउने विश्वास गरिएको छ ।

गीतको पुरा भिडियो हेर्न तल क्लिक गर्नुहोस ।
<iframe width="100%" height="315" src="https://www.youtube.com/embed/8KEq_KByP84?si=FE-YNRQOX_GouUny" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

 

पुरा हेर्नुहोस्